“Ekonomia zirkularra hitzean eta hortzean aipatzen da orain. Gure amamak baserrian aplikatzen zuen ekonomia zirkularra! Ura iturrian hartu, ortuariak harekin garbitu, ortukoak ere harekin ureztatu… Janari hondarrak, gauza askoren azalak-eta, oiloei ematen zizkien. Hondakin gutxi sortzen zituen amamak. Bendeja hartu eta, astoan, Mungiara joaten zen, eta handik olioa ekartzen zuen. Eta, txikitan, tebeoa ere ekartzen zigun inoiz. Eta hartu tebeoa, jezarri mimosaren azpian hura leitzen, eta zoragarria! Orain hori kontatu eta kuaternariokoa iruditzen zaio jendeari”.