Zaraitzu ibaiaren aldameneko Ezkarozeko plaza honetako platanoak (Platanus x hispanica) inausten ari ziren azaroaren 20an. Gaizki, oso gaizki egina! Ikus adarrak, oraindik hostoak dituzte. Erori aurretik, hostoetan dagoen janaria zuhaitzaren erreserbetara igarotzen da. Hostajea erantzi aurretik inausiz gero, janari hau alferrik galtzen da eta inausketa-zauriak udazkenean egiten zaizkio, negu guztirako tortura. Denona den ondarea izorratzen, zergatik eta kale-garbitzaileei hostoak biltzeko lana kentzeagatik. Nik hostoak nahi ditut espaloietan!