Beltza eta errebeldea

  • Eureka Hot 4 ::World Champions

    Gaztelupeko Hotsak

    iraupena ::42´44´´

    prezioa ::12.60 €

Eureka Hot 4. 'World Champions'
Eureka Hot 4. 'World Champions'
Baneukan gogoa halako talde bat entzuteko. Atom Rhumba taldeko sortzaile izandako Sergio Llanos ipurterrea da, eta azken urteotan Eureka Hot 3 taldearekin buru-belarri zebilen musika beltza eta rock-and-rolla batu nahian. Azkenean, Münsterland, Cyprinidians eta beste talde batzuetan ibilitako baxu, saxo eta bateriarekin, laukote bihurtu eta emaitza borobila lortu du. Rocket from the Crypt berpiztuko lukeen jai giroko punk-rock-and-rolla (Mercury girl), Dirtbombs-en usainean punk eta soula bat egitea (She got me, On the wave), New Orleansko plater goxoak (Food wars), new wave eta garagea (Clone machine), eta soul, latino, jazz... Txapeldunak diren ala ez, entzun ostean esan beharko duzu; baina ziur egon, abesti onak idazteaz gain, zeu dantzarazteko gai direla. Eta hori asko da.
"Gurea musika estiloak ondo irentsita egindako digestioa da"

Zer ematen dizue musika beltzaren eta punkaren arteko batuketak?


Zuriak gara eta nerabeak ginela pasioz hartu genuen punkaren eta rockaren errebeldia. Gerora, musika gehiago entzun, eta ulertu genuen guztia musika beltzetik datorrela. Gurea estiloak ondo irentsita egindako digestioa da; inola ere ez gara musika beltza egiten saiatzen den zurien taldea. Gure emaitza desberdina da eta interesgarriagoa.

Lehen musika taldeak egiten zituzten neskak erakartzeko; eta badira diotenak garrantzitsuena harremanak direla. Zuek ez dakit zein puntutan zaudeten, baina ia kantu guztiek neskez hitz egiten dute…


Bai, hala da, baina askotan aitzakia standard horren atzean beste gauza askotaz hitz egiten dugu. Kode antzeko bat da, folkean gai batzuk erabili ohi izan diren bezala.

World champions. Onenak zarete ala ez? Edo beste talde batzuekin alderatuta, bestelako helburuak dituzue?


Gurean onenak gara, beste inork ez duelako guk egiten duguna egiten gure erara. Momentuz munduko txapeldunak, eta gero etorriko dira beste helburu batzuk; are gehiago, oso gustura gaude diskoaren emaitzarekin.

Ez zarete berriak honetan. Zer ikasi duzue borroka urte hauetan guztietan, inoiz ahaztuko ez duzuena?


Ba, musikaren mundu honetan balio duena da ezagutu dezakezun jende interesgarria, eta horrek ahalbidetzen duen kultura eta giza trukatzea. Zoritxarrez, ezin dugu ahaztu aurrera egiteko gero eta horma lodiagoak jartzen dizkigutela. Baina, azkenean lehenengoak guztia konpentsatzen du.

Euskal Herriko taldeak serioegiak dira?


Euskal Herrian gauzak serioegi hartzen ditugu. Taldeek izugarrizko profesionaltasuna dute, eta badirudi batzuetan espontaneitate eta freskotasun apur bat galtzen dela. Baina salbuespenak ere badira: Euskal Herrian izaera handiko taldeak daude, serioagoak zein dibertigarriagoak izan.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude