Hemezortzi urte zituen Teresaren alabak etxetik alde egin zuenean. Drogarekin izandako arazoak egon ziren joateko arrazoien artean. Teresak, geroztik, barruan izan du arantza hori, eta orain, bizitzeko hilabete gutxi geratzen zaizkiola dakienez, zerbait idatzita uztea erabaki du, alabak inoiz etxera itzultzea erabakitzen badu ere. Biek elkarrekin bizi izandakoaz mintzatuko da Teresa testu horietan, baita geratzen zaizkion egunetan egin asmo dituen gauzez ere. Horixe da Josu Penadesen Jantzi beltz bi nobela berriko trama: 1930-40ko hamarkadetan jaiotako emakume baten istorioa, Euskal Herrian drogak harrapatu zuen belaunaldiko ama batena.