Beti aurrera begira, giro ederrean
BONBERENEA TXARANGA :: Bihar ez da gaur
Bonberenea Ekintzak, 2014.
Bonberenea Txaranga ez da ohiko txaranga bat. Bere piezetan jazz, rock, Karibeko aireak eta beste batzuk antzeman daitezke, baina bere jarrera edo jarduteko modua da azpimarragarria. Musikariak gazteak dira, batzuk oso gazteak, beren musika tresnak ongi menperatzen dituzte, eta aipagarria da haien etorria, gatza eta piperra, eta bizitasuna. Jai-giroa eta alaitasuna ederki transmititzen dute, umore ona eta giro ederra, azken batean. Gainera, diskoaren izenburuak dioen bezala, beti aurrera begira daude, beti melodia, erritmo eta doinu berriak bilatzen.
Bonberenea Txarangaren etengabeko garapenaren eta bilakaeraren azken mugarria da Bihar ez da gaur lana. Zortzi pieza dira, denak txarangako kideek beraiek sortuak, bat izan ezik, Dut taldearen Unean uneko kantuaren bertsioa egiten baitute. Ez dira txaranga baten kalejirak, fandangoak eta habanerak, ur berri batzuetan igeri egiten dute, estilo edo joera berrien beldurrik izan gabe, beren eredua txaranga ulertzeko modu berri bat baita.
Grabazio saioetan, Iker Pando (gitarra), Ivan Alzate (baxua), Ekhiñe Olano (tronpa), Sorkun Rubio (ahotsa) eta Juantxo Arakama (ahotsa) aritu dira txarangako musikariekin. Juantxo Arakamak berak Gara(i)pena kantuko hitzak idatzi ditu, eta Ion Arruebarrena txarangako kideak Argitzalak kantuko hitzak. Izan ere, diskoko sei pieza instrumentalak dira eta beste bi pieza kantuz lagunduak. Karlos Osinaga teknikaria arduratu da grabazioaz, nahasketez eta masterizazioaz, eta Mikel Zelaia Bonberenea Txarangako kidea berarekin aritu da. Diseinu lanak, berriz, Joseba Poncek egin ditu. Lan handia egin dute denek, disko eder bat osatzeko, patxadaz entzun eta gozatzeko disko bat.
Bonberenea Txarangak Tolosako (Gipuzkoa) Bonberenea etxean dauka egoitza. Urte batzuk badaramatza Tolosako eta beste hainbat herritako kaleak alaitzen, eta beste zenbait talderi eta musikariri grabazio saioetan eta jendaurreko emanaldietan laguntzen.
Bihar ez da gaur haien laugarren diskoa da. Aurreko hirurak dira: Pirritx, Porrotx eta Marimotots & Bonberenea Txaranga (Bonberenea Ekintzak, 2011), Rocka ta urrezko komona (Bonberenea Ekintzak, 2008) eta Bonberenea Txaranga (Bonberenea Ekintzak, 2005).
Haurrek, gazteek eta helduek ederki pasatzen dute Bonberenea Txarangaren kalejiretan eta bestelako saioetan, irribarrez eta dantza batean edo gorputza mugituz, bere martxa alaian. Segi horrela!
Euskaltzaindiak, EHUko Gabriel Aresti Katedrak, Gabriel Aresti kultura elkarteak eta Bilboko Koral Elkarteak elkarlanean antolatu dute egitaraua. Ostiral honetan, adibidez, Bilboko Udalaren Txistularien Bandak Aitaren Etxea emanaldia joko du Euskaltzaindiaren... [+]
Rescoop.eu federazioko Kontseilu Errektorean sartu da Goiener kooperatiba, eta "lorpen handitzat" jo du ardura berri hori. Iragan maiatzaren 22an Krakovian (Polonian) egindako Energia Komunitarioaren Foruman parte hartu ahal izan dute, eta une inportantea izan... [+]
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.
Berrehun lagun hurbildu dira Baztango Osasun Plataformak deituriko elkarretaratzera eta bizikleta martxara.
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
Laboral Kutxa Katedrak eta Nafarroako Unibertsitate Publikoak (NUP) antolatu dute Arte eta Zientziaren I. lehiaketa (webgunea euskaraz ere badago, baina oso trakets). Artea, zientzia eta pentsamendu kritikoa uztartzen dituzten proiektuak nahi zituzten, eta zenbait aurkeztu... [+]
Dagoeneko Guardia Zibilek eta zenbait herritako udaltzaingoek badute taser pistolak erabiltzeko eskumena Nafarroan, eta badirudi bide horretan hurrengoa Foruzaingoa izango dela: Nafarroako Kontseiluak Foruzaingoak taser pistolak eman ahal izatea "indarrean dagoen... [+]
Bizkaiko Lurralde Auzitegiak hamahiru urte eta sei hilabeteko kartzela zigorra ezarri ostean, zigorra berretsi du EAEko Auzitegi Nagusiak. Lópezek helegitea aurkeztu zuen sententziaren aurka, haren errugabetasun presuntzioa eta defentsarako eskubidea urratu zirela... [+]
"Atzerriko terroristengandik" babestea arrazoi bezala jarrita, Donald Trumpek dekretu bidez agindu du zazpi herrialdetako pertsona guztiei debekatzea AEBetara sarrera, eta beste bost herrialdetako herritarrei mugak jartzea.
Herri libre bat, Euskal Herriak erabaki lelopean, parte hartzera eta kaleak ikurrinaz betetzera dei egin du herri mugimenduak.
Ehunka lagun mobilizatu dira asteazken arratsaldean Gasteizko Alde Zaharreko kaleetan barrena, Korda espazioaren desalojoaren aurka. Manifestazio amaierako hitzartzean, goizeko desalojoan ertzainek buruan zauritu duten Kordako kidea jada etxean eta "ondo" dagoela... [+]
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
Sexu-erasoak, bikotekideen edo bikotekide ohien erasoak eta bestelako senideek egindakoak hartu dituzte kontuan zenbaketan. Bizkaian, %29 egin dute gora salatutako sexu-erasoek.
Donostiako Udaleko Memoria Historikoaren Aholku Batzordeko Sinbologia Lantaldeak dokumentazioa aurkeztu du, eskultura frankista dela frogatzeko. Eskulturaren jatorriaren inguruko eztabaida ireki nahi dute hirian, eta udal gobernuari zenbait eskaera egin dizkiote.