Jose Luis Elkoro kalean da
Jose Luis Elkoro ezker abertzaleko militante historikoa atzo eguerdian atera zen Martuteneko espetxetik. 75 urteko bergararra 2009ko irailaren 30etik preso zen 18/89 makro-epaiketa medio, eta Espainiako estatuko presorik zaharrena zen. Ehunka politikari eta dozenaka eragilek eskatu dute bere askatasuna azken hilabeteotan "Jose Luis Elkoro Libre" herri ekimenak bultzatuta. 2007an prostatako minbizia diagnostikatu zioten. Bere osasun egoerak bultzatuta atera dute kartzelatik, nahiz eta kontrol neurri zorrotzak ezarri dizkioten.
Iruñeko Txantrea auzoko kale-izendegian frankismoan errepresaliatuak izan ziren hamar emakume gogoratuko dituzte. Ekitaldia egin zuten atzo eta auzoaren hegoaldean dagoen plaza bat oroimen gune ere izendatu zuten. "Garrantzitsua da historian gertatutakoa gogoratzea;... [+]
