ari dira udalak. Galtzaileen lehen purrustaldiak igarota, erridikuluaren erresuma itxura gabean aberastu ondoren, urak bere bidera doaz ur-aldietan lehertu gabe. Eta hala ere, beren buruei sozialista deitzen dietenek ez dute ikasten, orain Bildu omen da oposizioarekin Udaletxeetan lanean hartzeko gai ez dena. Hau esaten ari dira besterik espero balute bezala, beraiek Bildurekin kolaboratzeko ahaleginak egin izan balituzte bezala. Ulertzen diet, egoera berezian bapo, hau betirako zela ustean egin zituzten kalkuluak, zirrikitu txikienak sekulako pitzadura eragingo zuela kalkulatu gabe. Esaten zitzaien hedabideetatik, Espainiako Erreinuaren iritzia ordezka nahi luketenek, garbi zeukaten orain arteko pagotxarenak egina zuela egoera berriaz. Eta zuzen zeuden, Bildu haize kolpeak aurretik eraman du beraien estrategiaren eraikin ziztrina, lurrari lotu gabeko gaztelu itxuratua, Bordeleko Garona ibaian TKEk jarritako balizak legez. Irabazi diegu eredugarriak izan gaitezkeela frogatzeko aukera. Fundamentuz ekin, eta esanak gauzatuz ongi eginaren uholdeak sortu guztiak harrapa gaitzan.