Potosiko minak
| I Zulo txikia dauka atetzat ondoren sarrera gela, pasabideak estu-estuak giroa zinez umela. Sarri lau hankan joan behar da goia jotzen da bestela, ahoa zapiz estaltzen dugu hautsa delako itzela. Kaskoa eta linternarekin giri koadrila ergela, behera heltzean gidak esan du: “hau da laugarren nibela”. Jose lanean ari da bertan eta ez al da krudela? Berak badaki berrogeita bost urterekin hilko dela. |
II Jose goizero heltzen da hona zortziak baino lehenago, arratsaldeko zazpiak arte, eta horrela luzaro. Koka orriak bazkaltzen ditu, eta fanta, lau bost trago. Hori astean zazpi egunez, jai egiterik ez dago. Eguneko lehen ez zuen lortzen euro bat baino gehiago, bost urte eta gero enpresan igo da pixkat gorago. Gauzak aldatzen ari dira bai. Nola ez? Ni ados nago: lehen esklaboak ziren langile gaur langileak esklabo. |
III Ikasketarik ez dauka Josek, esan zuen: zertarako? Jakituria handirik ere ez da behar minarako. Sarritan piper egin ohi zuen behar zuten lanerako, minan jardunda eskola uzten zuen beste baterako. Silikosiak hil zion aitak pasa zuen oso txarto, minez sufritzen eman zituen egun eta aste asko. Baina Roberto gustura hil zen ez arrangura, ez malko, ospitalean opor egunak heldu zitzaizkiolako. |
| IV Potosiko mendi aberatsak Jose utziko du pobre. Garai batean bazuen nahiko urre, zilar eta kobre. Zulatutako gazta bat da gaur eta izango da gero (e)re. Aurpegi beltzak daude minetan ez poz eta ez umore. Pertsona pila hil dute bertan ez medaila ez ohore, euren hiletek ez dute izan merezi beste kolore. Apaizik ez dut minan ikusi ez badira nonbait gorde, baina elizak urrez josita daude dotore-dotore. |
V Esku batean harria dauka eta bestean burdina, kolperik kolpe beti zarata eta erritmo berdina. Ez segurtasun neurri eta ez zulatzeko makina, lur azaletik ehun metrora egiten du ahalegina. Gustuko duen galdetu eta ezetz esan dit, jakina: “bizitzeko lan egin behar da eta lortu etekina”. Bi mila eta bederatzian hau da bihotzeko mina! Erdi Aroan dago oraindik Potosiko behargina. |
VI Bero-beroa dago lurpea eta kanpoa hotz-hotza, kontraste honek eragin ditu makina bat heriotza. Tarteka soilik gelditu ohi da burdinaren tak-tak hotsa, tragotxoren bat hartzeko edo zabaltzeko koka poltsa. Josek horiak ditu haginak eta iluna bihotza, dinamitaren eztanda batek estali dio ahotsa. Zein handia den sentitzen dudan amorrua eta lotsa, guk kamiseta zikintzearren galtzen dugu bizipoza. |
| VII Bera zuloan lanean utzi eta bagoaz kanpora burua justu kabitzen zaigun eskaileratxoan gora. Arnasa ezin dudanez hartu zapitxoa poltsikora bidali eta hautsa kiloka hasi zait heltzen ahora. Ze itolarri, ze estuasun! Ez da pasatzen denbora. Klaustrofobia era hontako sentipena izango da. Orain tabernan trago bat hartuz Jose datorkit gogora, hark infernuan egiten du lan eta ez da metafora. |
VIII Behin Potosira iritsi ziren inperialisten tropak azpian hartuz hango ohiturak eta bizimodu motak. Bertan zeudenak esklabo hartu, lotu kate eta sokak, eta minara bota zituzten. Alferrik ziren borrokak. Hango urreak dotoretzeko noble ustelen arropak, eliza, apaiz, artzapezpiku politikoak, pelotak. Handiegiak ziren, ordea Espainiarren erronkak, eurek gizendu zuten txerria pozik jan zuen Europak. |
IX Bi hiru egun pasa nituen Potosi inguruetan, eta oso goiz hunkigarria Cerro Ricoko minetan. Oraindik ere oroitu eta barrua daukat minetan, ea guztia utz dezakedan gaurko bertso paperetan. Ez nuke inoiz egon nahi Josek egun duen papeletan, zerutik hurbil egiten du lan, baina infernuan bertan. Mina gogorra delako, zinez, hitzaren zentzu bietan, gaur daukadana baloratzen dut eta maite dut benetan. |
Doinua: Eguzkiak urtzen du goia
Bidali zure sortak bertsoak@argia.eus helbidera. Aukeratuak orri honetan argitaratuko ditugu.
Naturklima fundazioak kaleratutako Itsasoko eta kostako txostena-k argitara eman ditu klima aldaketa euskal kostaldean izaten ari den ondorioak: Bizkaiko Golkoko uren tenperatuta 0,22 gradu igo da hamarkada bakoitzean, 1981tik 2023ra, munduko uren tenperaturen batez besteko... [+]
Beste urte batez Los 40 Summer Live jaialdia ospatuko dute Zarautzen, eta horren kontra agertu dira herriko hainbat eragile, haien ustez, garrantzi handiagoa ematen zaiolako ekitaldi horri herriko jaiei baino: "Argi erakusten du gure herrian zeinentzat dauden erraztasunak... [+]
3.600 pertsona aurkeztu dira ertzain edo udaltzain izateko lan eskaintza publikoko deialdira, eta 2.800 hautagaiek ez dute proba psikosoziala edota atal teorikoa gainditu. Segurtasun sailburuak defendatu egin du Polizia izateko "exijentzia maila".
Zientzia-dibulgazioa saritzeko erreferentziazko sariak izan dira CAF-Elhuyarrekoak. Antolatzaileek 31. edizioa martxan zegoela etetea erabaki dute, "sariketa behar bezala egiteko baldintzarik ez dagoelako".
Boliviako ezkerreko militante historikoa da Nila Heredia, bi aldiz Evo Moralesen Osasun ministro izandakoa. Abuztuan hauteskunde orokorrak izango dituzte, eta herrialdearen egoera politikoa aztertu du elkarrizketa honetan.
Joan den astean aurkeztu ziren proiektuaren inguruko entzuketa prozesuaren emaitzak, eta Guggenheim Urdaibai egitearen kontrako iritziak gailendu ziren. Busturialdearen beharrei "arduraz" erantzutea exijitu die plataformak, eta proiektuaren inguruko informazio eta... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
Euskararen normalizazioaren motorrak herri dinamikara bueltatu behar du aurrera egin nahi badugu
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
Mainz (Alemania), 1454. Johannes Gutenbergek eskala handian inprimatutako lehen liburua argitaratu zuen, Berrogeita bi lerroko Biblia izenez ezagutzen dena. Gutenbergek ez zuen inprenta asmatu; dakigula, Txinan, 1040an, Bi Shengek asmatu zuen inprimatzeko lehen makina... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Euskararen balizko etorkizunari buruzko ikerketa bat ezagutzera eman da berriki, eta zalaparta eragin du bertan irudikatzen den paisaia beltzak. Asaldamendu hori auzitan jarriz abiatuko dut nire ekarpena. Zergatik da harrigarria datu hori? Zein mundutan bizi gara, gure egoeran... [+]
Liburuak hasi, utzi… begietatik garunera nagi doaz esaldiak, eta itzali ezin dudan tik-tak bat entzuten dut. Ikus-entzunezkoak pikatzen ari naiz.
Entzun dut burpee, eta Llados, eta body count, eta nahi duzulako zara pobrea, eta Milei, eta Thiel, eta unibertsitatea... [+]
Uda honetako erronka omen sare sozialetan: kaka egitea igerileku publikoetan. Ohikoak dira jokabide zikinak sare horietan, eta batzuek beren gorotz fisikoa libratzea, ororen begi-bistan eta eskura, honezkero gaina hartu digun zikinkeria digital erraldoia hezurmamitzea besterik... [+]