Josu Erkoreka (EAJ)

"Ez luke zentzurik Elkarrekin Podemos eta EH Bildurekin gobernua osatzeak"

  • EAJren Bizkaiko zerrendaburuak aurreratu duenez, “lehen aukeretako bat” da PSE-EErekin aldundi eta udaletan duten hitzarmena Jaurlaritzara hedatzea.

Jon Ander De la Hoz Arregi @delarregi
2016ko irailaren 23a
Josu Erkoreka EAJko Bizkaiko zerrendaburuak baztertu egin du Elkarrekin Podemos eta EH Bildurekin gobenua osatzeko aukera.

Elkarrekin Podemosen agerpenak Eusko Legebiltzarraren osaketa baldintzatuko duela ondo gogoan du Josu Erkoreka Eusko Jaurlaritzako jarduneko bozeramaileak. “Inkestek EAJren garaipena iragartzen dutela” dakien arren, tentuz jokatzeko premia azpimarratu du jeltzaleen Bizkaiko zerrendaburuak: “Eserlekuen banaketa baldintzatuko duen alderdia azaldu da agertokian. Horrek gainontzeko alderdiak kaltetu ditzake, ez eurekin zuzenean lehiatzen direnak soilik. Hala, zuhurtziaz eta arretaz jokatu behar da, eta triunfalismoak alboratu”.

Erkorekak Eldiario.es atarian azaldu duenez, “hasiera batean, EAJk ez du inor baztertzen akordioak egiteko”, baina PSE-EErekin aldundi eta udaletan duten hitzarmena Jaurlaritzara hedatzea “lehen aukeretako bat” dela aitortu du: “Positiboki baloratzen ditugu PSE-EErekin ditugun akordioak, eta hauteskundeen ostean kontuan hartu beharreko aukera izango da”.

EH Bildu eta Elkarrekin Podemosekin gobernua osatzea baztertu egin du jeltzaleak, “zentzurik ez” duela iritzita: “Nafarroako ituna berresteko aukera jarri dute mahai gainean, eta hori ezinezkoa da. Mundu guztiak daki Nafarroako koalizioak helburu bakarra zuela: estilo sektario, autoritario, despotiko eta euskaldunen aurkakoa zuen alderdia [UPN] gobernutik kentzea”.

Elkarrekin Podemoseko Pili Zabalak lehentasuntzat dituen gaiak –krisiaren amaiera, bakea, elkarbizitza eta estatutu berria– EAJk aspalditik landu dituela zehaztu du Erkorekak: “Bere esaldi asko gure planteamendu historikoen erreprodukzio literalak dira, urte luzez defendatu ditugunak”.

“Erabakitze eskubidea, joskera teorikoa”

Elkarrekin Podemosek Kanadako eredua Euskal Autonomia Erkidegora ekartzeko egindako planteamendua aukera bat dela dio Erkorekak, eta “datorren legegintzaldia hastean Legebiltzarrean patxadaz aztertu beharreko gaia” dela uste du.

Erabakitze eskubidea gainontzeko alderdiekin hitzartuta gauzatu nahi du: “Ez dakit lau edo 24 urte igaroko ditugun, baina ona litzateke alderdi guztiek alor honetan zintzotasunez jokatzeko konpromisoa hartzea”.

“Eskozian eta Quebecen gauzatze konkretu bat izan duen joskera teorikoa da erabakitze eskubidea, baina beste modu batzuetan ere egin daiteke”, zehaztu du Erkorekak. Hala, “batzuek herritarrei muturreko aukera eginarazi nahi diete”. Besteek –hor kokatu du EAJ– alderdien arteko lankidetzan osatutako proiektu landuan sinesten dutela azaldu du.

Jaurlaritzako bozeramalearen esanetan, “independentziaz aritzean Zuzenbide klasikoko dogmei dei egiten zaie, baina saihestu ezinezko interdependentzia da errealitatea”. Hala ere, aurreratu du balizko kontsulta independentistan baiezko bozka emango lukeela.

Kanal hauetan artxibatua: Eusko Legebiltzarreko hauteskundeak  |  EAJ

Eusko Legebiltzarreko hauteskundeak kanaletik interesatuko zaizu...
2016-11-24 | Juan Mari Arregi
Eusko Jaurlaritza berriaren "austeritate" neoliberala

Harridura sortzen du aurreko agintaldian Urkulluren gobernuak zortzi sail izatea eta oraingoan aldiz hamaika.


I˝igo Urkullu izango da berriz ere Eusko Jaurlaritzako Lehendakari, PSEren babesarekin

Azaroaren 26an egingo dio zin Urkulluk lehendakari karguari, Gernikako Juntetxen izango den ekitaldian.


I˝igo Urkullu Eusko Jaurlaritzan berriz, PSEren babesarekin

Eusko Legebiltzarreko inbestidura saioan Iñigo Urkulluk PSEren babesa izango du gaur bigarrenez. Oraingoan baina, nahikoa izango dira bi alderdien 37 botoak eta gehiengo sinplea.


2016-11-10 | ARGIA
Urkullu berriz ere lehendakari izendatzeko eguna: azaroak 26

Bakartxo Tejeria Eusko Legebiltzarreko presidenteak eman du dataren berri. Azaroaren 23an eta 24an izango da inbestidura saioa eta bi egunera egingo da izendapena Gernikan.


Euskal nazioaren ideiarekin bat datozenekin adosteko prestutasuna azaldu du Ortuzarrek

Euskal Aberriaz aritu zen Iñigo Urkullu lehendakaria Forondan ospatutako Alderdi Egunean. Berdinen arteko harremana planteatu zion Estatuari, “Euskadiren naziotasuna aitortuko duen harremana”.


Bozkatzera joan eta deskubritu zuten euren partez bozkatu zutela jada

Ez bat, ez bi, kongregazio bereko hiru mojari gertatu zaie, Eusko Legebiltzarrerako azken hauteskundeetan bozkatzera joan direnean: izena esan eta horra sorpresa, ezin dutela bozkatu erantzun dietenean, postaz aurretik botoa emana zutelako jada… euren izenean.


2016-09-30 | ARGIA
Azkenean EAJk 28 parlamentario izango ditu Eusko Legebiltzarrean eta EH Bilduk 18

Bizkaiko 25. eserlekua egon zen lehian igande gauean eta azkenean EAJrentzat izan zen, atzerriko botoen kontaketaren faltan.


2016-09-27 | ARGIA
EAJ "berehala hasiko da" Jaurlaritza osatzeko akordio bila

Andoni Ortuzar EAJko Euzkadi Buru Batzarreko presidenteak jakinarazi du bere alderdiak asmoa duela lehenbailehen eta banan-banan biltzeko Eusko Legebiltzarrean ordezkaritza duten gainerako taldeekin, “gobernu sendo eta egonkorra” osatze aldera. “Akordiorako hipotesi guztiak zabalik” daudela esan dute jeltzaleek.


2016-09-27 | Xabier Letona
Espainia ongi doa eta Euskadi ere bai

Espainia ongi doa, zioen Aznarren PPk bere kanpaina ospetsu batean. Euskadi ongi doa, errepikatzen die EAJk etengabe herritarrei, eta mezua burmuinean iltzatu zaio boto-emaileen %37ri.


2016-09-27 | Xabier Letona
Spain is going well and so is Euskadi

Spain is going well, the PP said during one of its famous campaigns under Aznar. PNV tells citizens time and again that Euskadi is going well, and the message has stuck in the head of 37% of voters. The idea which is the firm basis for PNV votes has caught many other voters with the "we're going well" idea over the last four years, from all the way from the PP to EH Bildu.


Azkenak
EGILEA
Eguneraketa berriak daude