Benetako dei efektua

Gorka Moreno Marquez
Gorka Moreno MarquezIñigo Azkona
Azken hilabete hauetan gutxiago entzuten diren arren, bere garaian etorkinen etorrera eta dei efektuen inguruko eztabaidek bere momentua izan zuten komunikabideen zein iritzi publikoaren baitan. Atzerritartasunari buruzko legeak aldatu edota ez-ohiko erregularizazioak eman direnean, asko izan dira hauen bidez migrazio irregularraren sustapena emango zela defendatu dutenak. Datuei erreparatuta, inoiz baino atzerritar erregular gehiago dago Estatuan eta atzerritarren kopurua hazi baldin bada azken urte hauetan, igoera hau ez da izan lege aldaketa eman baino lehenagoko fluxuak baino handiagoak. Gizarte-politikak eta zerbitzuek dei efektua sorrarazten dutela entzun ohi dugu ere sarritan. Honen arabera, gizarte-estaldurek atzerritarren etorrera bultza dezakete, hauen bidez lanik egin gabe ondo bizi ahal izateko. Kasu honetan ere, usteak ustel. Bestela, nola ulertu Euskal Erkidego Autonomoan (EAE) Estatuko atzerritarren ehuneko baxuenetarikoa ematea, gizarte-politiken garapena handienetarikoa denean? Are gehiago, kontuan izanik Diru-Sarrerak Bermatzeko Errenta –lehengo Oinarrizko Errenta– etorkin irregularrek ere jaso dezaketela, behin urtebetez erroldatuta egon ondoren. Zein da ba orduan, benetako dei efektua Amerikako Estatu Batuen atzetik Espainiako Estatua izateko etorkin atzerritar gehien jaso dituen lurraldea azken urteetan? Erantzuna argia da: fluxu hauek azaltzeko dei efektua, lan-merkatua da. Zehazki, lan-merkatuak dituen beharrak eta honetan bertakoek betetzen ez dituzten lanpostuak asetzeko beharrak.

Honen bidez, bai, ulertu ahal izango dugu, EAEn atzerritarren ehunekoa 6,4koa izatea eta Valentzian, aldiz, ehunekoa 17,3. Atzerritarrek betetzen dituzten “lan-hutsune” nagusiak, nekazaritzan, eraikuntzan, eta turismo eta ostalaritzan kokatzen dira. Egia da Ibarrako piperren edota Gernikako babarrunen zaporea ezin hobea dela, baina nekazaritzak gurean duen garrantzi ekonomikoa zein laborala oso mugatua da. Araban akaso gehiago, patata eta mahatsa tarteko, horregatik hain zuzen ere lurralde historiko honetan atzerritarren kopurua ehuneko 8,8koa da. Era berean, gurean etxebizitzak egin diren arren, oraindik Marina d’Or eta horrelakorik ez dugu, eta Guggenheim dugun arren, oraindik gure Benidorm falta dugu. Halaber, bere egitura ekonomikoa dela-eta, Euskadi ez da batere erakargarria etorkin atzerritarrentzat, edo ez gutxienez Estatuko beste zona batzuk bezala.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude