Banpiro kapitalistek nazio subiranotasuna bahituta dute

Mundu osoan ari dira TPP edo Pazifiko arteko Kooperazio Ekonomikorako Itunaren kontra mobilizatzen, baita Europan eta Euskal Herrian ere. Itun hori ezkutuan egiten ari dira AEBen eta Pazifikoko beste hamaika herrialderen artean –Txiletik Zeelanda Berriraino–, eta herrialde bakoitzak onartu beharko du. Munduko biztanleriaren %11 hartuko lukeen merkatu bakarra sortuko litzateke, munduko BPGaren %40 izango luke, merkataritza globalaren %25 eta atzerriko inbertsio zuzenaren %32. Ituna onartzen bada, merkatuek –multinazionalek eta korporazio handiek– herrien subiranotasuna bahitzea lortu duten seinale izango da. Gobernuak merkatuen kudeatzaile ofizial baino ez dira izango. Ituna aurrera ateraz gero, Europak bide bera urra dezake, AEBekin TTIPa (Europa eta AEBren Arteko Merkataritza eta Inbertsiorako Hitzarmenaren ingelesezko akronimoa) ari baita negoziatzen.

Herrialdeen etorkizuna jokoan da. Nork aginduko du, herritarrek aukeratutako pertsonek ala banpiro kapitalistek? Adibide batzuk jarriko ditugu. Inolako muga legalik gabe deslokalizatzeak inposatu ditzakete, enpresak itxi eta enplegua ezabatu. Herrialde batek gai toxikoak edo jangai transgenikoen etiketak debekatzen baditu eta ingurumen araudia zorrozten badu, TPPak enpresei boterea emango die gobernuak ezkutuko tribunal baten aurrean salatzeko, epaileak merkatuei lotuta daudela jakinik ere. Gobernuak epaiketa hori galtzen badu, zergadunek ordaindu beharko diete enpresei “etekinetan” galdutako milaka milioi euro. TPPrekin farmazia-industria erraldoiak bere monopolioa hainbesteraino heda dezake, kantzerretik edota hiesetik salbatzeko oinarrizko botiketara sarbidea mugaturik izango dutela gaixoek.  

TPPren kontra mobilizatu eta borrokatzea funtsezkoa da, Europak haren lorratza segi dezala saihesteko, ez dezagun gure nazio subiranotasuna banpiro kapitalista horien esku utzi.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude