"Hadopi 2" edo hiru abisuen legea onartu du Frantziako Asanblea Nazionalak, aldeko 285 botorekin eta kontrako 225ekin, jatorrizko testuari aldaketa batzuk egin ostean. Interneteko edukien deskarga zigortzea du xede lege horrek. Artxiboak legez kanpo jaisten ari den erabiltzaileak bi abisuren ondoren amore ematen ez badu, konexioa eteteko agindua eman ahal izango dute epaileek.

Joxe Azurmendi filosofoa (Zegama, 1941) eta Bitoriano Gandiaga poeta frantziskotarra (Mendata, 1928-Arantzazu, 2001) adiskide handiak izan ziren. Adiskidetasun horren fruitu da Azurmendik plazaratu duen Azken egunak Gandiagarekin liburua (Elkar). Fedeari buruzko hausnarketak bildu ditu filosofo zegamarrak 500 orrialdeko liburuan.