Parisko klimaren gailurra: adostutakoa ez da nahikoa

Iragarrita zegoen legez, lehen aldiz munduko estatu guztiak barne hartuko dituen hitzarmena adostu dute Parisen egindako COP21 klimari buruzko goi-bileran. Adostutakoa lausoegia da, ordea. Proposatutako mekanismoak ez dira nahikoa izango ezarritako helburuak betetzeko.

2 ºC-tik behera

Helburu handinahia ezarri dute: Lurreko tenperaturaren igoera, industrializazioaren aurrekoarekin alderatuta, 2 ºC-tik “ondo behera” mantentzea eta ahalegina egitea 1,5 ºC-ko muga ez gainditzeko.

Murrizketa planak ez dira lotesleak

AEBak jarritako ezinbesteko baldintza izan da. Herrialde bakoitzak bost urtero aurkeztu beharko dizkio NBEri gas berotzaile igorpenak murrizteko dituen planak, baina ez dira lotesleak izango.

Klima neutraltasuna

Petrolio ekoizleen garaipena izan da “deskarbonizazioa” ez aipatzea. Horren ordez, neutraltasun klimatikoa jarri da helburu: gas emisioak orekatzea basoek xurgatzen dutenekin eta bitarteko teknologikoekin.
 


Azkenak
2030erako lur eta itsas eremuak %20 lehengoratzeko araudia onartu du Europar Kontseiluak

Astelehenean onetsi du Europar Kontseiluak Natura Lehengoratzeko Legea, hiru hilabeteko blokeoaren ondoren. "Mugarri gako bat da kontinenteko ekosistemen babeserako eta berreskurapenerako", esan dute hainbat elkarte ekologistek, besteak beste, BirdLife Europe,... [+]


Ikastetxeek erizain bat izateko eskaera Jaurlaritzara iritsi da

Istripu eta larrialdiei erantzutea eta gaitz kronikoak dituzten ikasleak artatzea lirateke, besteak beste, erizainak eskolan lituzkeen funtzioak, gaur egun gehienbat irakasleen bizkar geratzen dena. Eskoletan erizain batek egon behar duela aldarrikatzen urteak daramatza SATSE... [+]


Eguneraketa berriak daude