Ñabardura


Uxue Apaolaza
2011ko azaroaren 20a

ETAren komunikatua atera zeneko esperientzia pertsonala kontatzen hasteko berandu nabil beharbada, baina, Jose Luisek dioen eran, nik ere gaiaz hitz egiteko obligazioa sentitzen dut, zuen ildoari jarraitzeko besterik ez bada, eta ez zait hasteko beste modu bat bururatzen, eta itzultzeko ere puntu egokia iruditzen zait gainera, esango dut zergatik.

Aterakoomendu momentuan Beñatek aipatzen zuen indiferentzia gailendu zitzaidan, gaiak sortzen didan alferkeria neurekoia dela eta ziurrenik; berria baieztatu zenean ordea, pozten hasi nintzen logaritmikoki hazten zen intentsitatez, mendebaldean zailki lor daitekeen emozio kolektiboan murgilduz berriro ere, ETAri esker. Minutu gutxi behar izan nituen baina Jose Luisek aipaturiko isiltasun horretara iristeko, eta noski, triste jarri nintzen, eta bat-batean konparatu nuen ardo beltzak beste zentzu bat hartu zuen. Euskal Herritik kanpora, nik bezala egongelan irla egin zuen lagunari mezuak bidaliz, batere heroikoa ez zen egoera maniako depresibo batean sartu ginen pozetik tristurara, barretik malkoren batera ginderamatzana; beste lagun bat etxean sartu zenean eta irratia, telebista eta ordenagailua martxan, ardoa edanez eta lurrean eserita ikusi ninduenean esan zuen; “perturbador”. Eta kasik bota egin nuen etxetik gaiari jartzen zion arrazionaltasuna zela eta; Beñat, aipatzen zenuen sufrimendu borroka horretatik dezente urrun, Madrilgo pare bat etxetan behintzat, tristuraren nolabaiteko liberazioa ospatzen amaitu genuen. Arrazionalizatzen eta justifikatzen, kokatzen, neurtzen zail diren agenteetako bat desagertzen zen, eta kulpa, amorru, damu, beldur, oroitzapen... sorta bat libreago sentitu genituen.

Gero hauteskunde propagandak jarraitu du, Espainia mailan, Euskal Herri mailan, bozka asko espero duena sigla lausotu eta destino kolektiboari aldarrika, siglari distira atera nahiz inkestek gehiago kolpatu dituztenak. Zabarki ordezkatzen gaituzte partiduek, ezin du kolektiboari ari zaionak biografia bakoitzaren ñabarduraz aritu. Etorkizuna da itxaropenak eskatzen duena baina iragana da berez izendatzen dena, Amaiurrek izenean berean darama, Iñigo Urkullu foruen abolizioaz aritu zen, eta PSOEtik beren siglen bizitza-luzera zekarten (eta Alfonso Guerra eta Felipe Gonzalez Dos Hermanasen!). Eta zenbaitek seinalatu duen eran, segituan hasi ziren dagokigun gaiari dagokionean (zein da gaia berez?), relatoaz; zer kontatu nahi dute orain bat batean, eta hain atzera begira, etorkizungileek.

Agian pozik behar genuke narraziogileok, gutxitan iragartzen baita gainera datorkiguna hain argi, gutxitan da errazago konprometitua izatea apurtu beharreko narrazio ñabardura ukatzaileak hain garbi emango zaizkigunean baino; hauteskunde ondoren ikusiko dugu partidu bakoitzak zenbat botere izango duen, dagoeneko inkestek pista batzuk ematen dituzte, Espainia mailan, Euskal Herri mailan, bere narrazioa destino kolektibo bihurtzeko. Ea horrez gain praktikoak izaten asmatzen duten eta denon doluari, kontaketari, arnasa ematen zaion. Eta horregatik nioen hasieran itzultzearena, komunikatu ondorengo minutu horietara, zeinetan kontraesanez sentitu genuen, gerora laster hasi diren norabide bakarreko horien aurretik, bakoitzarena baino ez zen intimitate batean. Ukazioak eta ahanzturak ez du baretzen, orain mina, besterik ez denean, aurrez aurre begiratu behar genuke, bakoitza bere kontraesan eta zikoizkeriaz, orain, ondorio itzulezinik izango ez dutenean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Maiteminduta al dago Michel Houellebecq?

Urtarrilaren 4an argitaratu da Michel Houellebecq-en zazpigarren nobela, Sérotonine, eta publikatu bezain laster urteko fenomeno literarioetako bat bihurtu da Frantziako Estatuan, baita harago ere, itzulpenak azkar etorri baitira, asteazken honetan bertan publikatu da gaztelaniazkoa. Argitaratu aurretik zen handia ikusmina, Houellebecq ez baita alferrik gaur egungo idazle irakurrienetako bat, bere nobeletan Frantziaz eta Mendebaldeaz egiten dituen gogoeta sarkastiko, probokatzaile eta... [+]


2019-01-20 | Adur Larrea
Ez hanka ez buru
Foam pilotak eta beste

2019-01-20 | Reyes Ilintxeta
Maddi Barber. Itoizko urtegiaren ondorioak behatzen
"Nola egin daiteke paisaiaren edo leku baten dolua?"

Mila galdera ditu borborka antropologiarekin maiteminduta dagoen Artzibarko gazteak. Horietako bat Itoizko urtegiarekin lotua:
nola bizi daiteke bertako jendea zazpi herri eta hiru natura-erreserba ito zituen ur baltsa erraldoiaren ondo-ondoan?


2019-01-20
Maddi Barber Gutirrez (Lakabe, 1988)

Ikus-entzunezko Komunikazioan lizentziaduna, EHUn. 2017an, Ikus-antropologia masterra egin zuen Manchesterreko Unibertsitatean eta han Yours Truly zuzendu zuen C. Murray eta C. Hoskins-ekin. 592 metroz goiti dokumentala da master bukaerako lana. 2018an, Visions du Réel jaialdian (Nyon, Suitza) estreinatu ondoren, Donostiako Zinemaldiko Zabaltegi-Tabakalera sailean hartu zuen parte. Zinemagile nafarraren lana Kimuak 2018 sortarako hautatua izan zen. Orain Itoizko urtegiarekin lotutako... [+]


2019-01-20
Aldaketarik ez

Eguneko 13 ordu baino gehiagoko lanaldiak, jai egunak barne. Osagarririk ez opor, baja edo gauean lan egiteagatik. Prekarietatea ordainsari langile migratzaileentzat. Eta grebari ekin diote. Ez gara ari Almeriako “plastikozko itsasoko” egoeraz, Azkoienen gaude, Nafarroako Gobernuak diru publikoz lagundutako enpresa batean. Urtetan Nafarroako landa eremuan izan den gatazkarik handiena da Huertas de Peraltakoa. Eta momentuz, Aldaketaren Gobernuak patronalaren ildoa babestu eta... [+]


2019-01-20
Amurrioko baserriari tiro egin zion polizia: "Probokatu egin ninduten"

Pistolarekin tiro egin zuen Espainiako polizia ohiak adierazi digu bere burua defendatu besterik ez zuela egin. “Mendian gaztainak biltzetik nentorren, eta bertatik pasatzera nindoala jakitun, baserriaren atarian mezu iraingarria jarri zuten jabeek: ‘Kontuz txakurra’. Urteetan sufritu behar izan dugu irain hori, eta bake garaiotan berdin jarraitzea ez da bidezkoa. Demokrata orok egingo lukeena egin dut, justiziaren eta elkarbizitzaren alde aletxoa jarri”.


2019-01-20
"Atxikimendu-bonoa" sortu dute, euskal celebrityek aldarrikapen politikoak egitea errazteko

Kultur eta kirol munduko aurpegi ezagunek aldarrikapen politikoekin bat egitea errazteko, “Atxikimendu-bonoa” sortu dute Euskal Herriko hainbat eragilek. “Ideia sinplea da”, esplikatu du Txintxo Garmendiak, ekimenaren bultzatzaileetako batek: “Beti jende berarengana jotzen dugu antolatu dugun zerbait aldarrikapen zabala dela adierazi nahi dugunean.


ASTEKARIA
Azkenak
EGILEA
Eguneraketa berriak daude