Emakumeak borrokan

Itsu


Imanol Alvarez
2012ko otsailaren 26a

Kalapita egon da Erkidegoko hainbat mediotan EITBk gotzainek agindutako publizitate-kanpaina kendu zuelako. Iragarkien xedea gurasoek seme-alabentzat Erlijioa irakasgaia hauta zezatela ei zen. Legebiltzarreko EITBren kontrolerako batzordeak eskatuta hartu zuen erabakia zuzendaritzak, spotak igortzeak erlijio-askatasunaren printzipioa hausten zuelakoan.

Ez dakit printzipiorik urratuko zuen; bai, aldiz, nire erraiak gogaitu. Dena den, gogaitzeak-eta alde batera utzita ere, ondo baino hobeto deritzot iragarkiak kentzeari; besteak beste, orain urte batzuk emakumeen eskubideen aldeko kanpaina bat ere debekatu zuelako irrati-telebista publikoak, propaganda politikoa zela argudiatuz. Neurri berarekin neurtu behar, alajaina! Halere, kasu hartan “hainbat medio” horiek ez zuten inolako kalapitarik sortu.

Apezpikuek zentsura izan dela diote. Agian. Edozein kasutan ere, mugimendu feministari egin ziotena bezalakoxea. Ezin ahaztu, gainera, EITBn eskandalizatu eta asaldatzeko moduko zentsura askoz nabariagoak egon direla/daudela. “Sozialistekin” jazoak asko, EAJkoekin gertatuak beste asko. Gogoratu, adibidez, nola Hitzetik Hortzera programan argia moztera ere heldu ziren, Ortuzar eta Oterminen garaian, jauntxoek hainbat bertsolari kantatzen ari zirena gustuko ez zutelako. Edo oraintsu Arratsaldero programatik kanporatuak izan zirela Siroka taldekoak presoen sakabanaketa salatzen zuen pin bat kendu nahi ez izanagatik... Medioek, horietan ere kalapitarik ez.

Gaia oso bestelakoa den arren, nik paralelismoak ikusten ditut Garzonen aferan. Izan ere, Garzon epaile oso ezaguna da gurean, euskal presoekin egindako bidegabekeriengatik: istorioak asmatu, gazte ugari frogarik gabe kartzelaratu, tortura baimendu... Epailea epaitua ikusi dugu; euskaldunon harridura eta eskarniorako, PP inguruko ustelkeria politikoa eta frankismoaren biktimen auzia ikertzean egindakoengatik. Auzitegi Gorenak zigor eredugarria jarri nahi izan dio “sistema judizialaren oinarria hautsi, eta sistema totalitarioen praktikak erabiltzeagatik”.

Euskal presoen kontra eginiko ageriko zuzengabekerien kontra ez genituen ikusi fiskaltza, Auzitegi Gorena, eta abar. batere kezkatuta. Oraingoan Garzonen alde askatasuna aldarrikatuz manifestatu diren aktore espainiar horiek ere ez genituen orduan ikusi askatasunaren alde manifestatzen...

Neurri berak? Itsukeria? Ez omen dago itsuagorik ikusi nahi ez duena baino.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2019-04-24 | Hainbat egile*
Arrantza jasangarria posible ote da?

Negutik udaberrira aldatzearekin batera oparotasuna itzuli ohi da euskal kostaldera. Lehenengo berdela hurbiltzen da eta honen ondoren antxoaren garaia izaten da. Baina denok dakigun bezala, arrantzak ez ditu garai onenak bizi. Geroz eta arrantzale eta arrantzontzi gutxiago dago gure betiko portuetan. Arrantza beti izan da gizakiok naturaren parte garela ikusteko bide adierazkorrenetariko bat baina itsasoarekiko dugun harreman horrek, beste guztiak bezala, hartu eta emaneko harremana behar du... [+]


2019-04-24 | ARGIA
Bi urteko epean independentziari buruzko erreferenduma deitu nahi du Eskoziako lehen ministroak

Independentziari buruzko lehenengo erreferendumetik bost urte pasa direnean, bigarren galdeketa bat iragarri du Nicola Sturgeon Eskoziako lehen ministroak, bi urteko epean deituko litzatekeena. Brexitaren ostean, asmoa da herritarrei galdetzea Erresuma Batuaren baitan Europar Batasuna utzi nahi duten ala herrialde independente izan nahi al duten.


Herri akusazio gisa aritzea eskatu du Iru˝eko Udalak taldeko bortxaketa baten auzian

Hainbat gizonek taldean bortxatu zutela salatu zuen emakume batek apirilaren 14an. Edari batean ezagutzen ez zuen substantziaren bat bota ziotela azaldu zuen. Iruñeko Bigarren Instrukzio epaitegiak diligentziak hasi dituela baieztatu ondoren, herri akusazio gisa aritzeko eskaria aurkeztu du Iruñeko Udalak.


Istiluak Georgian presa hidroelektriko baten eraikuntza dela eta
MULTIMEDIA - erreportajea

Istiluak izan dira Georgiako Birkiani herrian, bertako herritarrek erresistentzia antolatu baitute Pankisi haranean eraiki nahi dituen hiru presa hidroelektrikoren aurka. Horrek Alazani ibaian eta ur edangarriaren erretserbetan izango duen eragina dela eta proiektuaren aurka daude.


2019-04-24 | Arabako Alea
Arabak du Espainiako Estatuko posta bidezko boto-emaile kopuru handiena

Euskal Autonomia Erkidegoan, 101.213 herritarrek eskatu dute posta bidezko botoa (hautesle-erroldaren % 5,6). Horietako 43.739 bizkaitarrak dira (% 4,6), 28.589 gipuzkoarrak (% 4,2) eta 32.885 arabarrak (% 13,7). 


Neguko aterpeak itxita, gora egin du kalean lo egitera kondenatuta dagoen jende kopuruak

Kalean bizi den jendeak gaua igarotzeko neguan irekitzen dituzten aterpeetako batzuek ateak ixten dituzte hotz denboraldia amaitzearekin bat. Baina jende horrek kalean bizitzen jarraitzen du eta ez du gaua non pasa. Arazoari aurre egiteko planifikazio sakonagoa aldarrikatu dute.


2019-04-24 | ARGIA
Abaigarko udaleku euskaldunak berreskuratzeko diru-bilketa

Boluntarioen lanari esker, euskaraz bizitzeko aukera eskaintzen dute Abaigarko udalekuek Lizarrerrian. Gazteak hartzen dituen etxea berritzea, ordea, 250.000 eurotik gora kostatu zaie eta sukalde eta litera berriak erosteko, uda honetan udalekuak egin ahal izateko, crowdfunding kanpaina jarri dute martxan.


Istiluak Georgian herritarren eta poliziaren artean, presa hidroelektriko baten eraikuntza dela eta

Istiluak izan dira Georgiako Birkiani herrian, bertako herritarrek erresistentzia antolatu baitute Pankisi haranean eraiki nahi dituzten hiru presa hidroelektrikoren aurka. Alazani ibaian eta ur edangarriaren erretserbetan eragingo dituzten kalteak salatzen dituzte.


2019-04-24 | ARGIA
Extinction Rebellion
Klima aldaketaren aurkako protestek koska bat gora egin dute Londresen

1.000 lagun baino gehiago atxilotu ditu Erresuma Batuko poliziak azken zortzi egunetan Londresen aldaketa klimatikoaren kontra egin diren manifestazioetan. Extinction Rebellion mugimenduak deituriko ekintzek desobedientzia ekintzak izan dituzte ardatz.


2019-04-24 | Ahotsa.info
Deklaratzea deitu dute Ahotsa.info-ko kide bat bi albistetan "euskal preso politiko" kontzeptua erabiltzeagatik

Komunikabideko kide batek Agoizko epaitegian deklaratu beharko du asteazken goizean pare bat albistetan “euskal preso politikoak” terminoa erabiltzeagatik.


ASTEKARIA
Azkenak
EGILEA
Eguneraketa berriak daude