Biderik atseginena

Castillo Suarez
Castillo Suarez
Iritsi da euskaltegian izena emateko garaia. Euskalduntzea helburu duten erakundeek beste eskaintzen artean nabarmendu behar dute haiena; erakargarriagoa egin euskara ikastea, ingelesa, frantsesa edo beste hizkuntza bat ikastea baino. Gure postontziak eskaintzez betetzen zaizkigun unean, bildumak hastekoan, euskara ikastearen berezitasunak adierazi behar dituzte. AEKko aurtengo kanpainan ongi argi adierazi dute euskara irakasteaz gain, euskararen mundua ere erakusten dutela. Bestalde, eta euskara ikastea zaila dela aipatzen denez maiz, metodologia azpimarratu nahi izan dute IKAkoek zein AEKkoek haien lematan: MetodIKA eta Biderik laburrena (AEK). Metodologiaz gain, edo horien gainetik, euskara ikasteak harreman berriak sortzeko baliagarria dela azpimarratuko nuke nik, bai ikasketa prozesuan bertan eta bai “pistara ateratzerakoan”. Gero eta bakarrago gauden gizarte honetan, bada muntazko arrazoia euskaltegian izena emateko eta barka diezadatela autoikaskuntzan aritzeko diziplina eta adorea dutenek, baina euskara ikastea, konpainia noblean egiten bada, askoz ere atseginagoa da.

ASTEKARIA
2009ko irailaren 27a
Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Azkenak
TikTok debekatzeko lehen urratsak egin dituzte AEBetan

TikTok sare sozial ezaguna ByteDance enpresa txinatarrena da, eta AEBetako Ordezkarien Ganberak onartu duen lege proiektuaren arabera, sei hilabeteko epean saltzera behartuko du enpresa, ala sare soziala AEBetan debekatua izango da.


Ur kontsumo arduratsua lantzen hasi eta erreka garbiketa herrikoia antolatzen bukatu dute Legutioko ikasleek

Ikasleekin uraren gaia lantzeak askorako eman du Legutioko Garazi eskolan: ikastetxeko komunetako iturri eta dutxetan ura alferrik ez galtzeko modua ezarri dute, eskolako ortuan euri ura aprobetxatzeko sistema planteatu dute eta herriko errekatik zaborra ateratzen 70 bat lagun... [+]


Eguneraketa berriak daude