"Berdin" Langileen Zerbitzurako Profesional Elkartea.

1977ko urtarrilaren 30an

"Berdin" elkarteko zazpi abokatuei elkarrizketa

"Berdin" Langileen Zerbitzurako Profesional Elkartea.
Gure Euskadi honetan bizi dugun giro aldrebes eta ilunean, makina bat lan badute langileek non kontseilurik aurkitzeko. Honetan zeregin berezia dute profesionalek, abokatu, soziologilari nahiz bestelakoek. Honelaxe sortu da "Berdin" profesional elkartea. Eratu ere kolektibo gisa eratu dute, bertan badirelarik dagoeneko 30 inguru profesional. Langileen zerbitzuarako zuzendu nahi dute beren ekintza. Egun zabaldurik dituzte 14ren bat bulego, bertan langileek behar kontseilu oro aurki ahal dezaten, bai lege arazoetan nola bestelako guztietan. Zehaztasun gehiago bildu nahirik, kolektibo honetako zazpi abokaturekin mintzatu gara beren asmo eta xedeak azaldu dizkigutelarik.
Z.A. Nola sortu zen, egun praktikaratu duzuen asmoa eta zer da Berdin Kalektiboa?
BERDIN. -- Aspaldian eta bereziki Bizkaian laboralista abokatu taldeok ziharduten lanean, ondorio oso interesgarriak lortu zituztelarik. Geroztik Sindikal Zentralak lanean hasi dira eta Verticalaren lurperatzea datorren une honetan, langileek gero eta gehiago jotzen dute verticaletik at diren profesionalengana.
Euskal Langileen Autonomia Ataka honetan eta langileek gero eta gehiago, zentral sindikalen laboralista abokatuengana jotzen duten unean jaiotzen da gure kolektibo hau, Jaio baldin bagara, autonomo gisa jaio gara, euskal langileriaren autonomiari erantzun bat eman nahirik. Hain zuzen, Euskadiko nazional osotasunaren barruan langile klasearen autonomia bat badela erizten diogu. Laboralista klasikoaren krisia aipatu genezake. Bereziki profesional planteamendua egiteko moduan; lehengo liberal egiturak atzera geratzen ari direla.
Sindikal Zentralek, oraindik legalidaderik lortu ez duten unean, abokatu laboralisten zerbitzua prestatu dute batipat. Haatik abokatuak ez dute jakin erantzuten langileek plantea diezaioketen nazional arazoari. Guk, gure ekintza eremua Euskadi dugu, eta horren baitan definitzen dugu geuron burua.
Z.A. Agi denez, estatu meilako zentral sindikalen abokatuekiko, kritika bet egin duzue, baina ELA-STVrekin hartu-emanik bai ahal duzue.?
B.-- Ez, ez dugu erlazio zuzenik, agian KASen aldetik gertuago gaudelako, zentzu zabal batez ulertu behar delarik hau, hots, gu prest gaude edonungo eta edonolako langilerekin lan egiteko, tekniko eta tresna garen neurrian.
"Pentsatu behar da gu, talde hau, ez garela organizazio bat eta gure baitan badirela pentsaera desberdinetako jendeak".
"Nazional arazoari buruzko Herriak galdatu beharrari erantzunez sortu dugu gure kolektibo hau, ez da beraz gure ideia berrigarri bat, beharren ondorioa baizik" Z.A.-- Aspalditik ari ahal zarete Ian honetan?
B.-- Kolektiboa joan den udaz geroztiJ muntatu dugu. Aurretik, bakoitzak bere aldetik ziharduen lanean, laborista alderdian batipat.
Z.A.-- Zerk batzen zaituzte?
B.-- Gure lana planteatzerakoan, badira garrantzizko hiru puntu. Lehenik, Kolektiboa ez da dirubide bat eta ez da diruzalekeriaz aurrera atera. Bigarren, BERDIN -en barruan baditugu desberdintasunak, baina, langile klaseari beharrezko zaion egiturazko batasunaren alde dihardugu denok. Ez dugu beraz langilegoaren organizazio edo egiturarik sortu nahi; aldiz, haien ekintzari jarraituko gatzaizkio. Pentsaera aldetik ere baditugu derberdintasunak, alor horretan bakoitzak bere lana dagoalarik; halaz ere, denok ezker abertzalearen baitan defini gaitezke, eta bere baitan dakusakegu gure ekintza orokorra. Azkenik, garbi dago gure nazional aukera.
Z.A.-- Abokatu laborista eta langileen zerbitzuko kolektibo zaretenez, nola dakusazue langilegoaren egoera, egungo Euskadin?
B.-- Langile batasunaren kontrako mugimenduak badirelarik, gure plantemenduotan koartatu egiten gaituzte. Hain zuzen guk langilegoaren batasuna bultzatuko dugu, baina Euskadiren batasuna planteatuz. Gure lan honetan Herrikoi masek damaigute zuzenik informazioa, eta argi dakusagu, Euskadirekiko baldintza hau langileek berek planteatzen digutela. Talde eta Zentral sindikal guztiek Euskadi onartuko balute, prest ginateke beraiekin elkar lanean aritzeko.
Askotan sindikal taldetan diharduten langileak, langile mugimendua baino au rrerago ari dira, honek sakabanaketa bat dakarkeelarik. Bide desberdinak erabiliz, ikuspegi desberdinetatik partituz, langilegoaren batasunera jo behar dugu. Gure aburuz garbi dago, beraz, eremua Euskadi dela eta asanblea prozeso baten desarroiloan datorkeela langile klasearen askatasuna.
Z.A.-- Preofesionalen Kolektiba bezala eratu zarete; konkretuki, zer zerbitzu eskaintzen diezu langileei?
B.-- Bulegoek ahalik eta zabalen jokatu nahi dute beren zerbitzu eskaintzen, laboralista abokatuez aparte, ekonomilari, soziologilari, mediku, urbanista eta era guztietariko beste profesionalek ere, parte hartuko dutelarik.
Iguala, Sistima Abogadutza Liberalaren Kontra Z.A.-- Zerbitzuak hutsaren truk ez dituzue ba eskainiko?
B.-- Ez, ez ! Gure independentzia gorde nahi dugunez gero, iguala sistima aukeratu dugu. Esan nahi bait da langile bakoitzak hilabeteko 50 pezeta ordainduko dituela; guk, beharrezko dituzkeen zerbitzuak oro eskainiko dizkiogu. Abogadutza liberalaren aurka jokatu asmoz ere geuretu dugu sistima hau, honela langile orori tratu berdina emateko moduan bait ra. Esan behar dugu sistima hau langieek berek eskatu digutela.
Z.A.-- Iguala sistimaz, at, abogadutzako beste lanik egiten ahal duzue?
B.-- Bai. Esate baterako, egun gartzeleta diren euskal preso gehienak guk defendatzen ditugu. Era berean, igualaz kanpoko langile batek kontseilu edo zerbitzu bat eskatuz gero, berdin-berdin erantzunen genioke.
Z A.-- Dirudienez berehala datorkigun Sindikal legearen aurrean zer diazue?
B.-- Sindikatzeko askatasunaz diharduen legeaz~gian ezer gutti esan behar dugu, bai haatik askatasun hori erregulatzen duenaz. Lege horren arabera, ez dira lege barruan sartuko LAB,LAK eta KOA, eta ekintza honen aurrean talde postura hartuko dugu, langileek markatu hildoari jarraituko gatzaizkiolarik.
25

Gaiez\Ekonomia\Sindikalgin\Sindikatua\Berdin

Irakurrienak

Matomo erabiliz

Amillubi martxan da

Estitxu Eizagirre

Desokupako bi gizon Donostiako etxe bat ilegalki husten saiatu dira

Irutxuloko Hitza

Efemeridea: Martin Zabaleta hernaniarra Everesteko gailurrera iritsi zen, Pasang Temba sherparekin

ARGIA

Nazio ala imitazio

Gorka Bereziartua

Negu gorri, hondamendia iragarri

Gorka Peñagarikano Goikoetxea

Umeak, poliziak, mikrobihotzekoak

Zigor Olabarria Oleaga

Azkenak

2024-05-14 | Gorka Peñagarikano Goikoetxea

Polizia infiltratu batek bi urte pasatu ditu Madrilgo hainbat mugimendu sozialetan

"Juancar" izenaren pean infiltratuta egon da Carlos P.M. agentea Madrilgo hainbat mugimendutan. 2020an sartu zen Espainiako Polizian, hain justu ere infiltrazio kasu gehiagoren jatorrian dagoen zentro berean egon ondoren. El Salto-k argitaratu du informazioa.

2024-05-14 | Mikel Aramendi

ANALISIA

Hanlonen printzipioa Spratly uharteetan

Hanlonen printzipioaren juzgu egin beharko da, agian: “Inoiz ez iezaiozu gaiztakeriari egotzi ergelkeriak ederki esplika dezakeena”. Protagonista nagusiek biziro hobesten dute aukera hori.

2024-05-14 | Garazi Zabaleta

Ja(ki)tea

Betiko eta bertako sukaldaritza sustatzeko elkartea

2009an sortu zen Ja(ki)tea elkartea zenbait jatetxe, sukaldari eta gastronomia kritikariren arteko elkarlanetik. “Hasiera hartan, Gipuzkoako 14 bat jatetxe elkartu ginen, baina pixkanaka hazten joan da proiektua, eta gaur egun 37 gara”, azaldu du Xabier Zabaletak,... [+]

2024-05-14 | Jakoba Errekondo

Ezti ihintzez egindako ihintz eztia

Zein da zuretzat zuhaitzik gozoena? Janari gozoenak ematen dituena? Erleentzako eztigai, lore gehien eskaintzen duena? Ez ba! Ezkur jendearen artekoak dira zuhaitzik gozoenak.

2024-05-14 | Iñaki Sanz-Azkue

Dragoitxo arrunta eta klima aldaketa: etsaia lagun duzunean...

Euskal Herriko gune batzuetan bizilagun ezaguna dute jada dragoitxo arrunta. Nafarroa hegoaldean, esaterako, urteak daramatza (gutxienez 1980ko hamarkadatik) bertako hormetan eta etxe inguruetan gora eta behera, batez ere gau partean, argia duten inguruetan, jatena non... [+]

Eguneraketa berriak daude