Proiektu kolektibo bat ernetzen ari da Gipuzkoan, Zestoan, Urola ibaiaren meandroan dagoen Amillubi baserrian eta bere lurretan. Nekazaritza ekologikoko Biolur elkartearen ekimenez, herritarrak, laborariak eta eragileak elkartu dira lur eta baserri horiek erosteko eta ondare kolektibo bihurtzeko. Izan ere, zure, nire, eta gure ondorengoen elikagaiak bermatu nahi baditugu, gelditzen diren lur emankorrak babestu behar ditugu.

Amillubi zertarako?

Herritarrek garaiko eta bertako kalitatezko elikagai osasuntsuak eskuratzeko aukera izan dezaten. Nekazariek lur emankorrak eta biziak landu ahal izan ditzaten modu ekologikoan. Nekazari gazteei sektorean sartzeko aukerak
emateko eta bertako ekonomia birsortzeko. Amillubiko lurrak eta baserria eskuratzeko guztion ekarpena beharrezkoa da.

Babestu zuk ere Amillubiren metro koadro bat lur 10€, 50€, 100€ edo nahi duzun kopuruko ekarpena eginda.
Diru ekarpena egiteko:
Kontu korrontea: ES37 1550 0001 2400 1666 3726