Ertzetatik argia
aurre egingo dieten hedabide independenteak
Mezu bera behin eta berriz errepikatzeak gizartean izan dezakeen eragina ezaguna da, baita hedabideek prozesu horretan jokatzen duten rol garrantzitsua ere. 2007an abiatu zen ziklo ekonomiko aldaketarekin ikusten ari gara: azken zortzi urteotan saiakera ugari izan dira eremu ofizialetatik okerrena jada pasa dela sinestarazteko. Boterearekin harreman estuena duten hedabideek zeregin garrantzitsua izan dute mezu hori sozializatzen, nahiz eta oso ezbaian jartzeko modukoa den.
Adibide bat besterik ez da, nahiko adierazgarria dena den, joan den asteko The New York Times baten azalean ere azpimarratu baitute Espainiako Estatuko kasua, komunikabideek banketxeen eta gobernuaren aldetik jasaten duten presioari buruz argitaratu duten erreportajean. AEBetako berripaperak funtsean zera dio: egunkariek independentzia galdu dutela, kreditua ez galtzegatik.
Euskal Herrian lehenagotik ere ezaguna zen mota askotako interes taldeek hedabideen inguruan zeukaten kontrol-nahia: alderdi politikoek, botere ekonomiko eta faktikoek beti edukiko dute euren gustuko ildo editoriala medioetan markatzeko tentaldia, horrela jardunda errealitatearen kontakizun zintzoa oztopatzen dela jakin arren.
ARGIAk bere burua horrelako presioetatik libre nahi du. Talde itxien agindupean baino, gehiengoarentzat onak direla uste dugun printzipioetan oinarritzen da gure informatzeko modua; eta proiektu komunikatibo honen finantzazioaren parte handi bat gure komunitatearen esku egoteak bermatzen du gure independentzia. Harpidetza ordaintzen dutenei, Piztu Ezazu ARGIA bidez webgunean egiten dugun lana ekonomikoki babesten dutenei, herri erakundeei, gure askotariko iragarleei, herri mugimenduetatik proiektu hau bultzatzen dutenei… Horiei denei zor diegu, besteak beste, informazioa askatasunez landu ahal izatea.
Komunitate horri bestelako zerbait eskaini nahi dion hedabidea garelako erabaki genuen aldizkaria berritzea. Itxura aldaketa hutsa baino sakonagoa izango den zerbait bilatzen dugu. Lan egiteko modua egokitu dugu, sareko edukiak eta paperean argitaratzen direnak hobeto koordinatzeko. Eta ARGIAren zaleekin harremana ere estuagoa izatea nahi dugu –besteak beste, aurrerantzean Komunitatea izeneko orri bat argitaratuko dugu astero–.
Erronka handia dugu esku artean eta txikitik eragiten erantzun nahi diogu: krisi ekonomiko orokorraz gain, hedabideek bizi duten sektore-krisian murgilduta gaude. Eta euskarazko proiektu honi eutsi ez ezik, herri honetako komunikazio esparruari ekarpen handiagoa egin nahi diogu, ertzetatik argia emanez.
Georges Ibrahim Abdallah, Frantzian 40 urteko espetxealdia igaro ondoren kaleratuko dute. Palestinaren askatasunaren aldeko militantea, Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatu zuten. Inoiz... [+]
Azken sei urteotan Piztu Donostia eragile sozialaren talde motorra osatu dugunoi txanda pasatzeko unea iritsi zaigu, mila gai eta beste mila fronte zabalik geratzen diren arren.
Duela sei urte Eneko Goiak, PSOEren laguntzarekin, osaturiko Donostiako Udalak bideratzen zuen... [+]
Ekainaren 13an hasi eta 24an amaitu zena “12 Egunetako Gerra” bezala ezagutuko da aurrerantzean. Gauza harrigarri batzuk gertatu ziren bertan, pentsaezinak ordura arte. Nahiz eta lerro hauek idaztean egun gutxi igaro diren bukatu zenetik, ondorio batzuk atera... [+]
UEMAren zuzendaritza batzordeko kideek hedabideen aurrean agerraldia egin dute ostegun eguerdian Zarautzen, Espainiako Auzitegi Gorenaren azken epai euskarafoboa salatzeko. Epaia "larria" dela adierazi dute, eta batez ere udalerri euskaldunei eta euskaraz aritzen... [+]
Nerea Kortajarena EH Bilduko legebiltzakideak prentsa agerraldi batean esan du Eusko Legebiltzarrean dauden "gehiengoak" baliatu beharko liratekeela "hizkuntza politika berri bat ahalbidetzeko".
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Ondo jakina da Euskal Herriak bere buruaren jabe izateko beharrezko duen botere politikoa ukatua duela Espainia eta Frantziako estatuen aldetik. Euskal Herrian, bertan bizi, lan egin eta euskaldun izan nahi duen biztanleriari, herritar gisa bizi-proiektu duin eta ziurra garatu... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Israelen bonbardaketek Siriako Defentsa Ministerioa eta presidentearen egoitzaren ingurua izan dituzte jo-puntuan. Asteburuan tribu beduinoen eta milizia drusoen artean piztutako liskarrek gutxienez 300 hildako eragin dituzte As-Suwayda hirian. Israelen erasoen ondoren, Siriako... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Hagako taldeak deituta 30 estatu bildu dira bi egunez Kolonbian, eta horietako hamabik sei neurri sinatu dituzte "Israelen Palestinako kolonizazio ilegala" gelditzeko. Horietako bat, Tel Avivekin duten kontratu publiko oro berrikustea, okupazioan eraginik duen ala ez... [+]
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
DIPCko bere bulegoan izan da elkarrizketa. Argazkilaria lanean hasi denean, arroparengatik desenkusatu da [kirol-jertse bat dauka jantzita]: “Ez nintzen gogoratzen elkarrizketa genuenik”. Baina Elhuyar aldizkariarentzako dela eta, gustura egingo omen du. Euskaraz... [+]
Hautsak harrotu ditu azken orduetan Interneten WeTransfer zerbitzu oso praktiko eta erabiliak iragarri dituen erabilpen baldintza berriek, abuztuan jarriko direnak indarrean. WeTransfer da oso fitxategi (edo fitxategi multzo) handiak bidaltzeko modu bat. Ez dira kabitzen e-posta... [+]