Frackingak akuifero ugari mehatxatzen ditu Espainian, Ekologistak Martxanek salatu duenez

  • Gasa lurzorutik erauzteko teknikak (haustura hidraulikoak edo frackingak) Espainiako Estatuan dituen ondorioei buruzko txostena (pdf) plazaratu du Ekologistak Martxan taldeak. Dioenez, teknika horren bideragarritasuna ikertzeko eskatu edo eman diren baimenen ia %80k, akuifero ezagunen gainean dauden lekuei eragiten diete.

2012ko azaroaren 21a
Fracking bidez gasa atera duten putzu bat, Afrikan.

Horietako erdiak baino gehiagok, karedun edo karbonatatu motakoak diren heinean, kutsatuak izateko arrisku handia dute. Ekologistak Martxanek azaldu duen moduan, frackingak erabiltzen dituen produktu kimikoak kutsakorrak dira, eta kalteak eragin ditzake herritarren osasunean: "Gaur egun herritarren %30 baino gehiago –14 milioi lagun– hornitzen dituzte akuiferoek, eta haietako asko  frackinga erabili nahi den zonaldeetan bizi dira. Arrisku handiena Ebroren goi-ibarrak bizi du, Ciudad Realeko eta Burgosko zonalde batzuek, esaterako. Hori dela-eta, akuiferoen gaineko baimen guztiak bertan behera eskatu die Ekologistak Martxanek Espainiako Gobernuari, konfederazio hidrografikoetako presidenteei, Kongresuko talde guztiei eta autonomoa erkidegoetako administrazioei.

Informazio gehiago:

AEBetako enpresen nahietara egokitutako plana. Unai Brearen erreportajea ARGIAn. Subillana Gasteizen eskisto gasa ustiatzea bideragarria ote den aztertzeko lehenbiziko bi putzuak egin nahi dituzte. Besteak beste egitasmo horri buruz mintzo da erreportajea.

Kanal honetan artxibatua: Frackingaren arriskua

Azkenak
2018-01-21
Ikasleak aske sentitzen diren eskola

Badira bi Eskola Txiki eguneroko jarduera osoa tailerretan burutzen dutenak, ohiko arloetan oinarritu gabe. Umeek ez dute eserita egon beharrik, nahi dutenean tailer batetik bestera joan daitezke eta horrela erabakitzen dute zer tailerretan aritu, zer egiten, zenbat denboraz. Ez dago testu-libururik, ez ikasmailarik, ez adin bakoitzean eman beharreko edukirik, ez azterketarik. Eta erabateko adin aniztasuna dute: 2-12 urte arteko ikasle guztiak elkarrekin aritzen dira uneoro. Ezaugarri horiekin... [+]


2018-01-21 | Z. Oleaga
"Lehenago egingo die uko bere pribilegioei klase burgesak, gizonok baino"

Bakoitzak nondik hitz egiten duen adieraztea garrantzitsutzat du Jokin Azpiazu Carballok. Bera, akademian, kalean, tabernetan bizitutako hausnarketa eta ekintzetatik ari da. Feminismoekin, LGTB+/queer mugimenduekin eta gizon taldeekin garatutako harreman eta militantzietatik. Maskulinitateari pribilegioetatik eta boteretik heltzea proposatzen du Masculinidades y Feminismo liburuan [hemen PDFan irakurgai].


2018-01-21 | Agin Rezola
"Bertsolaritza lotzea sagardotegi edo taberna munduarekin, ez da txarra"

Apaizak ardoarekin lotzen diren bezalaxe lotzen dira bertsoa eta sagardoa. Bi mundu ezberdin, baina elkarri oso lotuta daudenak. Hanka bat mundu banatan du Unai Agirrek. Batetik, Euskal Sagardoa jatorri deiturako koordinatzaile gerentea da eta bestetik, Euskal Herriko Bertsolari Txapelketa Nagusiko finalean aritu da. Orbita horretatik irten gabe bildu gara hernaniarrarekin.


2018-01-21 | Dabi Piedra
"Hemendik 20 urtera repentismoak izugarrizko loraldia izango du, hasi gara zantzuak igartzen"

Kubako inprobisazioaren, repentismoaren, bultzatzaile handienetako bat da Alexis Díaz Pimienta (Habana, 1966). Inprobisatzaile ez ezik, eragile ere bada, neska-mutilentzako repentismo eskolak sortu baititu uharte guztian. Kuba eta Espainia artean bizi denez, Andaluzian eta Murtzian ere ibilia da hango tradizioak sustatzen. Gainera, unibertsitatera eraman du repentismoa: Poesia Inprobisatuaren Katedra Esperimentalaren zuzendaria eta Dezimaren eta Bertso Inprobisatuaren Zentro... [+]


"Porrotaren aurrean beste jarrera bat hartzen, horretan lagundu dit clownak"

Beatriz Egizabalen izena dexente zabaldu da azkenaldian, Erradikalak gara ikuskizunaren haritik, eta jende askok hauxe galdetu omen du: “Nondik atera da hau?”. Egizabalek 20 urte egin ditu ipuinak kontatzen, eta 2005az geroztik modu profesionalean dabiltza Cesar Marcos eta biak, Kontukantoi taldean, narratzaile eta pailazo lanetan. Nondik atera den baino, zertan ibili den deskubritzen ahalegindu gara elkarrizketa honetan.


2018-01-21
Beatriz Egizabal (1971, Lasarte-Oria)

Narratzailea eta pailazoa. 1998an ekin zion ipuinak kontatzeari, eta 2005az geroztik buru-belarri dihardu oholtza gainean, clown eta kontalari, besteak beste, Kontukantoi taldean, Cesar Marcos kidearekin. Feminismoa dute lanean ardatz, ipuinetako estereotipoak irauliz eta iruditegi berriak sortuz. 2017ko otsailean Erradikalak gara ikuskizuna estreinatu zuten Ane Labaka bertsolariak eta Egizabalek, bertsoa eta bakarrizketa uztartuz. 36 plazatan erakutsi dute urtebete eskasean.


Azkenak
Eguneraketa berriak daude