Egin ARGIAkoa

Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia

ostirala 2025eko ekainaren 20an

Osinaren Erredura

1979ko maiatzaren 27an

Inprimatu

Inoiz baino beharrezkoagoak dira eskuin muturraren gezurrei
aurre egingo dieten hedabide independenteak

Egin ARGIAkoa

OSINA IRRATIKO langileei elkarrizketa

Osinaren Erredura
Martxoaren 1ean, entzun zitzaien lehenengo aldiz. Ez da irrati pirata bat, Ez dira pasota batzu; adierazpen askatasunaren alde daudenez, komunikabide mota bat aukeratu dute hau errealitate bihur dadin. Herriko jendea da, hauzoetako arazoak bizi dituzte, talde zokoratuen burrukarekin lotuak daude, hauen berri emateko, gure herriko errealitatea den bezala agertzeko, OSINA IRRATIA antolatu dute. Hemendik aurrera eta poliziak harrapatzen ez dituen bitartean dakigunez hauen atzetik omen dabiltza jo eta ke, ostegunero gaueko hamar t'erdietan «Frecuencia Modulada»n, 102,5 megaziklotan entzun ahal izango ditugu Donostian zehar.
Europako zenbait naziotan, Italia eta Frantzia lekuko, aspaldidanik funtzionatzen dute mota honetako irratiak, gaur «Irrati Libreak» deitzen zaie. Estatu Espainolean ere, beste leku batzuetan martxan daude; kasurik ezagunena Barcelonako "Onda Lliure»rena dugu. Azken egun hauetan izan dugu berriro hauen berri. poliziak bigarren aldiz presentatu die irratia.
Euskai Herrian OSINA dugu lehena, baina jakin dugunez beste batzu denbora gutxi barru sortzekoak dira. Azkenaldi honetan adierazpen askatasunetaz hainbai hitzegiten denez eta esperienizi berri hau bide horretan pauso bat izan daitekeenez, gure gaurko elkarrizketa OSINA IRRATIKO langile batzurekin egin dugu.
Z.A.–Nola sortu zitzaizuen irrati bat antolatzeko idela?
- –Ideia ez zen gurea izan, beste batzuena baizik. Lan honetan sartzea gonbidatu ginduzten eta honela egin genuen eta gustoz noski. Hasieran bi programa egin genituen, bata presentazioarena, Ihauteriak baino bi egun lehenago eta bigarrena emakumeei eskainia izan zen. joan zen astetik, astero emititzen hasi gara, orduerdi bat. Arazo teknikoengatik ezin dugu sarriago eta denbora gehiagoz emititu.
Z.A.–Nola zaudete banaturik, zer estruktura duzue?
–Alde batetik talde teknikoa dago; bestetik gu, programa grabatzen dugunok eta gero, hauzoetan, talde zokoratuetan sartua dagoen jendea, informazioa pasatzen digutenak eta askotan ere programak beraiek egiten dituzte; grabatuta ez bada ere, idatziak pasatzen dizkigute.
Z.A.Jakin bedezakegu behintzat, zenbat zarete beraz denera?
–Programak egiten eta grabatzen zortzi gara, talde teknikoa ez dakigu zenbatek osatzen duen, ez ditugu ezagutzen eta gero hauzoetan dagoen jendea dexente da.
Z A.–Zuk zergatik onartu zenuten proposamena, zer ideiak bultzaturik?
–Italia eta beste nazio askotan sortu dira marginatu taldeentzako irrati libreak eta hemen ere ahal zitekeen horrelako irrati bot sortzea; Estatuko beste puntu batzuetan ere sortu direnez, hemen ere sortzea posible zen.
Kontutan eduki behar da baita, gaur ditugun komunikabideak, irrati, telebista, etab... guztiz manipulatuak daudela, arazo asko ez dutela ukitzen, emakumeak direla, homosesualak, etab... Suarez eta horrelakoetaz dena esaten da, baina beste arazo asko ez da ukitzen.
Z.A.–Komunikabideen manipulazioa aipatu duzue, baina zergatik Irrati bat eta ez aldizkari bat adibidez?
–Noski, komunikabiderik Indartsuena telebista da, ondoren Irratia; errebistek askoz zabalkunde gutxiago dute. lantoki, hauzoetan beren arazoei erantzuten dien zenbait aldizkari sortu da baina kontuan izan behar da Estatu mallan 10 milioi pertsonek entzuten duela irratia eta aldizkariak irakurri berriz 2 milioi: inguruk; garbi dago askoz indar handiagoa duela irratiak.
Z.A.Marginazioarekin edo zokoraketarekin jarraituz, zer gai edo arazo daudela zokoratuenak gaur ikusten duzue?
–Hauzo Elkarte eta horrelako gauzek indar handia izan eta noski dute; herri batean garrantzi ederra dutenak, emakumeak, antinuklearrak antirollitarrak, homosesualak edo EHGAMekoak dira, irratietan hauen gauzak ez dira entzuten edo entzuten badira ere moztu egiten zaie edo beste ikuspegi batetatik aztertzen dira. Ejerzitoaren aurka adibidez ez dute hitzegiten, edo hitzegiterakoan gauzak moztu egiten dituzte.
Hau nolabait ez dadin gerta, guk egiten duguna hau da: taldeak berak presta-ditzala gelak, esan deza tela nahi duten ikusmoldetik; guk egiten dugun gauza bakarra koordinatzea da.
Legeztatzea Bai Ala Ez
Z.A.Lege aldetik, zer egoeratan aurkitzen zarete?
–Noski, guztiz ilegalak gara. Gure artean planteiatu genuen legeztatzea ala ez eta ezezkoa erabaki genuen.
Z.A.–Baina zuek egin nahi duzuena egiteko, legeztakeko ,posibilitaerik bai al duzue?
Legeztatzea behar bada posible izango litzateke, baina kontutan hartu besterik ez dago zer gertatu zen adibidez Els Joglars taldearekin, legeztatuak bai, baina atzetik egurra. Hau da, legeztatuak egonda, zentsuraren azpitik jokatzen duzu eta ez da ezer gertatzen ala nahi duzuna esaten duzu eta egurtzen zaitue, beraz... Lehenengo kasuan mugitzen dira gaur arte dauzkagunak eta guk ez dugu nahi bide horietan mugitu.
Z.A.–Legeztaezeak zer alderdi on ekarriko lizueke?
–Alderdi onak, ba lokal legal bat eduki ahal izango genuke eta neurri honetan posibilitate gehiago noski, baina betikoa, zentsura etorriko litzateke.
Alderdi txarrak ere egongo lirateke, legeztatuak egonik gaurko egoeran baino gutxiago iraungo genuke. Lokala adibidez denbora gutxi barru popatik hartzera bidaliko ligukete.
Z A.–Momentu honetan ilegalitatean zaudetenez, nola mugitzen zarete, zer alderdi en dauzkazue?
–Noski! arazo pilo bat sortzen zaigu, baina gutxienez zentsurarik ez daukagu eta hau da gauzarik positiboena.
Baina esan. beharra dago behin batean geuk zentsuratu genuela geure burua.
Z.A.–Zentsura mota guztien aurka zaudete eta zeuek zeuen buruak zentsuratzen dituzue, nola uler daiteke hau?
–Zentsuratu genuen gaia burruka harmatua izan zen eta kontuan hartu behar duzue lehenengo emisiorako zela. Nik behintzat zera pentsatu nuen: ezin ginela goitik hasi, behetik hasi eta pixkanaka pixkanaka joan behar ginela goraino iristeko, lehenengo egunean gai hau kanporatzea jendearentzat nahiko kortantea izan zitekeen.
Z.A.–Legalizatu gabe etorkizunik; ikusten al duzue?
–Begira, egurra eman nahi badigute orain dute garaia, bakarrik baikaude; gehiago sortzen doazen neurrian zailago izango zaie. Dena dela orain arte harrapatu ez bagaituzte, nahi izan ez dutelako da. Dakigunez oso erraza da irrati hauetako bat detektatzea, poliziak badauka kotxe bat horrelako irratiak non dauden jakiteko.
Bestetik, uste dugu guri egurra emango baligute jendearentzat oso gogorra izango litzatekeela, eta gogoratu berriro Els Joglarsen epaiketaren inguruan sortu zen iskanbila.
Z.A.–Eta zergatik Donostian eta ez beste hiriburu edo herri batetan7
–Lehenengo arrazoiak oso xinpleak dira, emititzeko tresnak Donostian dauzkagu, eta gu Donostian bizi gara; beraz logika horrengatik bakarrik emititzen dugu Donostian eta Donostiarako, hemendik kanpo ez baita entzuten.
Planteiatua genuen noiz behinka herrietara joatea, adibidez gai bat edo saio bat Errenterian grabatua balego haruntz joatea, baina oraingoz ez dugu egin eta honen aurrean guk nahi genukeena zera litzateke, hauzo batzar bakoitzak bere irratia montatzea, Bilbo, Arrigorriaga, Araba, Tutera, ahal duten guztiek egin dezatela.
Z .A.–Badakizue norbait ideia honen atzetik ote dabilen?'
-Bai, Bilbo ,Tolosa eta Gasteizen badakigu ideia horrekin dabiltzela eta laster izango dira martxan, ia beste batruk ere etsenpluarekin jarraitzen diren.
Z.A.<–Bueno, gu taldean sartzerako ia izena jarria zegoen, bainan guri asko gustatu zitzaigun. «Osina» erdaraz «ortiga>> da eta badakizue honek pikatu egiten duela, ez?, ba guk geure lanaren bidez hau lortu nahi dugu. izena oso majoa da, ez?
Gogoa, Lana Eta Gailuak
Z.A.Zer behar da horrelako irrati bat antolatzeko?
–Noski, .lehenengo, asmoa eta gogoa. Bigarren, aparato bat behar da, 40-60 mila pezeta inguru kostatzen da, baina hemen ezin dira erosi, horretarako Italiara jo behar da edo behintzat handik ekarri behar.
Z.A.–Eta beti zuena bezain alkantze gutxikoak izaten al dira?
-Ez noski, askoz alkantze handigokoak badaude, baina noski askoz garestiagoak, tresna zenbat eta handiago eta garestiagoa izanen da. Bueno, gailu hauk hemen ere egin daitezke, baina asko jakin behar da eta kalitatea ongi zaindu.
Z.A.–Gu ahalegindu izan gara zuen irratsaioa entzuten baina oraindik ez dugu lortu, ez dakigu zer demontregatik.
–Irratia polizia entzuteko jarrita izango duzute eta kasu horretan guk emititzen dugun puntuan ezin gaituzue hartu, hori gertatuko zaizue, ez?
Z.A.–Arrazoi duzue eta oraindik duen lana ezagutzen ez dugunez eta gure irakurle gehienentzat baita, nola osatzen dituzue saioak?
–Hasiaran informazio orokorra ematen dugu eta ondoren gai konkreto batzu, ibat edo bi ematen ditugu. Adibidez 27an « Dia de las Fuerzas Armadas» da eta 24eko irratsaioan antimilitarren eritzia sartuko dugu. Ekainaren 3an Bardenasko konzentrazioa izango denez, maiatzaren 31 n antinuklearrak mintzatuko dira
Z.A.–Eta informazio orokor hori, nola elaboratzen duzue?
–Berri batzu zuzenean jasotzen ditugu eta beste.batzu egunkari eta aldizkarietatik, baina kasu guztietan ez ditugu berriak hutsik ematen, baizik eta zertxobait kritikatuak eta ironizatuak.
Z.A.–Programa direktoan egiten duzue ala ez?
–Ez, ez, guk programa grabatu egiten dugu eta gero teknikoak arduratzen dira emisioaz, guk ez ditugu ezagutzen eta haiek ez gaituzte ezagutzen, guztiz konpartimentatuak gaude.
Z.A.–Eta lan hau artearenganako maitasunagatik ala nola egiten duzue? '
–Noski, guk ez dugu xentimorik irabazten, gehiago da, lana egiteko guk jarri behar dugu dirua, bidaiak, materiala, etab...
Z.A.–Mota honetako beste; irratietan berdin funtzionatzen dute ala ez?
–Ez, Italian adibidez asko profesionalizatuak daude, soldata eta guzti irabazten dute, baina hemen ez dago horrelakorik pentsatzerik ere. « Radio Lliure»koak adibidez subentzionatzeko bono batzuk atera zituzten, gu ere horrelako zerbaitetan pentsatzen ari gara.
Irrati Euskalduna Izan Nahi
Z.A.Entzun duen jendearen berri izango duzuenez, zer eritzi jaso dituzue?
–Hasteko gauza bat esan nahi dizuegu: jendeak ez daki gu garela irrati honetan gabiltzenak, baina noski beti enteratzen zara. Entzun, esaten dutenez ongi entzuten da, bai zentroan, bai inguruko hauzoetan; saioak zer moduzkoak diren alde horretatik, egia esan, ez dakigu jendeak zer pentsatzen duen, dena dela uste dugu jendeari.ideia ongi iruditzen zaiola. Denbora gehiago behar da, irratsaio gehiago eskaini behar ditugu eritziak jasotzeko.
Z.A.–Eta-konpetentziko beste komunikabideek, zer esan zuten?
–Denetik egon zen; HERRI IRRATIko Mariano Ferrerek ironi askorekin hitzegin zuen, baina lagundu: ere egin digu batez ere ondaren berri ematerakoan: DEIAk «emisora pirata» bat ginela esan zuen; EL PAISek, zirudienez ETAp-mkoak ez ginela; EGINek lehenengo irratsaioaren laburpen bat eskaini zuen; ba, norbaiten pasada kenduta, ongi. Gero EIAkoak ginela ere norbaitek esan zuen, gehiago da, EIAko norbaitek gainera hau egia zela sinistu zuen: «Zuek EGINekin geratu zarete baina guk irrati bat antolatu diagu» esan omen zion EIAko batek HBko bati.
Z.A.–Beste gai batetara pasaz euskara eta erdara, nola erabiltzen dituzue?
–Guk nahi genukeena gehiena euskaraz hitzegitea litzateke, baina oraingoz erdia euskara eta erdia erdara erabiltzen dugu. Egia da baita, oraingoz gaiak prestatu dituztenak gehienek erdaraz egin dituztela baina guk prestatzen duguna, bietara joaten da, ez itzulpenak,kontuz.
Z.A.–Zuetako norbait lehenago aritua al da horrelako,lanetan?
–Ez, guk orain arte jendaurrean hitzegin dugunean batzarretan eta horrelakoetan izan da, bestela ez dugu inongo esperientziarik, gure artean ez dago esperientzia duen inor. Gainera, lehenago genizuena, programak guk ez ditugu egin nahi, arazoa bizi dutenak egitea nahi dugu.
Z.A.–Taldeei lanaren erresponsabilitatea uzteak panfletariasmoaren arriskua ezin al dezake ekar? Nola ikusten duzue hau?
–Bai, egia da,askotan erortzen gara panfletariasmoan; kasu batzutan lanak arintzeko olerkiak sartu izan ditugu, baina... musika ere sartzen dugu. Bai, lan asko panfleto modura egiten dute; esaten diegu ahalik eta arinenak egiteko bainan batzuek lortzen dute, beste batzuk ez.
Z.A.–Alderdi politikoen eritziak ere jasotzen al dituzue?
–Ez, oraingoz norma bezala ez dugu alderdiekin gauza honetarako harremanetan jarri nahi, oraingoz hitza mugimendu herrikoiak bakarrik izango dute; bestetik pertsona anonimoei elkarrizketak egitea ere nahiko genuke, arratsalde batetan parke batetan dauden emakumeekin adibidez, edo -zaharrekin, etab.... baina oraindik hauk ideiak besterik ez dira, aurrerago, martxa hartzean egingo dugu.
Z.A.–Sortzeko diren beste irratiekin, baduzue harremanik edo zerbait egiteko asmorik?
–Batzuekin bai, tamalez oraingoz nahiko gutxi dira bainan daudenekin hor gabiltza eta aurrera begira Euskal Herriko Irrati Libreen Koordinadora edo horrelako zerbait antolatuko dugu.
Z.A.–Eta Estatu mailakoekin?
–Bai, baina-oso informalak, Valencian badago bat, Barcelonako Lliurekoak bedakizue nola oso gaizki dabiltzen.
Alderdikeriarik Ez
Z.A.–Ideologikoki talde homogeneo bat zaretela esan al dezakegu?
–Ideologi mailan desberdintasunak badaude noski, baina denok dauzkagu printzipio batzu eta horien araberan mugitzen gara. Batzuk HBren sinpatizanteak gara beste, batzk EErarenak, baina oraingoz ez dugu inongo arazorik izan egin dugun lanean eta printzipio.minirnoak .errespetatzen jarraitzen badugu, ez dugu arazorik izango.
Z.A.–Eta ez al duzue aiderdietako jendea sartzeko arriskurik edo posibilitaterik ikusten?
–Begira, kasu hauetan badakigu zer gertatzen den. Lokal batekin eta serioski hasiko bagina, ziur sartuko edo gutxienez ahaleginduko liratekeela noski hauei bidea isten ahaleginduko gara. Gaurkoz horrelako arriskurik ez dago, baina noski arrisku hori ikusten dugu, bai
Z.A.–Lana egiten duzuen guztiok hemen zaudetenok bezain gazteak al zarete?
–Bai, denok 30 urtetik behera dugu.
Z.A.–Eta emakumee,n errepresentazioa, nola dago?
–Ondo,- erdi eta erdi gaude. Grabazioko taldean lau mutil eta lau neska gara.
Z.A.–Zer bide erabili dituzue ezagutzera emateko?
–Lehenengo programa egin aurretik EGIN eta DEIAren bidez agertu ginen, bigarrenerako ere bide berdina eta ondoren kartelak jartzen genituen. Bestetik, astero irratsaioa bukatzen dugunean urrengo astekoaren berri ematen dugu. Ostegunero hemendik aurrera gaueko hamar t'erdietan, <Z.A.–Prograrna bat grabatzeak lan asko suposatzen al du?
–Bai, dexente lan suposatzen aigu oraingoz. Askotan gauza bat grabatzen duzu, gaizki irtetzen zaigula, berriro borratu eta grabatu, etab... Bestetik egiten ditugun bilerak ere denbora asko eramaten digute.
Z.A.–Agertu dezakezue pixkabat zar tresna erabiltzen dituzuen grabaketatan?
–Oso sentziloa da. Zuek daukazuen magnetofoia baino txarragoa erabiltzen dugu, honekin. grabatzen dugu programa, gero zinta zuzenean emisioko gailura doa. Erraza, ez da?
Z.A.–Teknikoak ere esperientzigabeak dira ala ez. Horrelako tresna bat, erabiltzen jakin beharko da, ez?
–Ez, badaude.gailu horien berri dakitenak. Eta hemendik esaten dugu, norbaitek asmoa badu horrelako irrati bat antolatzeko, nola edo hala gurekin harremanetan jar dadila eta gustora erakutsiko diogu eta ahal dugun neurrian laguntzeko prest gara.
Z.A.–Baina nortzuk dira irrati horretako langileak?
–Nahi duzu askok esaten dutena jakitea? Ba, begira, batzuek diotenez pasota batzuk gara, beste batzuk akratatzat jotzen gaituzte. Baina ez gara ez bata eta ez bestea. Badakizu, herri honetako ohituren barruan sartzen da hau ere, hau da, etiketazioa.
LURDES AUZMENDI. ELIXABETE GARMENDIA
Barcelonako ONDA LLIUREkoek finanziatzeko hartu duten bidea.
Honela ikusi zuen Olariagak EGINen OSINA IRRATIA.
40-60.000 pta. kostatzen dira gailuak.
"Osinak erre egiten du, ez? Ba guk hori lortu nahi dugu."
"Gaurko komunikabideak oso manipulatuak daude; arazo asko ez dute ukitzen".
19-24

GaiezKomunikabidIrratiaOsina Irrat
EgileezAUZMENDI1Komunikabid
EgileezGARMENDIA3Komunikabid

ASTEKARIA

831. zenbakia

1979ko maiatzaren 27a

ASTEKARIA PDF-an

Irakurrienak

Matomo erabiliz

“Erabiltzen gaituzte herriok folklorismorako: landa, animaliak edo euskalkia bera”

Amets Aranguren Arrieta

Lanbide Heziketa Duala inplementatzeko modua “anabasa” eta “alegala” izaten ari dela salatu du hainbat irakaslek

Mikel Garcia Idiakez

Aroztegiko Elkartasun Komiteak salatu du bi kidek jazarpenak eta irain matxistak jasan dituztela

Eneko Imaz Galparsoro

“Ezin nuen ulertu emakumeok herriko bestetan ezin genuela mutil-dantzetan parte hartu, horregatik hasi nintzen dantzan”

dantzan.eus | Aritz Ibañez

“Berrikuntza egiteak prozesuan gorabehera asko dakar batzuetan, eta hala behar du”

Mikel Garcia Idiakez

Azkenak

2025-06-20 | Jon Fernández González

Arabako Mahastiak sor-markari behin betiko itxi dio bidea Espainiako Auzitegi Gorenak

EAEko Justizia Auzitegi Nagusiak ezetza eman zion ABRA Arabako Errioxako Upategien Elkarteak bultzatutako sor-markari. Elkarteak helegitea jarri zion ebazpenari, eta orain Espainiako Auzitegi Gorenak ezetza berretsi du.

2025-06-20 | Jenofa Berhokoirigoin

Beskoitzen ikastola eraikitzeko lursaila eskuratu du Seaskak

Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]

2025-06-19 | Sustatu

AA batek zenbat eta gehiago “arrazoitu”, orduan eta okerrago

Applen lan egiten duen ikertzaile talde batek adimen artifizialaren (AA) esparrurako egindako ikerketa baten emaitza argitaratu dute. Izenburu esanguratsua du: The Illusion of Thinking. Euskaraz, bere izenburu luzean, honela: Pentsatzearen ilusioa: arrazoitzeko ereduen... [+]

2025-06-19 | Xalba Ramirez | Irutxuloko Hitza

Desokupacyl enpresa Donostian dagoela ohartarazi dute

Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]

2025-06-19 | Xabier Letona Biteri

Ekialde Erdia

Mundua begira, Israelek eta Iranek elkarri erasotzen jarraitzen dute

Joan den ostiralean Israelek Iran eraso zuenetik, bi herrialdeek bata bestea erasotzen jarraitzen dute. Ali Khamenei Iraneko liderra hilko dutela diote Israeleko agintariek, AEBen parte hartze zuzena eskatzen dute, baina AEBetako lehendakari Donald Trumpek ez du oraindik erabaki... [+]

2025-06-19 | Jon Fernández González

Langileen eskubideek okerrera jo dute azken hamarkadan, bereziki Europan eta Ameriketan

Nazioarteko Sindikatuen Konfederazioak (ITUC) urtero argitaratzen duen txostenak langileen eta sindikatuen egoera globala gero eta okerragoa dela adierazi du.

2025-06-19 | Axier Lopez

Banco Santanderrek armagintzan eta genozidioan duen parte-hartzea salatzeko ekintza egin dute Azpeitian

Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.

2025-06-19 | Euskalerria irratia

Iruñeko eta Gasteizko gertakarien gaineko erantzukizuna aitor dezala eskatu diote Espainiako Gobernuari

78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.

2025-06-19 | Jon Fernández González

Prostituzioa debekatzeko lege proposamena aurkeztuko du Espainiako Berdintasun ministroak irailean

Birritan saiatu da PSOE legea aurrera ateratzen. "Berriro ekingo diogu, beharra bertute bihurtu behar dela uste baitut. Benetan, unea dela uste dut", adierazi du Ana Redondo Berdintasun ministroak.

2025-06-19 | Urko Apaolaza Avila

BVE talde parapolizialak gutxienez 40 lagun hil zituen 1975 eta 1983 artean, Iñaki Egañaren arabera

Iñaki Egaña historialak Impunes (Txalaparta, 2025) liburuan dio frankismoak talde parapolizialetara jo zuela errepresioa "itxurak mantenduta" ezartzen jarraitzeko, eta beren kideen "inpunitatea" azpimarratu du. Duela 50 urte sortua, bederatzi... [+]

2025-06-19 | Garazi Basterretxea

Teresa Zavaleta

“Euskararen bidez Euskal Herriko egoera politikoa ulertu nuen”

Argentinarra da, baina sustraiek errotzen dute. Euskararekin maiteminduta dago, 25 urterekin ikasten hasi zenetik. Arbasoetako batzuk Euskal Herrikoak zituen, Soraluzekoak eta Azagrakoak, eta bizpahiru urterekin hasi zen Arrecifeseko Euskal Etxera joaten; arbasoa sortzaileetako... [+]

2025-06-19 | Urko Apaolaza Avila

PSNko idazkariorde Ramón Alzórrizen dimisioak ustelkeria eta krisi politikoa Euskal Herrian kokatu ditu

María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]

Faxismoaren aurka borrokan, munduan zein Euskal Herrian

Lanaren Ekonomia irratsaioan faxismoaren gorakada aztertu dugu, munduan eta Euskal Herrian gertatzen ari dena.

2025-06-19 | dantzan.eus | Aritz Ibañez

Papax Fagoaga, mutil-dantzaria 1970eko hamarkadatik

“Ezin nuen ulertu emakumeok herriko bestetan ezin genuela mutil-dantzetan parte hartu, horregatik hasi nintzen dantzan”

Elkarrizketa ilustratzeko erabili dugun argazki nagusia 1970eko hamarkadan hartua da. Erratzuko plaza festetarako apainduta ageri da, ezpelez atonduriko ohiko eszenatokiarekin eta etxetik etxera zintzilik, dilindan dauden xingolekin. Urrunean bi soinulari agertzen dira, Maurizio... [+]

2025-06-19 | Eneko Imaz Galparsoro

Aroztegiko Elkartasun Komiteak salatu du bi kidek jazarpenak eta irain matxistak jasan dituztela

Taldeko kideen aurkako eraso matxistak talde osoaren aurkako eraso gisa ulertzen dituela adierazi du Aroztegiko Elkartasun Komiteak. Komiteak salatu duenez, Aroztegiko epaiketara ikusle gisa sartu nahi zuen jendearen zerrendatik "Baztango mutil-dantzari talde... [+]

Eguneraketa berriak daude