Barrenekoarekin jolastu

  • Pleistozenoko astelehenak.

    Jupiter Jon.

    Bidehuts.

    Iraupena:42'.

Ez nuen Gabon Caligula entzuteko aukerarik izan, baina haren errautsetatik dator taldea. Taldekide gehienek ibilbide luzea izan dute talde bereizgarrietan, hala nola, Akauzazte, Bukaera, Lisabö, Mau Mau, Mar de Cristal eta Dollmen, besteak beste.

Oraingoan primitiboenetik, primarioenetik abiatzen dira kultura zaharrenen erraietatik datorren erritmika taupada dutela post apendizeak izan ditzakeen bideetatik aske abiatzeko, melodien dekonstrukzioak eginez, ahots ilunez errezitatuz, distortsioa erabiliz eta hitz batean musikarekin jolastuz. Post-hardcorearen irmotasunetik urrun daude, giroak ere ez dira itogarriak eta iluntasuna tamainan dago. Zerrenda luzeagoa bada ere, freskotasun eta iluntasun arteko jokoak The Ex, Antietam, King Loser eta AEBetako no-wave taldeak ekarri dizkidate gogora.

http://www.myspace.com/jonjupiterjon
Aida eta Baxi, Jupiter Jon
"Egin dizkiguten kritikak onak dira baina ez dugu piperrik saltzen"

Kantu gehienak ia instrumentalak dira eta ahotsa beste instrumentu bat... Hitzei garrantzia txikia ematen diezue?

Baxi. Hitzek garrantzia dute, baina abestiaren giroa sortu eta gero iristen dira. Abesti bakoitzak bere gaia du eta izenburuetan ideia nagusia laburtzen dugu.

Nolakoak dira zuen entseguak?

Aida. Beti ez gaude laurok elkarrekin, hori da errealitatea. Gehienetan inprobisazioetatik abiatzen gara; adibidez Mazedonian abestia gitarra batetik sortu zen eta Jonfelix boeing erritmo batetik.

Tribala da zuen kantuak entzuterakoan etortzen zaidan lehenengo irudia. Hala da Jupiter Jon, barru-barrukoa, pulitu gabekoa?

B. Entsaioetan ludikotasunak lekua hartzen duenean, Aidaren erritmoak bidea irekitzen hasten dira Himalayako xerpak bezala, atzetik goaz besteok oinarri horren gainetik jolasteko. Barru-barrukoa da bai, hasieran pulitu gabea baina gero denon artean landutakoa.

Nor da Jupiter Jon?

B. Lunatiko xamarra izan daitekeen edonor.

Hain urrun ikusten dituzue astelehenak?

B. Pleistozenoko astelehenak diskoaren izenburua jolas bat da, gizakiak natura bereganatzeko joerarekin du zerikusia.

Ohiko melodia eta erritmo egiturekin apurtzen duzue. Eraikitzeko deseraikitzetik hasi behar?

B. Hala bada, nahi gabe izan da. Musika intuizioz egiten dugu, ez dugu helburu finkorik.

400 edo 500 gau kantu pop-rockeroena da eta ederra aldi berean. Ez da, bada, kontzesio bat izango?

B. Diskoko kanta ezberdinena Lady Chatterly dela uste dut, doinuarengatik, seguru aski. Baina ez da kontzesio bat, horrela atera zitzaigun.

Jupiter Jonen danborra bihotzarena ibilbide zirkularrak egiten dituen in crescendoko zaldi trostarekin parekatu daiteke?

B. Bai adibidez, edo bihotzak danborra astintzearekin ere…

Zer harrera izaten ari da diskoa?

A. Egin dizkiguten kritikak onak dira baina ez dugu piperrik saltzen.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude