Euskal, espainiar eta frantses burgesiaren azken defentsa lubakia

  • Zer adierazi nahi dugu lerroburu horretan? Bada, beharrezko dutela aurrean duten euskaldunek funtsezko gaiei planto ez egitea. Hau da, Euskal Herria praktikan herrialde okupatu gisa onartzea, okupatzaileei aurre egin gabe.

Jon Iurrebaso Atutxa
2017ko abuztuaren 30a

Onartzea, euskal-espainiar burgesiak eta euskal-frantses burgesiak kolaboratu eta parte hartzen dutela bere botere kuota erdieste aldera, eta gainerakoek, ordea, ahalik eta jarrerarik hurbilena agertu behar dutela politikoki zuzena denarekiko, ongizatearekiko, lasaitasunarekiko, segurtasunarekiko eta norberaren etorkizunarekiko. Aurrekoan, EAJ-PNV izan zen Euskal Herriaren etsaien azken defentsa lubakia. Hau esanda, nortaz ari gara, bada?

Hauek dira, azken finean, okupatzen gaituzten estatuen etsairik atseginenak eta errazen maneiatu daitezkeenak, haien lagunik onenak edo txarrenak ez badira ere. Ez dira “soka” berekoak baina aldi berean ez dute espainiar soka toreatzailearekin eta frantses soka jakobinoarekin hausteko inongo benetako asmorik. Are gehiago, Euskal Herrian ere klase-borroka egon eta dagoela irizpideari jarraituz, aipatutako guztiak aliatu estrategikoak direla esango genuke. Bai horixe! Kapitalaren funtsezko ordenari eusteko aliatu estrategikoak, kapitalaren aurpegia euskalduna bada ere. Guri berdin zaigu. Esplotatzailea eta esplotatua dira kontutan hartu behar direnak, nortzuk dira batzuak eta nortzuk besteak, klase eta nazional aspektutik.

Eta zergatik molestatu abertzale eta sozialisten kontzientzia batzuk honako gai honekin? Bada, gertakariek traza itzulezina hartzen ari direlako, eta horren azalpena egingo dugu. Historikoki Euskal Nazio Askapenerako Mugimenduak (ENAM) helburu argia izan du, Euskal Herriaren independentzia eta sozialismoaren aldeko borroka, eta hori bai ala bai egiten da, ez, ordea, “posible” denean bakarrik. Edukia, tresnak, aliatuak eta abarrak beste kontu bat izango dira. Ildo horretan eta koiunturari erreparaturik, helburu politikoak eta euskal langileriaren etorkizuna dira zalantzan jartzen ari direnak, bai eta, horiek lortzeko borroka bera ere. Ez dezagun filma mozorrotu betiko erretorikarekin: “ezinezkoa dugu hau” eta “hauxe da posible den bakarra”.

Honaino iritsi da Ezker Abertzale Ofiziala. Erreformaren eta sozialdemokraziaren aldera egin du. ETA eta bere historia eta bajage idologikoa deuseztu egin dituzte (bere oneritizarekin) eta baita Euskal Herriaren eta euskal langileria defentsatzen zituzten fundamentu eta lanabes guzti guztiak. Eta horri aldabakarreko dinamika detitu diote. Eta holan da. Errenditzeko erabakia aldebakarreko gauza da. Ez dago egiteko beste modurik eta ez duzu beste inor behar.

Sortu espainiar eta frantses legalitatearen baitan sartu egin da, kontatzen digutena kontatzen digutela. Eta Euskal herri langileari inposatutako gerra irabazteko estrategia abertzale eta iraultzailerik gabe aurkitzen gara. Izan ere, Euskal Herri langilearen zatirik kontzientziatuenak azken hamarkadotan jasandako desaktibazio ideologikorik handiena pairatzen ari gara.

Espainiar eta frantses estatuen legeriarekin bat datorren oinarri bat eraikitzen ari da Sortuk ordezkatzen dituen pentsamenduan eta jokabidean. Hau da, Euskal Herriaren aurka bai zentzu politiko, ideologiko zein estrategikoki begiratua ere. Horrela sartu da espainiar erreforma Euskal Herrian

Deriba erreformista osoan zehar, aurretik nahiz ondoren, aliantzak egiten dira euskal burgesia txikiarekin eta baita espainiar duten obedientzia zenbait erreformistekin. Hau da, espainiar eta frantses estatuen legeriarekin bat datorren oinarri bat eraikitzen ari da Sortuk ordezkatzen dituen pentsamenduan eta jokabidean. Hau da, Euskal Herriaren aurka bai zentzu politiko, ideologiko zein estrategikoki begiratua ere. Horrela sartu da espainiar erreforma Euskal Herrian.

Eta Sorturi tokatu zitzaion segituan bere lerro politikoa espetxeetara egokitzea eta hainbeste sumisio eta gero, Sortu-bidea besterik ezin zen etorri. EPPK-ak inoiz ez du lege penitentziarioa onartu bere izaera politikoagatik, EPPen Kolektiboa lehenestearren eta helburua amnistia zeukalako. Orain lege penitentziarioa onartu berri dute 221-ek (eman dituzten zifren arabea)  bere ildoan irtenbide pertsonalei lehentasun osoa emanez. Aldi berean onartze horrek, EPPen batasuna apurtzen du eta lege penitentziarioa onartzen ez duten EPPak kaltetzen ditu eta EPPen belaunaldi berrien espetxaldia baldintzatuko ditu.

Eta komunikabideez jakin dugunez, EH Bildu bilguneak nahi du “ezkerreko” espainiar erreformista gehiago sartzea koalizioan, bidelagun berri horiek independentziaren aldekoak ez direla gaineratuz. Eta “zentro” – “ezkerra” delakoan dauden batzurekin. Hori bada Independentziarako bidea, afera dramatikoa bihurtzen ari da. Inora ez doan bidea eta, bidenabar, NAEMekin akabatu.

Alegia,  halakoak  esan eta hala jarduten dutenek ezin dituzte gure klase zein nazio interesak defendatu, erabat ezinezkoa baita.

Ez esatearren izan ez dadila. Gutariko batzuek Euskadiko Ezkerrarena ikusita daukagu.  Ezer ez da berdina baina bai antzekoa, koiuntuaren gauzak, es besterik. Ezker Abertzale Ofizialeko militante askok imajinatu nahi ez badute ere.

Jon Iurrebaso Atutxa, ETAko euskal preso ohia. 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Independentismoa  |  EPPK

Iritzia kanaletik interesatuko zaizu...
Indar aurrerakoien borroka Latinoamerikan

Latinoamerikako bataila gogorra izaten ari da. Inflexio puntua, Lula da Silvak azaldu bezala, 2009an gertatu zen Barack Obamak kargua hartu zuen unean: “Brasilekiko harremanetan George W. Bush eta Condoleezza Rice askoz ere demokratagoak izan ziren Obama eta Hillary Clinton baino”. Obamak, 2009ko ekainaren 28an, kargua hartu eta sei hilabetetara, Hondurasko estatu kolpe militarra babestu zuen. Ondoren, hainbat herrialdetan esku-hartze edota desegonkortze estrategia anizkoitzak jarri... [+]


Migrazioak eta garapena? Win-win eszenatokia posible ote?

Azken aste hauetan, berriz ere, migrazioei loturiko gaiek indarra hartu dute agenda politiko europarrean. Hartu behar diren neurrien artean migrazio guneak diren lurraldeen garapena bultzatu behar dela entzun da behin baino gehiagotan. Horrela, fluxuak baretzeko –baina ez hori bakarrik– migratzaileek beraiek garapen hori bultzatu dezaketela azpimarratzen da. Bitxia bada ere, diskurtso hori migrazioen inguruko eztabaidan kokatzen diren muturretan entzun dezakegu. Frantziako Fronte... [+]


2018-07-22 | Edu Zelaieta Anta
Gol mundiala

Bukatu da, ederra kostata hori bai, munduko futbol txapelketa. Gauzak zer diren, baina, munduko txapelketaren ondotik ikusi dut nik gol mundial bat, telefono konpainia baten kaleko iragarki batean. Jokalaririk edota belarrik ez bazegoen ere, marketinaren gol bikaina iruditu zait, erretorika saltzaileak maite dituen letra handitan, gazteak erakartzeko asmoz: “Gu gara beti konektatuta egoten direnak”.

Konpainiak “eskaintzen” duen produktua gehiago saldu nahian,... [+]


2018-07-22 | Irati Elorrieta
Lorategi birtualak

Txakurrak jabearen antza izaten du. Lorategiak ere bai. Batek atzeko patio batean, zementu artean, pintura poteak, baldeak, tinak asto-kakaz bete ditu eta kalabaza, tomate, kaputxinak, kolore askotariko loreak nahasian landatu ditu. Alboko patiotik bereizten duen hesiaren beste aldean, terraza minimalista batean, etzaulki bat, liburu bat mahaitxo gainean. Auzokoak zeramikazko lorontzi erraldoi batean sartu du, pintatu egin duela dirudi, kaktus erraldoi bat. Besoak bihurrituta ditu landareak,... [+]


Fauna publikoa
Kanpolarrosa festival

Asteburu osoa pasa dut BBK Live jaialdiaren txioak ikusten festibalaren kontu ofizialean eta, dirudienez, Euskaraldiarekin gure hizkuntza normalizatzeko sortzen ari den kolorinetako kontsentsua ez da Kobetamendira iritsi.


2018-07-16 | Iñaki Etaio
Iruñeko zezenketak: momentua heltzen ari da

Zezenketak debekatzeko borroka luzea bada ere, ez dago zalantzarik sanferminetan ere gero eta protagonismo gehiago hartzen ari dela. Eztabaidan, maiz entzuten eta irakurtzen da zezenketen kontrako jarrera bultzatzen dutenak nagusiki kanpokoak direla, hori pisuzko argudioa izango balitz bezala.


2018-07-15 | Jon Alonso
German 40 urte

Ez  dakit zehatz artikulu honek noiz ikusiko duen argia, baina imajinatzen dut ateratzerako eginda egongo dela 2018ko uztailaren 8ko ekitaldia, German Rodríguez hil zuten 40. urteurrena gogoratzeko egin behar dena.

Udaletxe plaza leporaino beteko dela ez daukat zalantzarik; izan ere urtea emankorra izan da, eta makina bat ekitaldi, mota askotako, egin izan dira urtean zehar azken omenaldi hau arrakastatsua izan dadin; ez alferrik, prestaketa lanak duela urte eta erdi hasi ziren,... [+]


Besaulkiko tronutik

Ezkerrekoak gara, langileak. Tira, langileak bai, baina klase ertainekoak. Hori bai, kontsumitzen dugunean, kapitalista gara. Lanegun luze baten ostean, hozkailua ireki eta ganorazko afaririk prestatzeko ezertxo ez. Gaur ere astirik ez dugu izan erosketak egiteko. Auzoko denda txikiak goizegi ixten dituzte eta!

Eskuko telefonoa hartu eta errazena egingo dugu. Astea gogorra egiten ari da eta hainbeste lan egin ostean... delivery bat eskatuko dugu. Zerk tentatzen nau gehien? Zer arraio,... [+]


Azkenak
EGILEA
Eguneraketa berriak daude