BEZa igo eta antzokiak hustu
Espainiako Gobernuak BEZa igotzeak arte eszenikoen sektorea itolarrian jarri du: Norka Chiapussok Artez aldizkarian idatzitako artikulu batek ematen du larritasunaren neurria. FAETEDAk (Espainiako Estatuko Antzerki eta Dantza Elkarteen Federazioa) zergaren inpaktua aztertzen duen txostena aurkeztu zuen martxoaren 21ean Chiapussok dioenez eta zenbakiak izutzekoak dira:
– 1.798.394 ikusle galdu dira urtebetean (%31,43 gutxiago).
– 600 lanpostu galdu dira.
– Enpresen diru-sarrerak %32,98 jaitsi dira.
– Eta BEZa igotzeak ez dio Estatuari diru gehiago ekarri. Zergen bidez jasotako diruak (BEZa, PFEZa eta Sozietateen Zerga kontuan hartuta) 2.978.151 euro gutxiago izan dira iazko datuarekin alderatuta.
2012ko irailean igo zuen BEZa Espainiako Gobernuak antzokietan, %8tik %21era eta erabakiak hiru “efektu gaizto” izan ditu Chiapussoren ustez.
1) Herritarren eros-ahalmena jaitsi da eta beraz gutxiago gastatu dezakete antzokietan.
2) Antzokien kostuak igo dira: “Dena da garestiagoa, beraz katxetak igotzen dira eta gastu zuzen eta zeharkakoak garestitzen direnez, kontratazioa erortzen da berriz, edo gutxitu egiten da”.
3) Dagoen publikoarekin ere ez dago gauza handirik egiterik, izan ere, ordaintzen dutenaren heren bat zergen poltsara eta egileen gastuetara doa. “Adibidez, antzoki batek 10.000 euro biltzen baditu saio batean, jakin behar du 6.500 euroko etekin garbia izango duela. Horren parte bat konpainiarentzat da eta beste partea antzokiarentzat. (...) Antzerki talde batek 12 lagun baldin badauzka, dagokion zatiarekin bere gain hartu behar ditu 12 bidaia, 12 egonaldi (bi egunekoak gutxienez), dietak, soldatak, PFEZak, eszenografien garraioa eta materialena, promozioa eta gastuen zerrenda luzea”
Egongo da esango duenik, eta ez zaio arrazoia faltako, gauzak egiteko bestelako ereduak ere badaudela, ekonomikoki jasangarriagoa den antzerkia egin litekeela, talde txikiak, areto txikiak, tour txikiak... Baina egia da, era berean, Espainia dela antzokietako BEZa hain altu daukan bakarra: Alemanian %7, Frantzian (eta beraz Ipar Euskal Herrian) %2,1, Suitzan %2,5 eta Norvegian %0 (bai, zero).
“A, baina horiek Europa dira”, dio PIIGS kontzientzia oso barneratuta daukan norbaitek. Portugalen teatro sarrerek %13ko BEZa dute, ordea. Lotsa galanta, gutxienez lusitaniarrak baino zibilizatuago, kultuago eta aberatsago zirela uste zuten espainiar eta ez-hain-espainiarrentzat.
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi die desparekotasuna, eta trenbidea merketzeko neurriak eskatu ditu.
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Turingia estatuko Auzitegi Gorenak ebatzi du Buchenwald konzentrazio esparruko memorialak eskubidea duela kufija daraman edonori sarbidea ukatzeko, "judutar ugariren segurtasuna" arriskuan jarri baitezake.
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
Garmendi mendi gidaritza zerbitzuaren bitartez zeharkaldi eta ateraldiak antolatzen ditu Ibai Iturriak. Argitara eman diren datuekin kezkatuta, mendian "kontzientziaz eta arduraz" jokatzearen beharra azpimarratu du.
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]