Joxe Mari Landa euskal-mixiolariari elkarrizketa.
Gure euskal-mixioak
Joxe Mari Landa, urte mordo bat egona da Los Ríosi izeneko euskal-mixioetan. San Jose eguna mixio hoien eguna dugunez, berarengana jo dugu.
-- Joxe Mari, zer dira Euskal-mixioak?
-- Duela 28 urte Gasteizko Elizbarrutiak bere gain hartu zituen lurraldeak eta gerora hartu dituenak dira izen hori hartzen duten lurraldeak; Eta, ongi dakizun bezela, orduko Gasteizko elizbarrutiak hartu zituela esateak, Bizkaiak, Gipuzkoak eta Arabak hartu zituela beren gain esan nahi du. Hiru probintzi honek orduan Gasteizko elizbarrutian sartzen baiziren.
-- Eta gertakizun hori, Joxe Mari, ze neurritakoa izan zen garai hartan?
-- Gertakizun harigarria eta ez-ezaguna ordurarte kristaudian. Artean ez zen ohiturarik elizbarruti batek bere luzapen bezala lurralde bat har zezan kristautzeko. Hargatik eragozpen haundiak izan zituen gure ekintzak, askorentzat berriegia eta arriskutsua zelako. Baina eragozpenak eragozpen, aurrera egin zuen gure langintzak eta Ecuador-en hasi zena, gero Afrikara zabaldu zen. Hargatik gaur Afrikako Angolan, Rwandan eta Zairen baditugu gure mixioak; eta Amerikan bertan, Ecuador-koaz gainera, Brasilen eta Venezuelan ere baditugu.
-- Eta, Joxe Mari, zer lan-mota egiten duzue lurralde hoietan?
-- Lan egiteko modua asko aldatu dute mixiolariek. Bi modu ezberdin hoien artean, hitz batean esateko, Kontziloa dago.
Kontzilio aurreko lana, orain arte elizgizonek gure parrokietan egin izan dutena bera zen. Zera alegia: Elizak, eskolak eta abar egin eta jendea kristautasunean eskolatu. Gaur ez da elizetarako bakarrik balio behar duen etxerik egiten, beste mila gauzetarako ere balio dezaketenak baizik;
Erlijio erakusketa berriz, horixe zen, erakusketa. Gaur Ebanjelizatze lan bat egiten da. Giza-askatasuna erabatekoa neurri harturik egiten da lan.
Gizonaren era bateko promozioa du oinarri eta jomuga. Lotura guztietatik askatu egin nahi da gizona. Jendearen eta herriaren izatea errespetatuz gizona gizonago eta herria herriago izan daitezen giroa aldatu eta hobetu nahi da.
Lehen baino talde lan haundiagoa egiten da. Bertako jendea egin nahi da arduradun, buruzagi, eragile eta mezulari. Hoien esku utzi nahi da lurralde haietako martxa.
Hango jendeari entzutera eta hango egitera behartzen du mixiolaria jokabide honek. Herri bakoitzeko kultura eta ohiturak haintzakotzat hartzera eta bereganatzera alegia.
-- Askatasunaren ebanjelioa hotsegiten ahal duzue?
-- Gizonak gizon izateko dituen eragozpenen aurka borroka egitera behartzen du mixiolaria fede. Gizona gizonagotzen lan egiten du.:Batez ere mixiolari sekularren bidez egiten du lan hau.
Ezjakinei argi egiteko gizon azkarrak toki guztietan dira.. Zurrupatzaile asko da bazterretan. Eskolak, ikastetxeak, kooperatibak, eritegiak eta abar jasotzen eta antolatzen saiatzen gera. Egiten diren lehen zerrenda osoa ezin daiteke hemen aipa. Baina gizona askatasun bidean hartzeko eginahalak jotzen dira.
-- Hemen bertan bada lanik aski.
-- Jesusen Berri Ona .gizon guztientzat da eta gizon guztiei hotsegin behar zaie. Gizona ez daiteke bere larru azalean bildurik bizi. Herria ere ez. Munduko gizon eta herri guztiei lotu behar zaio. Toki itxian gordetzen dena ito egiten da. Jakina, urrutiagora begiratze honek ez du bertakoaz ahazteko eta ez arduratzeko aitzaki izan behar. Bertakoaz ajolagabea denak ez du urrutikoaren egiazko ardurarik. Baina munduko penaz eta argiaz aserik denak, are eta sakonkiago hartuko ditu bertakoak. Askatasuna, egia, zuzena, bakea, elkartasuna eta senidetasuna Ebanjelioaren muina dira. Mundu esoari hotsegin beharreko Berri Ona da hau gurtia.
Euskal Mixioen eguna dugu San Jose egunez. Euskal Herria hil ala biziko borrokan dabil. Nahiko arrotz gertatzen zaizkio mixioak Herri honi une honetan. Dena den, beste lekutan ere borrokan dihardutela jakiteak ez dio kalterik egingo,
Elizalde
13
GaiezGizarteaErlijioaEliza katolBesteak
PertsonaiazLANDA1
EgileezELIZALDE1Gizartea