Charlie Kaufman gizagaixoa
Zuzendaria: Spike Jonze. Aktoreak: Nicholas Cage, Meryl Streep. Gidoia: Charlie Kaufman.
Urtea: 2002.
114 minutu.
Gizagaixoa Charlie Kaufman, gizena dago, burusoil geratzen ari da, urteak joaten ari zaizkio gidoigintzan lan arrakastatsurik egin gabe, Orkidea lapurra liburua zinemarako egokitzeko eskatu diote, eta burua lehertu beharrean ari den arren, ez ateratzen nola. Hori gutxi balitz: Charlie ez da moldatzen emakumeekin, soziopata samarra da. Oraindik nahikoa ez? Anaia bikia etxean sartuko zaio, gidoi bat idazten hasiko da eta hara, bukatu du, ondo pagatuko diote. Eta emakumeekin ere, Charlie gizagaixoa baino hobeto moldatzen da.
Adaptation galtzaile baten istorioa da. Bere burua etengabe zalantzan jartzen duen gizon heldu patetiko batena. Baita hori baino gehiago ere: sorkuntzaren –ez dut hitza sobera maite, baina...– gaineko gogoeta, istorio bat eraikitzeko orduan izaten diren buruhausteen erretratu tarteka exageratu samarra, eta momentu batetik aurrera irrigarria.
Ezinak jota, Kaufman (Nicholas Cage) egokitzen ari den liburuaren egilearekin, Susan Orlean-ekin (Meryl Streep) obsesionatzen hasiko da. Eta anaiaren gomendioei jarraituz haren eguneroko bizimodua espiatzen hasiko da. Momentu horretatik aurrera, filmak thriller baten tankera hartzen du eta ez dira faltako droga trafikoa, pornografia, hilketak...
Eta itxoin, hori lehen buelta baino ez baita. Begiratu fitxa teknikoari. Zuzendaria: Spike Jonze. Aktoreak: Nicholas Cage, Meryl Streep. Gidoia: Charlie Kaufman. Bai: gidoilariak bere burua bihurtu du protagonista. Eta horretaz jabeturik, pentsatzen hasten zara ariketa gogorra izan behar dela norberaz hain erretratu gupidagabea egitea. Zeure porrot profesional, sentimental, sozialak pantaila handira eramatea.
Baina omnis homo mendax, eta gidoilariek zer esanik ez. Dena da beloa, maskara, mozorroa. Charlie Kaufman, benetako Charlie Kaufman, arrakasta handiko gidoilaria baita Wikipedian irakurtzen dugunez. Oscar saria irabazi zuen 2004ko Eternal Sunshine of the Spotless Mind filmarekin. Gizon argala, buruan kalpar osasuntsua. Zerikusirik ez filmeko Aginako zero horrekin. Anaia bikirik ere ez du, ederra ziria sartu didana. Baina, pentsatzen jarrita, inori interesatzen al zaio benetako Kaufmanen bizimodua? n
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Martxoaren 25ean Arabako Foru Aldundiak (AFA) eta Eusko Jaurlaritzak (EJ) prentsa-ohar bat atera zuten, hedabideetan nahiko zalaparta eragin zuena, Gobierno Vasco remite a la Ertzaintza dos piezas cerámicas del yacimiento de “Las Ermitas” por ver indicios de... [+]
Alde Zaharreko Ekimeneko Ana Sagastirekin hitz egin du Euskalerria Irratiak, bertako bizilagunek sanferminak nola bizi dituzten ezagutzeko. Bederatzi egunez eta 24 orduz soinua gehiegizkoa eta pixa usaina erabatekoa dela esan du. Jaia eta egunerokotasuna uztartzeko... [+]
Bai, eremu horren historia odoltsua da. Pena izan zen hainbeste jende hiltzea eta herri hori modu horretan kanporatua izatea, baina hainbestetan gertatu dira halakoak...! Gizakiok ez dugu erremediorik eta Historiak ez du atzera bueltarik. Egiten ari zirena gehiegizkoa zela... [+]
BDZ Israeli Boikota, Desinbertsioak eta Zigorrak mugimenduko (BDS nazioartean) ordezkaritza bat bildu berri da Donostiako Klasikoa antolatzen duen Oceta erakundeko arduradun batekin. Jakinarazi digu aurten, iaz ez bezala, lasterketara ez dela talde israeldarrik etorriko... [+]
Siriako armada Israelekin eta milizia drusoekin su-eten akordio batera iritsi bada ere, bi komunitateen arteko istiluek ez dute etenik Damasko hegoaldeko probintziako hiriburuan. Soldadu siriarrak As-Suwaydatik irten ondoren, Tel Avivek beduinoak bizi diren hainbat eremu... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Igande arratsean ehunka herritarrek elkarretaratzea egin dute herriko plazan, "Poliziaren gehiegikeria" salatzeko. Azpeitiko Udalak udaltzainei elkartasuna adierazi die, eta, aldiz, Ertzaintzaren esku hartzea "gehiegizkoa" izan zela esan du.
Europar Batasuneko estatu kideen gehiengoak atzera bota du euskara, katalana eta galiziera EBn hizkuntza ofizialak izateko eskaera. Finantzazio eta arlo legalean hainbat "zalantza" dituztela plazaratu dute.
Agharas migratzaile imazighen elkartearen txosnan pertsona batek hainbat irain arrazista egin zituen. Erasoa salatzeko elkarretaratzea egin dute igandean Barakaldon.
Bilboko Konpartsak osatzen duten 27 taldeetatik hamahiruk erabaki dute AEBetako Coca-Cola multinazionalaren produktu guztiak kenduko dituztela haien txosnetatik, Israel palestinarren aurka egiten ari den genozidioaren konplize izatea leporatuta.
Gazako Osasun Ministerioaren arabera, Israelek 2023ko urrian zerrendaren aurkako oldarraldia gogortu zuenetik 86 palestinar hil dira gosez, horietatik 76 haurrak. Manifestazioak egin dituzte hainbat herrialde arabiarretan, Gazarako su-etena aldarrikatzeko eta palestinarrek... [+]
Berritu ala hil. Hori esaten diogu geure buruari. Ariketetatik ariketa gabeko alera, narraziotik gertuago, metaforarik gabe, zuzenago. Orain? Orain gehiago behar dugu. Narrazioago, ezmetaforatuago, ariketagabeago.
Pertsonaia bat sortuko dugu. Pertsona bat. Istorio batean... [+]