IKASTOLETAKO HAURREN JAKINDURIAZ

1974ko irailaren 22an

Pello Aierbe, Joxe Antonio Etxezarreta eta Luis Mari Satrustegi psikologoei elkarrizketa.

IKASTOLETAKO HAURREN JAKINDURIAZ
Ez dute jakite-mailan beste ikastetxetako haurren inbidiarik.
Hiru sikologo, Pello Aierbe, Luis Mari Satrustegi eta Joxe Antonio Etxezarreta jardun dira lanean Gipuzkoako Ikastolen Elkarte Batzaren aginduz. Ikastoletako haurren jakite maila aztertu dute.
Ikastolan ez ote duten haurrek beste ikastetxetan bezala ikasten pentsatu ohi du zenbaitek. Susmo eta irudipen txar horrekin bizi da zenbait guraso ere.
Baina ez da egia. Oinarri Heziera Orokorreko zazpigarren mailako Estaduaren eskoletako, Erlijioso ikastetxeetako eta Ikastoletako haurrak neurtu dituzte.
Ikastoletakoak ez daude beste hoietakoak baino gaizkiago, ia hobeto baizik. Azter ditzagun sikolo hauen ondorioak.
-Azterketaren bat egina duzuela, ikastola inguruan, jakin dugu. Esango al diguzue, mesedez, zer egin duzuen?
-Gaurregun, Euskal Herrian, hiru eskola mota ikusten ditugu: ikastotak, Estaduaren eskolak eta praille eta mojen ikastetxeak. Ba dute berezkuntzarik hiru ikastetxe hauek. Berdina dute hirurok oinarrizko irakaskintzaren egitaraua, hots, legeak ezartzen diena. Baina hiruretan kutsu desberdina ikus daiteke. Egia honetan finkaturik egin dugu gure lana.
-Ez zenuten, ordea, hezieraren luze zabala aztertuko..
-Baditu bere mugak gure lanak. Jakite maila soila aztertu dugu. Heziera Lege Berrian aurkitzen den oinarrizko irakaskintza maila aztertu dugu, hots, hizkuntza española, matematika, izadi jakintza eta gizarte jakintza. Bestalde, azterketa hau E.G.B.ko zazpigarren mailan egin da.
Hiru ikastetxe hauetako haurren konparabide orokor bat egiteko beharrezkoak ziren beste azterketa batzuk ere. Beren arteko berezkuntzak sortzen dituzten aldeak ikusteko komenigarri litzateke adimena, nortasuna, espresibidadea, sorketa-lana eta abar aztertzea. Baina ezin, ba, dena batean eta bapatean egin.
-Jakinmina bakarrik da, baina esango al diguzue zein lekutan egin dituzuen azterketa hauek?
-Lehen esan bezala, E.G.B.ko zazpigarren mailan egin ditugu. Hartu ditugun ikastetxeak, berriz, Gipuzkoa osoan zabaldurik daude. Hona ikastetxe hoiek finkaturik dauden herrien zerrenda: Donostia, Irun, Errenteria, Andoain, Deba eta Bergara. 8 ikastola, 9 ikastetxe eta 4 eskola aztertu ditugu. 21 ikastetxetako haurrak neurtu ditugu.
-Zergatik neurtu duzue, hain zuzen ere, jakite maila?
-Gaurregun bada ikastoletako haurren gurasoen artean kezka bat, "ba ote dakite gure haurrek beste ikastetxetako haurrek adina?". Horregatik agindu zigun Gipuzkoako Ikastolen Elkarteak alderdi hau azter genezala. Arrazoi askok sortu du kezka hau gurasoen barruan. Era desberdinez irakasten zaie haurrei, haurraren askatasuna eta nortasuna gehiago aintzat hartzen dira, harreman bereziak dituzte ikasle eta irakasleak. Mesedetarako ote du haurrak bi hizkuntzetan eskolatzea? Eragozpen izango ote du ala burua gehiago askatzeko eta argitzeko bide? Pozik dabiltza gure haurrak ikastolan, baina ikasten al dute? Bai al dakite beste ikastetxetako haurrek adina?
-Zailtasun eta eragozpen asko izan al duzue lan hori egiteko?
-"Test" edo proba objetiboak behar ziren lan hau egiteko. Egia esan, ez dago honetarako aukera haundiegirik gaurregun. Ministerioak berak onartua daukan ,"Test" bat aurkitu genuen: "Escala sintética de instrucción", Garcia Hoz-ek egina. Beste bi "test" geuk moldatu ditugu legearen arabera eta legeari jarraituz. Bestaldeko eragozpenak ere izan ditugu, ordea, zenbait ikastetxetan. Zorionez gutxitan, baina aterik ez digute ireki nahi izan. Ikaraz? Errezeloz? Ez dakigu.
-Zer ondorio atera dituzue zuen azterketa horretan?
-Ez da erraz bi hitzetan ondorio guziak agertzea. Ikastolen Elkarteak berak agertuko du, noski, gure lanaren laburpena. Hona ondorioen taula, alboan.
-Horrenbeste "media" eta "sigma", galtzerdiak egiteko makinen bat saldu nahi duzuela usteko du norbaitek. Luze joko luke elkarrizketa honek, hori guztia agertzen hasiz gero. Esaiguzue hitz bitan: zer ondorio atera duzue?
-Aurreko dato hoiek ikusirik hauxe aitor dezakegu: totalaren gainetik dagoela media. Ikastola beste ikastetxeren parean edo gainetik agertzen zaigu.
-Gerorako asmorik?
-Sikologia aldetik hainbeste azterketa egin daiteke ikastolari buruz! Jakite maila bakarrik neurtu dugu oraingoz. Baina ikastoletako haurren adimena, nortasuna, kreatibitatea eta abar garrantzi haundikoak dira. Badugu horretaz lanean hasteko asmorik. Baina Hezierako Legeak haur bakoitzaren zaletasun, gogo eta dohaiak ikustea agintzen du, bakoitzak, dagokion lanbidea har dezan. Haur bakoitzak gero bere bizitza osoan egingo duen lana bere adimenari, gaitasunari eta nortasunari dagokion erakoa izan dadin beharrezkoa da haur bakoitza ondo ezagutzea eta zuzentzea. Gipuzkoako Ikastolen Elkarteak lan hau egin dezagula eskatzen digu.
-Nola burutuko duzue lan hau?
-Honetarako bosgarren eta zortzigarren mailan azterketa batzuk egitea komeni litzateke. E.G.B.ko bi aldiren bukaerak bait dira urtemuga hoiek. Bi alderdi izan ditzake lan honek. Haur bakoitzari eta ikastolen mugimenduari dagozkionak. Lan interesgarriak egin daitezke honetaz.
-Zer, esate baterako?
-1) Ikastolan, adimen, nortasun, bizibidearen aukera aldetik eta abarretik ikusten diren konstanteak aztertu.
2) Gure artean ditugun baremoak haurrei egokitu, hemen dagoen mailan neurri hoiek ipiniz.
3) Lan hauetan erabittzen diren baliagarriak euskaratu.
ERRIALDE
Satrustegi, Aierbe, Etxezarreta
1

GaiezGizarteaIrakaskuntzBesteak
PertsonaiazAIERBE2
PertsonaiazETXEZARRET4
PertsonaiazSATRUSTEGI2
EgileezHERRIALDE1Gizartea

Irakurrienak

Matomo erabiliz

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Lurra taupaka hasiko da

Estitxu Eizagirre

Kanpaldien lehen garaipenak iristen hasi dira Israelekiko boikot akordioekin

Jon Hidalgo Gereñu

“Maite dut Iparraldean antzerkia egitea, uste baitut hemen kodeak ulertzen direla”

Gorka Peñagarikano Goikoetxea

Efemeridea: Espainiarenak ziren lurraldeetan, "gaztelania ez beste hizkuntza guztiak desagerrarazteko" agindu zuen Carlos III.a Borboikoak

ARGIA

Efemeridea: Almeria Kasua: Guardia Zibilak hiru gazte espainiar torturatu eta hil zituen, ETAkoak zirelakoan

ARGIA

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude