Formula berria

Koldo Aldalur
Ikusiko dinagu gainontzeko taldeek ere difusorea jartzen dutenean zer gertatzen den. Kersak, irteeretan eta aurreratzean abantaila ematen din, hori ez zegon ukatzerik. Neumatiko ekologikoak zamazkin, ez al dun arraia berde hori ikusten..!”. Elkarrizketa hau gure etxepeko tabernan entzun nuen, Australiako 1 Formulako sari nagusia jokatzen ari zela. Seko harrituta geratu nintzen. Ziurtasun horrekin hitz egiten ari zen emakumeak hirurogeita hamar urte gertu xamar ditu, eta nik dakidanez, kirol honekin inongo harremanik ez du sekula izan; orain arte.

1 Formula erosi berri duen telebista kateak oso programa ona egiten du semaforoa amatatu aurretik. Gero ere bai. Bezperan sailkapena, bezperaren bezperan entrenamendu libreak, bideo landuak, simulazioak, ibilbideko bihurgune bakoitzak eskainiko dituen zailtasunak, kotxe bakoitzak daraman gasolina kopurua, ondorioz zenbat geldiune egin beharko dituen, estrategiak... Dena, hori bai, era didaktikoan, erraz ulertzeko eran, alegia. Helburua argia da: gure etxepeko tabernan iganderoko bazkalaurreko txakolina hartzera biltzen direnek senti dezatela zerbait badakitela orain arte hain arrotza zuten kirolaz. Datuetan oinarritutako komentarioak, badakizue, beti ematen du jakitun itxura.

Bazkalostean binakako pilota txapelketaren finala. Hiru egun lehenago, Juan Irujok eta Fernando Goñik kristorenak bota dituzte, ustez, Aimar Olaizolak eta Oier Mendizabalek aukeratutako pilotak horrelako final baterako motelegiak direlako. Saskitxoan bost pilota, eta seigarrena jokoan. Eta ikusleak ezin jakin azken hau al den eztabaidaren sua piztu zuena.

Diotenez, orokorrean informazio gehiegi jasotzen dugu, eta informazio uholde horrek itoko omen gaitu. Ez nago ados. Informazio hori nola ematen den da gakoa.

Orain urte batzuk ikusten genituen kirol emanaldiak ikustea aski da hobekuntza handia izan dela ohartzeko, baina badago zer hobeturik.

Agian, kirolarien soldata ordaintzen duten enpresek jabetu beharko lukete saldu beharreko produktua dugula esku artean. Oso zaila al da pilota bakoitzari zenbaki bat jartzea, eta, aldatzean, epaileak kantxan izango den pilota berriaren zenbakia jakinaraztea? Beste saltsa bat izango genuke, eta gure etxepean biltzen direnek motibo berria kirolari buruz berriketan jarraitzeko.

Enpresak aipatu ditut, baina federazioak, kazetariok,epaileek eta pilotazaleek ere badute zeresana.

A! Eta zer demontre dira ker eta difusoreak?

ASTEKARIA
2009ko apirilaren 26a
Azoka
Azkenak
Donostia bere osotasunean tentsio handiko eremu izendatzea eskatu du Kaleratzeak Stopek

Kaleratzeak Stop plataformak hiri antolamendurako plan orokorraren (HAPO) berrikuspenaren kontra jotzea erabaki du. Zehazki, ostatu erabilerei buruzko aldaketari alegazioak aurkeztuko dizkiote. “Gure ustez, Donostia osoa tentsio handiko eremua da egun alokairuaren prezio... [+]


2024-06-14 | Gedar
Zisjordanian 500 palestinar erail dituzte sionistek urriaren 7tik hona

Gazako Zerrendan ez ezik, Zisjordaniako lurretan ere sarraskia egiten ari dira sionistak: ehunka palestinar erail dituzte soldaduek eta kolonoek, 8.000 pertsona atxilotu dituzte eta ehunka lagun kanporatu dituzte. Otsailetik hona, Zisjordaniako 1.097 hektarea izendatu dituzte... [+]


Gaileten produkzioa etenda dute langileek Vianako Mondelez lantegian

Greba mugagabea egiten ari dira Vianako Mondelez lantegiko langileak. Ia erabateko segimendua produkzio lanean ari direnen artean eta txikiagoa bulegoetako beharginen artean. Enpresa batzordeko ordezkariek (CCOOk zazpi ditu, LABek bost eta bat ELAk) lan baldintza hobeak... [+]


2024-06-14 | ARGIA
Orklik laguntza programa bat zabaldu du proiektuetarako, bere ekintza sozialaren ildoan

Ordiziako Orkli kooperatibak 50.000 euroko funtsa jarriko du "komunitatetik sortutako ekimenak" laguntzeko. Orklidea izena jarri diote programari eta Euskal Herri osoko proiektuak aurkeztu daitezke.


30 udalek Israelekin harremanak etetearen aldeko mozioa onartu dute Hego Euskal Herrian

Euskal Herriko hainbat gizarte-mugimenduk sortutako Palestinarekiko Erantzukizuna Plataformak bultzatu du ekimena. Palestinako herriari laguntzeko eta lurralde erantzukizunak hartzeko egindako mozioan, Hego Euskal Herriko dozenaka udalek konpromisoak hartu dituzte.


Eguneraketa berriak daude