Behe Bidasoa eskualdean, mugako bi aldeetan emititzen duen Antxeta Irratiak 2011ko otsailaren 14an hamar urte beteko ditu. Baionako Entzun Ikus eta Irungo Pausu Elkarteen artean sorturiko irratiaren urteurrena ospatzeko zenbait ekimen antolatzen hasiak dira, Entzun, esan adierazi... Antxeta Irratia luzaroan bizi! kanpainaren baitan. Logotipoa eguneratzeko eta irrati-nobela lehiaketak, mugimendu feministarekin batera autodefentsa tailerrak, Europa mailako I. irrati topaketak... asko dira hil honetan hasi eta datorren urteari begira antolatu dituzten ekimenak.