Sasi guztien azpitik...

kalabaza tripontzia
hodei guztien gainetik. Akelarretik bueltan esamoldea nahasi zuenetik, Kalabazaren satelite izatera kondenatua dago eskuineko argazkiko gizagaixoa. Bai, abenduan 25 urte bete dituen Kalabaza tripontzia film gogoangarriko pertsonaia da; Kalabazan gertatzen diren istorio bitxien narratzailea, zehazki. Gaur egungo animaziogintza homogeneo eta globalizatuan aurkitzea zaila den mundu imajinario aberatsa dario Juanba Berasategi pasaitarraren pelikulari: Tartalo, Galtzagorri, Kukubiltxo, Xaxpiki, lamiak, sorginak, Patxi errementaria... Mitologiari, kondairei eta ahozko tradizioari zor die bere magia animaziozko lehen euskal film luzeak. 3D-en aroan, bi dimentsioko harribitxia.

Dagoeneko 25 urte igaro dira, eta hala ere Kalabaza tripontziak nolabaiteko freskotasuna mantendu du. Ironia finak harilkatutako istorio bilduma osatu zuten langile prestuek –izugarrizko ahalegina izan zen garairako ordu eta erdiko animazio filma osatzea–, eta horri esker ikus ditzakegu pantailan Kukubiltxo txikiaren bihurrikeriak, Patxik Galtzagorrirekin dituen solasaldi kuriosoak, artzain maltzurraren azpijokoak... Nabarmentzekoa da baita ere euskarari ematen zaion tratamendu landu eta txukuna –kontuan hartzekoa da Koldo Izagirre aritu zela gidoilari–.

Noizko Kalabaza tripontzia 2? Berasategik dioenez, egunen batean egin behar lukeela pentsatzen du, teknika berriekin baina aldaketa handiegirik gabe, “pertsonaiak mantenduz, gaur egungo egoerara mitologia ekarriz, katxondeo gehixeagorekin, konplexuak alboratuta”. Gaur egungo haurrek ikusiko al lukete, ordea? Asiako marrazki bizidun merkeen eraginpean, Anime eta Manga estiloko lanak ugaritu dira gure telebista kateetan. Iragarkien, marrazkien eta oro har telebistaren erritmo bizkorrera, plano saturatuetara ohitu gara ikusleak. Eta Kalabaza tripontziak –zorionez– bestelako patxada dauka, irudiez eta elkarrizketez gozatzeko parada eskaintzen duen abiadura.

Egungo haurrek ez dakit, baina ziur naiz belaunaldi batzuk atzeragokook gustura ikusiko genituzkeela bere garaian liluratu gintuzten pertsonaien abentura berriak, begietan eta buruan iltzatuta geratu zaizkigun fotogramak. Eta bestela, pelikula originalera jo dezakete haurtzaroaren nostalgikoek.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude