Maite Agirre antzerki zuzendari eta aktoreak Zazpika aldizkarian: "Teatroa beti dago krisian, baina beti hor dago. Imajinatzen duzu erlijioak desagertzea, erritu horiek desagertzea? Ezinezkoa, ezta? Bada teatroa beste erritu bat da, aurrez aurre egiten dena. Kolektibitateek bildu beharra daukate, biltzea bera erritu bat da. (...) Gure ikuskizunetan jendearen parte hartzea handitzen ari denez, harreman horrek poz handiak ematen dizkit. (...) [Donostiako Antzerki Azoka gehiago ez egitea erabaki zutenean] profesionalak zur eta lur geratu ginen. Presio pixka bat egin genuen, eta aurten berriro egitea erabaki zen. Baina hain dira kapritxosoak erabakiak... Orain bai, orain ez. Susmoa daukat Tabakaleraren kontuan ere horrelako zerbait egon ez ote den".

Egoitz Andonegi Aiumeen Basoa taldeko baxu jotzaileak Berrian: "Jendeak galdetu digu hizkuntza ez ulertuta zerbait galduko ote duen. Nire iritziz, absurdo samarra da letrak ez ulertzeagatik musikarekin disfrutatu ezin denik pentsatzea".