G7ren kondar humanoak
G7 osatzen duten munduko herrialde aberatsenek utzi dute setiaturiko Biarritz, kapitalismoaren “aurpegi humanoaren” erakusgarri izan nahi omen duen keinu baten bidez.
Estatu-buruak babesteko eta herritarrak erreprimitzeko 34 milioi euro gastatu dituzte, eta Lapurdiko herrian izan diren bitartean, Amazonian sute oso larriak gertatu dira, beste behin Lurraren birika arriskuan jarriz.
Soilik Bolivian suteek milioi bat hektarea baso kiskali dute. Galdutako hektarea bakoitzarekin, larrialdi klimatiko bizkorraren agertoki beldurgarrira hurbiltzen ari gara atzerabiderik gabe. Oihana erretzen denean, hark bere barruan gordetzen duen karbonoa bat-batean askatzen da atmosferara eta planeta are azkarrago berotzen da. Eta ez dezagun ahaztu: batez ere soja eta palma landatzeko edo aziendak hazteko erretzen dituzte lurrok. Interes ekonomiko eta multinazional asko dago atzean.
Testuinguru horretan, G7ak erabaki du 18 milioi dolar ematea suteak itzaltzeko. Kopuru barregarria da, kondar batzuk. Leonardo Di Caprio aktoreak emandako 4,5 milioi euroekin konpara dezakegu, adibidez. G7ak ahaztu du bere funtsezko helburua ez litzatekeela izan behar suteak itzaltzeko baliabideak bidaltzea, baizik eta Amazoniako herrialdeek jasaten duten arazo sozioekonomikoa konpontzea. Aldaketa klimatikoari aurre egiteko prebentzio politikak (ekonomikoak, energetikoak, sozialak…) sustatu beharko lituzke batez ere.
Amazoniako basoak babestea lehentasun politiko globala izan behar du. Lurraren birika suntsitzen bada mundu osoan izango du eragina eta nazioarteko komunitateak esku hartu beharko luke, baina ez kondar humano faltsuekin.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]