Musika klasikoaz disfrutatzeko badaude aukera onak uda honetan, baina guztien artean saio intimista eta gozo bat gomendatuko nuke: Orioko San Nikolas Elizan Josu Okiñena piano-jotzaileak emango duen kontzertua, abuztuaren 13an 20.30etan Musika Hamabostaldiaren edizio honetako ‘Hamabostaldi ibiltaria’ izeneko zikloaren barruan. Egitaraua harribitxiz konposatuta egongo da, Aita Donostia egilea protagonista izanik. Ezagutzen ez baduzue Aita Donostiaren musika, ezin duzue galdu aukera hau. Chopinen ukitua –pianismo dotore erromantikoa–, euskal folklore estilizatua eta inpresionismo frantseraren eragin nabarmena, hauexek dira konpositore donostiar honen ezaugarri nagusiak. Kontuan hartzen badugu Josu Okiñena bakarlari sendo eta adimentsua dugula, teknika izugarriaren jabea eta, horrez gain, ikerkuntza musikalaren arloan nabarmendu dela –orain dela hiru urte Euskal Herriko Unibertsitateak eta Donostiako Orfeoiak eman zioten ikerketa saria justu Aita Donostiari buruzko lan batengatik–, pentsa dezakegu kontzertu ederra eta interesgarria izango dela.
Beste egile garaikide batzuen lanak ere entzuteko aukera izango dugu. Ravel eta Erik Satie-ren obrek inpresionismoaren freskotasuna ekarriko digute. Giroa nolabait apurtzeko, Ramón Paus gaur egungo konpositore bartzelonarraren eklektizismoaren ttantta batzuk izango ditugu.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Marxek eta Engelsek ez zuten justiziari buruz ezer idatzi. Izan ere, errealitate materiala ideiak baino garrantzitsuagoak dira gizartea deskribatzeko. Alabaina, Engelsek Blochi gutun baten bidez esan zion ideiak eta borondateak ere parte daukate klaseen arteko borrokan. Dena den, ez zuten berez justizia kontzeptu bat eraiki eta neuk sortu nuen.
Ez dugu argi bidea. Ziurgabetasunak galarazten digu sarri xendra berrietarako lehen pausoa. Baina saiatu beharra dago. Galtzeko beldur barik. Esperientzia sozialek ez dute gainerako zientziek duten errore-marjina. Akatsik nimiñoena ere porrotzat hartzen da, baita guk geuk ere. Baina esperimentu sozialik gabe ez dago garapenik.
Hiru ardatz dituen proposamena egin du Eusko Jaurlaritzak. Batetik, Share ekimena aurkeztuko dio Europar Batasunari, migratzaileen etorrerari modu “ordenatu eta solidarioan” erantzuteko; Espainiako Gobernuari ere hainbat neurri eskatuko dizkio; eta EAEn Migraziorako Itun Soziala bultzatuko du.
“Zentsura politikoa” salatu dute OkupaTU Gasteiz Eguneko antolatzaileek, jaiaren plangintza tekniko guztia behar bezala zegoela eta baimenak iaztik onartuak zituztela arrazoituz. Gasteizko hainbat herri-eragileren urteurrenak aprobetxatuz, jai bateratua prest zuten urriaren 6rako Hala Bedi (35 urte), Gaztetxea (30 urte), Auzolana (10 urte) eta Errekaleorrek (5 urte). Hala Bedin jaso dutenez, datozen egunetan azalpen gehiago emango dituztela eta urriaren 6an OkupaTU Gasteiz Eguna... [+]
Euskal Herrian literatura beltza sustatzeko bekaren bigarren edizioan Josu Barambones saritu dute. Barambonesek Patricia Highsmithen “The Blunderer” nobela euskaratuko du.
Herritarrek Eusko Legebiltzarrera eramandako lege proposamenak 17.000 sinadura lortu ditu (10.000 da aurkeztu ahal izateko gutxienekoa) eta alderdi politiko gehienen babesa du: eskola segregazioa gainditzeko zortzi neurri zehazten ditu ekimenak, baina berau tramitatzearen aurka agertu da Eusko Jaurlaritza, eta beraz ziurrenik ez du aurrera egingo. Jaurlaritzak arrazoitu du Hezkuntza Lege berrian helduko diotela gaiari.
Gauza bat egiteko tentazioa izan dut aste honetako zutabean: goiko esaldia jartzeko zorian egon naiz, baina norena den zehaztu gabe. Asmatuko luke irakurleak? Nik behintzat, itsuan jarrita, ez.
Abenduaren bostetik bederatzira egingo da 53. Durangoko Azoka eta sormen lanen bat aurkeztu nahi dutenek, urriaren 1etik 15era bitartean izango dute aukera.
Datua Espainiako Barne Ministerioari egindako alegazioetan agertzen da. Espainiako Gobernuak erabilgarritasun publikoaren aitortza kendu nahi dio elkarteari.
