Errefuxiatuak hartzeko lanean ari da Bartzelona
Errefuxiatu siriarrei aterpea eman nahi die Bartzelonak eta horretarako neurriak hartzen hasi da Udala. Acnur eta asiloaren aldeko Asil.cat erakundeekin harremanetan jarri da dagoeneko Ada Colau alkatea.
Horrez gain, “aterpe-hirien” sarea sortu nahi dute eta irailaren 4an landu dezakete gaia, “aldaketaren alkate” deiturikoek duten bileran (Iruñea, Cadiz, Madril, Badalona, Zaragoza, A Coruña eta Santiago de Compostelako alkateak bilduko dira).
“Errefuxiatu siriarren krisiak duen mailari erantzun behar dio gure hiriak, Balkanetako gerran Bosniarekin egin zen moduan”, adierazi dute Bartzelonako Udaletik.
Gaiaren eskuduntza, dena den, estatuetako gobernuek eta Europar Batasunak dute.
Eta bitartean, zertan ari da Europar Batasuna?
Bada, egoera larria dela azpimarratu dute behin eta berriz Europako agintariek, eta politika bateraturako larrialdi bilera deitua dute. Larrialdi bilera izateko, ordea, presa gehiegirik ere ez dute: irailaren 14an elkartuko dira 28 herrialdeetako Justizia eta Barne ministroak. Eta bilera garrantzitsuena, gobernu eta estatuburuak bilduko dituena, urriaren 8an egingo da. Bitartean, irudi ikaragarriak ikusten jarraituko dugu egunero.
Europar Batasunak markatu dituen tempoak ikusita, ez dirudi lehentasunen artean dagoenik errefuxiatuak birkokatzeko estatuei dagozkien kuotak ezartzea, Europara bidean heriotzak saihesteko baliabide gehiago jartzea edota Europara sartzeko bide legalak eta alternatiboak eskaintzea.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]