Salome, Euskeraz

1969ko apirilaren 20an

"Kontrapuntos" taldeko Azkoitiko Luis Iriondori elkarrizketa

Salome, Euskeraz
Europa guzia irrika bizian zegoen delako "Eurovisión" Abesti leiaketan irabazle zein aterako ote zan jakiteko.
Txapelketa orren ondorena erabat arrigarria izan da. Denok dakizutenez lau abesti atera ziran irabazle: Frantzi, Inglaterra, Españi eta Holanda'koa.
Kontuak kontu, orain dela gutxi berri bat eldu zitzaigun Agencia Cifra'ren bitartez. Onatx: Salome'k "vivo cantando" euskeraz abesteko asmoak zituala.
Norena izan da asmoa eta nork bultzatu du Eurovision'eko españiar irabazlea euskeraz abestera?
Asmo orren jabe oso-osoa gure erritar jator, Kontrapuntos taldeko LUIS IRIONDO ETXANIZ degu. Guztiontzat ain ezagun dan azkoitiar oni bururatu zitzaion, eta ber-berak bultza eta aurrera eraman aal izan du.
Zerbait gelago jakin nai-eta argitasun pixka baten billa bere etxera eldu gera.
Gure eskabideak onartuaz ongietorria eman eta liburu ta diskaz ondo ornitutako gela batera pasa ginduzen. Patxaraz exeri giñan eta itz-aspertuari aseera eman genion.
–Noiz eta nola bururatu zitzaizun "vivo cantando" abestia, euskaldun guztion pozgarri Salomen abotsean eskeintzea?
–Noiz? Egun batez Illarra jai-gelan nengoela, Lurdes Iriondo, neretzat abeslaririk onenetarikoa entzuten. Nola? Gaur egun euskal abestiak daraman abiada gogorrarekin lo ezin gindezkela egon konturaturik; indar berritze baten bearrean arkitzen gera... Goi mallako abeslariak euskaraz abestea ondo etorriko dela uste dutalako ta Salome ondo ezaguturik nola nai ere ez zela zail izango abestiren bat guri eskeintzea eta ausartu nintzan eskabide ori egitera.
–Orduan, berealaxe diska berri baten jabe egin gindezke?
–Bai; pentsatu bezin laister Bartzelona'ra deitu ta Salome'kin izketan asi nintzan. Asieran bildurtu egin bazan ere (euskeraz ez dakielako) gerora poz aundia artu zuan.
–Noiz entzun aal izango degu?
–Aste ontan grabatzekotan gera eta laister dendetan salgai izango dezute.
–Orain artekoa oso ondo iruditzen zaigu, bañan ortan gelditzea ez al litzake penagarria izango?
–Au asiera bakarrik dela –dio Luis Iriondo'k– ez dezagun aaztu. Alegiñak egingo ditut beste iru irabazleak ere beren abestiak euskeraz eskeñi ditzaizkiguten.
Frida Bocara frantziar abeslariarekin itz egin bear dut ta bere abestia «Un jour, un enfant» berak euskeraz ateratzea errez izango zaigulakoan nago.
–Egin dezagun ori dena lortzen dela, baña, gero zer?
–Jakiña, abeslari famatuenak beren diskak ateratzerakoan, euskera aintzakotzat artu eta beren lanak gure izkeran ager ditzatela da nere naia. Nere aldetik alegin guztiak egiteko prest nago.
Bejon-deizula, Luis!!!
KAKUTE

KANTARI BIZI NAIZ
SALOME
EUSKERAZ
Bide galduan zear,
¡zenbat gau zure billa!
Zuri itzegin nairik,
nairik eta ezinda.
Oraiñ urrean zera
eta odola ta ametsa
piztuak dira.

Zugatik biurtu dira
nere malkoak
amets argian,
kanta gozoan,
bañan, zerbait gertatzen da
gure artean;
ikaraz nabil
zure ondoan.

Zugatik biurtu dira
nere malkoak
amets argian,
kanta gozoan.
Ez dakit zure maitasun
jaio berria
noiz arteraño
gordeko detan.
11

GaiezKulturaMusikaMusika modePertsonakAbeslariakIRIONDO4
PertsonaiazIRIONDO4
EgileezKAKUTE1Kultura

Irakurrienak

Matomo erabiliz

"40 landare mota ditugu oihan baratzean, urte osoan bertatik jateko eta tresna xinpleekin lantzeko"

Estitxu Eizagirre

Bizkaia: EAJren gotorlekua kolokan?

Jon Azkune Torres

"Badira hartzea merezi duten arriskuak, genozidioa gelditu behar dugu"

Zigor Olabarria Oleaga

Gipuzkoa: Biren arteko jokoa

Iker Iraola Arretxe

Ez da zapalkuntza? Orduan, asimilazioa

Ane Ablanedo Larrion

Azkenak

2024-04-21 | Asier Etxenike Ugarte

Araba: Zer isla elektoral izango du aldaketak?

2024-04-21 | Gorka Peñagarikano Goikoetxea

Apunte batzuk atarikoan

2024-04-21 | Gorka Peñagarikano Goikoetxea

'Cristóbal Balenciaga' telesaila

"Nabaritu dadila euskaldun batzuok euskaldun baten istorioa kontatu dugula"

Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]

2024-04-21 | Iker Iraola Arretxe

Gipuzkoa: Biren arteko jokoa

2024-04-21 | Jon Azkune Torres

Bizkaia: EAJren gotorlekua kolokan?

Eguneraketa berriak daude