Gurasoak preso dituzten "motxiladun haurren" auzia telebistara eramanez, ikusmina sortu du Ur Handitan saioak

  • Motxiladun umeen gaia jorratu zuen astearte gauean ETB 1eko Ur Handitan saioak. Emozioz beteriko programa izan zen eta haurrak izan ziren saioko protagonistak.

Andoni Mikelarena @andonimik
2018ko urtarrilaren 10a
Argazkia eta bideoak: @jonathanmartinz

“Prest gaude”, hala dio urtarrilaren 13an Bilbon Euskal preso eta iheslari politikoen alde Sare herritarrak antolatu duen manifestazioaren leloak. Bilboko kaleak betetzera dei egin dute azken aste eta egunotan. Aurtengoan, gainera, zentraltasun handia hartu “motxiladun umeen” auziak, alegia, gurasoak preso dituzten haurren gaiak. Astearte gauean ETB 1eko Ur Handitan saioak haur horiek pairatzen duten egoeraren inguruko erreportajea eskaini zuen. Emozioz beteriko saioa.

“Motxiladun” haur ugariren testigantzak jaso zituen Ane Rotaetxe eta Fermin Etxegoienek zuzentzen duten saioak. Xabier Madariaga da saioko aurkezlea, eta atzokoan enegarren aldiz erakutsi zuen elkarrizketatuaren lekuan jartzeko duen gaitasuna. Tentsio emozional handiko uneak ikusi ahal izan zituzten ikusleek, besteak beste, Gari motxiladun haurrak bere egoera kontatu zuenean.

“Nolakoa da bisita bat? Nolakoa da zure aita edo amarekin topo egiten duzun une hori? Ba al duzu esperantzarik?” Galdera zorrotzak egin zizkien aurkezleak haur eta gazteei, hauek ere zorroztasunez erantzun zieten galderei. Saioaren momentu batean “motxiladun haurrek duten heldutasuna” azpimarratu zuten, egoera latz horiek bizi beharrak euren izaeraren garapenean izango baitzuen zerikusirik.

Euren gurasoak bisitatzeko 1.000 kilometro baino gehiago egin beharrak sortzen duen neke eta tristura azaldu zuten protagonistek saio guztian zehar. Garik bere gurasoak bisitatzeko egin zuen bidaia izan zen saioaren hari gidaria. Euren gurasoek egindakoa epaitzeko tentazioa ekidin, eta gurasoei ezarritako zigorra, zigor bikoitza ere badela erakutsi zuen saioak.

“Sakabanaketak presoa zigortzeaz gain, presoaren familia eta gertukoak ere zigortzen ditu, zigor bikoitza ezarri zaigu”, adierazi zuen elkarrizketatuetako batek. Alabak, espetxean duen aitari bere urtebetzearen harira egindako bertsoarekin amaitu zen saioa, “ez gaituzte triste ikusiko / gu betik pozik kantari / berdin baitigu 40 urte / edo badira 102”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Espetxe politika  |  ETB

Espetxe politika kanaletik interesatuko zaizu...
2018-07-08 | Lander Arbelaitz
Orain Presoak dinamika
"Salbuespen legedia alde batera utzi behar du Espainiako Estatuak"

Sara Majarenas (1980, Donostia) eta Felix Arrietarekin (1982, Donostia) bildu gara. Sarek bultza duen Orain Presoak dinamikan parte hartzen ari dira. Lehena preso ohia eta indarkeria matxistaren biktima, orain bi hilabete askatu dute; bigarrena, Deustuko unibertsitateko irakaslea da. Lau aldarrikapen zehatzen inguruan babesa bilatzen ari dira eta urriaren 20rako manifestazioa deitu dute Bilbon. Espainiako Estatutik aldaketaketor litezkeela sumatzen den egunetan mintzatu gara beraiekin.


Grande Marlaska tortura salaketen inguruan: "Egia bakarra egia judiziala da"

Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.


2018-07-02 | ARGIA
Hegoaldeko sindikatu guztiak presoak hurbiltzearen alde azaldu dira

Eusko Legebiltzarrean ekainaren 13an eta Nafarroako Parlamentuan ekainaren 29an erdietsitako akordioen ondoren, Hego Euskal Herriko sindikatu guztiek espetxe politikaren aldaketa eta presoen hurbilketa eskatu dute.


2018-06-29 | ARGIA
Bizikleta martxa presoen egoera larria amaitzeko

Sarek euskal presoen salbuespenezko egoera aldatzeko helburuz bizikleta martxa bat antolatu du uztailaren 20tik 23ra bitartean. Txirrindulariak Landestako Mont-de-Marsango espetxetik aterako dira eta Arabako Zaballan amaituko da.


Euskal preso politikoen egoeran aldaketak iradoki ditu Pedro Sanchezek

Presidente bezala eman du bere lehen elkarrizketan Euskal Herriko eta Kataluniako preso politikoen egoeraz hitz egin du Espainiako Telebista publikoan.


2018-06-14 | ARGIA
Asier Ezeiza preso hernaniarra Mont-de-Marsan espetxera hurbildu du Frantziako Gobernuak

Tarascon kartzelan izan da Asier Ezeiza azken urtea, bere sorterritik 750 kilometrora, eta orain Mont-de-Marsenera aldatu dute Etxerat Elkarteak jakinarazi duenez.


2018-04-24 | Joxe Aldasoro
"Seme" proiektua

“Haurrek eskubideak dituzte eta, helduok, eskubide horiek betearazteko obligazioa” dio Francesco Tonucci psikologo eta ikerlariak.  Proiektuak helburu horixe du: Etxarriko haur baten eskubideak gauzatzea.


2018-04-06 | ARGIA
Beste bi euskal preso gerturatu ditu Frantziako Estatuak

Arkaitz Agirregabiria eta Iurgi Garitagoitia euskal preso politikoak Lannemezango espetxera lekualdatu dituzte, Etxeratek jakinarazi duenez. Agirregabiria Fresnesen zegoen preso, 930 kilometrora, eta Garitagoitia Poissyko espetxean, 950 kilometrora.


2018-04-05 | Hala Bedi
Dispertsioak eragindako urteko hirugarren istripua salatu du Etxeratek hiriburuetan

Dispertsio politikak Ibon Goieaskoetxea euskal preso politikoaren senideen istripua eragin zuen Aste Santuan. Elkarretaratzeak egin ditu Etxerat Elkarteak hiriburuetan.


2018-03-28 | Axier Lopez
Beste "motxiladun haur" bat jaio da espetxean

Irati Etxebarria Zapirain jaio da Aranjuezeko kartzelan. Guraso biak preso ditu haur jaio-berriak eta momentuz amarekin dago etxetik 500 kilometrotara, Sare ekimenak jakitera eman duenez.


Azkenak
EGILEA
Eguneraketa berriak daude