D ereduan matrikulatzeko zergatiak
Horiek jaso eta bideo batean eman ditu Altsasuko Udalak, guraso altsasuarrak euren seme-alabak euskarazko ereduan matrikulatzeko gonbidapena egitearekin batera.
D ereduan zergatik matrikulatu behar den argudiatzen dutenen artean daude Izaskun Etxeberria (D ereduko irakaslea), Eduardo Aldasoro (hizkuntzetan aditua eta Nafarroako Gobernuko langilea), Saioa Larraza (hizkuntzalaria), baita Altsasuko alkatea eta talde guztietako zinegotziak, UPNkoa salbu. Bideoa elebiduna da, azpidatziekin.
Albiste hau Guaixek argitaratu du eta CC-by-sa lizentziari esker ekarri dugu ARGIAra
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñerriko AEK, Iruñerriko IKA, Iruñeko Hizkuntza Eskola Ofiziala, Zubiarte euskaltegi Publikoa eta Iruñerriko Mintzakide egitasmoa berriz ere elkartu dira Iruñerrigo hirugarren Mintzodromoa antolatzeko. Geltokin izanen da hitzordua... [+]
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Lokizaldeako Euskararen Egunaren barnean Korrika Txikiak zeharkatu ditu Iturriagako inguruneak. Urteak direla hasi ziren eguna ospatzen, eremu ez-euskaldunean kokatuta zegoen eskualdean Korrikaren kilometroak erosteko. Giro ederrean gozatu dute egun osoko egitaraua.