Ainize Txopiteak Euskonews & Median, teknologia berriek adierazpen artistikoen gain duten eraginaz: "Nik ez dut inoiz liskarrik izan horrekin. Olatu erraldoiaren antzekoa den zerbaiten aurka borroka dezakegu edo ez, baina niri horren aurka joatea ez, baizik dituen aukera desberdinez baliatzeak erakartzen nau, biziki erakarri ere. Onen-onena bitartekoa zein den aztertu eta sormenerako erabiltzea da. (...) Egia da ohiko arteetarako mehatxu izan daitekeela, baina, bestalde, mundu osorako leiho ere bada. Ez dituzu berrogeita hamar mendi zeharkatu behar koadroa bizkarrean duzula, koadro hori norbaiti erakusteko. Orain, tailerrean egiten duzun guztia, etxetik mugitu gabe erakuts dezakezu. Bizitza osoa leiho batean. Denboraren eta espazioaren arteko lotura hausteko modua da, baina bizipen ugari galtzeko modua ere bai".