Benetako rock-and-rollak ez dauka iraungitze datarik

  • Roy Loney & Señor No ::Got me a hot one!

    Bloody Hotsak

    iraupena ::36´14´´

    prezioa ::13.50€

Loney rock-and-rollaren altxor ezkutuetako bat da: AEBetako Flaming Groovies ezinbesteko taldearen sortzaile izandakoa, ez dio inoiz utzi konposatzeari ezta intentsitate handiko kontzertuak egiteari ere. Gaur egun hiru talde ditu eta horietako bat Donostian: Señor No. Kasualitate bati esker egin zuten bat, baina ez da kasualitatea Loneyk “azeri” horiek aukeratzea. Aurretik EP bat egin zuten eta orain diskoa. 1950eko hamarkadako rock-and-roll beroenarekin hasi eta punk-rocka, garagea, sustraidun rock amerikarra, Elvisen zipriztinak, 1960ko hamarkadako mistizismoa eta bestelakoak datoz jarraian. Gainera, Strangeloves eta Ray Davies koktelean sartzeko edo ukitu jazzeroak emateko gai da; baita Groovies-en klasiko bat pizteko ere. Betiko rock-and-rollean sinistera bultzatzen zaituen lana.

www.myspace.com/royloneyysenorno
Garrantzitsua da ikusleak aldi berean eroso eta deseroso sentiaraztea

Zer berezitasun dauka Señor No taldeak? Zer da daukan onena?


Señor No oso gogor rockeatzen duen taldea da, kideek beti %100 ematen dute. Beraiekin lan egitea izugarria da energia asko ematen didatelako. Taldekide guztiak musikari itzelak dira, eta ni bezain erotuta daude. Oso pozik nago beraiekin lan egiteko aukera daukadalako.

Zure kantuak entzunda, badirudi beti iraganera begiratzen duzula: 50eko rock-and-rolla, rockabillia…


Niretzat 50eko hamarkadako rockean hasi zen guztia, hori da nire abiapuntua. Chuck Berry, Fats Domino, Little Richard, Eddie Cochran, Carl Perkins eta Elvis. Baina 60ko hamarkadako Stones, Kinks eta Who-k ere eragin handia izan zuten nigan. Ni rockean nago sustraiengatik; dantza egiteko gogoa ematen badit, gustuko dut. Gaur egungo musika gutxi entzuten dut, baina The Hives, The Hi-Risers eta The Minus Five oso gustura entzuten ditut.

Zein da zure sekretua halako kontzertu indartsuak ematen jarraitzeko?


Aspaldiko esamoldea aintzat hartzea da sekretua: “Eman jendeari nahi duena”. Nik uste dut badakidala zer nahi duen eta ahalegin guztia egiten dut hori emateko. Kantu borobilak, energia ugari eta hurbileko hartu-emana. Luzaroan dihardut hori egiten, eta entzuleak eta biok elkar ezagutzen dugu dagoeneko.

Zer da kontzertu baten ikusi/entzun nahi duzuna, zer eskatzen duzu?


Artistek ikusleei errespetua erakutsi behar diete, ondo jo eta profesionalak izan. Umore ona izatea ere eskertzekoa da. Horrez gain, garrantzitsua da ikusleak aldi berean eroso eta deseroso sentiaraztea. Funtzionatzen duenean, magikoa da.

Zer da rock-and-rolla zuretzat?


Rock-and-rolla da ni naizena, nik egiten dudana. Aktorea, idazlea eta ekoizlea ere banaiz, baina ez diot inoiz rockerra izateari utzi. Nire arima barru-barrutik erretzen du horrek eta egiten dudan guztian dauka eragina.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude