“Borobila eta eraginkorra” izan da Durangoko Azokaren 50. edizioa
120.000 pertsona batu ditu aurten Euskal Liburu eta Diskoen Azokak, azkeneko eguneko datuak oraindik kontatzeke daudela. Antolatzaileek balorazio positiboa egin dute, esanez azokaren 50. edizioa “borobila” eta “benetan eraginkorra” izan dela.
“Sortzaileen eskaintza aldetik ugaria, ekoizpenean aberatsa, orekatua jendearen ibiliari dagokionez, ondo antolatua, emozioz betea, gogoeta arloan mamitsua eta etorkizunari begira jarria”, azpimarratu dute.
250 ekitaldi eta 350 nobedade izan dira azokak iraun duen bost egunetan. Horretaz landa, antolatzaileek boluntarioen lana nabarmendu dute. Guztira 72 lagun aritu dira boluntariotza-programan parte hartzen. “Erantzun bikaina izan da. Eta ezin ditugu ahaztu, noski, bestelako lanetan aritu diren militanteak. Denon artean borobildu dugu 50. urteurrena”.
Sortzaileak, salmentekin pozik
Olatz Allika MIE Musika Industriaren Elkarteko kideak adierazi du azken urteetan baino salmenta gehiago izan direla. Horretan Ahotseneak izan duen eragina azpimarratu du: "Jendeak taldeak zuzenean ikusita errazagoa da diskoak saltzea".
Euskal Editoreen Elkarteko kide den Xabier Olarra ere pozik agertu da, "urteroko harrera ona" izan baitute. "Lehen bi egunak eskasak izan arren, igandean eta astelehenean salmentak konpentsatu dira".
Hala ere, zer aldatu badagoela adierazi du Olarrak. Haren iritziz azoka "errutina moduko batean" sartu da, eta horrek beharrezko egiten du "aldiro zerbait gehiago egitea". "Irabazi handiak dituzten hemengo enpresa pribatuek Durangoko Azoka babestu eta bultzatuko balute, lortuko genuke Durango eta Gerediaga txiki gelditzea eta azoka Bilbora eraman behar izatea".
Etorkizunerako erronka: euskal kultura geroratzea
Datozen edizioei begira, zaletasunaren, eragiletzaren eta sorkuntzaren ardatzean gazteak jarriko dituen estrategia aldarrikatu dute antolatzaileek. "Belaunaldi berrietako euskaldunek parte hartu eta parte eman dezaten nahi dugu. Izan ere, zale berriak, sortzaile berriak eta eragile berriak nahi ditugu".
Euren aburuz, Durangoko Azokak euskal kulturaren ikusgarritasunean zeresana duen bezala, beronen gaztetzean ere faktore garrantzitsua izan daiteke. Horretarako beharrezkotzat jo dute estrategia "ausart eta adostua" abian jartzea.
"Euskal kulturak oro har, eta Durangoko Azokak zehazki, garaian garaiko izaten jakin du, eta jakin beharko du. Urteak bete ahala berritu. Zahartu ahala gaztetu. Horixe da gure asmoa: 51. Durangoko Azokak jauzi bat izan behar du transmisioan. Azken batean, helburua betikoa da: euskal kultura geroratzea".
Mila lan egitetik bizi dira, sarri, marrazkilari eta ilustratzaileak. Ezaguna da sektorearen aspektu hori. Prekarietatea deitu ahal zaiona nagusiki; ikusezina izatea ere bai. Paula Estévez (Donostia, 1984), esaterako, ARGIAn ikusi izan dugu azken bost urteotan, sarri... [+]
Milaka eta milaka euskaltzale eta euskal kulturaren zale elkartu dira Durangon asteburu luzean, ondo asko egonkortua den urteroko hitzorduan. Sartzeko itxaronaldiak, ordubeterainokoak, euripean... Kultur-gosez egon da jendea. Eta asebeteko ziren, halaxe sumatu baita postuen... [+]
Salto batez jaiki da ohetik, pelikula txutxi-flower batean balego bezalaxe. Gelatik irten, sukaldera joan, amari muxu potolo bat eman eta dutxan sartu da, Deus ex machina kantua hartuta soinu-banda modura. Aurora borealak entzuten ditu letran, baina, egiazki, letraren fabulari... [+]
Oraindik ere ondo gogoan du amak nola esan zion atzo: “Iraitz, segiozu ohera, badela garaia. Eta utzi mugikorra, itsutu egingo zara-eta!”.
Nola ez, amak arrazoi. Gaurko betzuloek ez dute barkatzen. Ez du begirik bildu gauean. Ohean buelta eta buelta, maiz... [+]
Abenduaren 5ean ikasleei eta irakasleei zuzendutako tailer, hitzaldi eta ikuskizunak izango dira azokan. Dinamiken bidez sortzaileak ezagutu eta eurekin harremanetan jartzeko moduko aukera ere izango da. Edukiera guztia bete da jada ikasle goizerako. ARGIAk eskaintza zabala... [+]
Egotea egitea da. Hala dio aurten Durangoko Azokak, eta egia da, azokaren beraren kasuan behintzat eta Euskal Herria aintzat hartuta. Dagoeneko 59. azoka da aurtengoa, eta urtero egote hutsak frogatzen du euskara, euskal kultura, euskal nazioa egiteko modua dela Durangoko... [+]
Jakoba Errekondo eta Garbiñe Larrea han izango dira, baita Haziak liburuko egileak ere. Superbotereak hezkuntza liburua, Abentura erraldoia komikia... eta, jakina, Inor ez da ilegala-ren postutxoa ere ipiniko du ARGIAk. Aurtengo beste nobedadea: denda fisikoa Andra Mari... [+]
Azken 15 urteetan dugun Internetak hartu duen bilakaera ikusita, duen eredu teknologiko eta negozio ereduari lotuta, gizatasunaren alde txarrenak areagotzeko tresna dela pentsatu dezakegu. Ideia horrekin konforme ez dauden eragileak sortu dira mundu osoan zehar. Honako... [+]
Durangoko Azokaren alor digitala da Kabi@ espazioa eta egitaraua. Aurtengo edizioan, abenduaren 5ean eta 6an izango dira Kabi@ko ekitaldiak, Azokaren lehen bi egunetan (gero 8ra bitartean iraungo du). Ekitaldiak banatuko dira Durangoko Bizenta Migel Liburutegiaren eta Landako... [+]