ARGIA.eus

2020ko abuztuaren 15a

Baterien birkarga izugarri azkartzeko bidea aurkitu dute

Joxerra Aizpurua Sarasola
2009ko martxoaren 29a
Telefono mugikorra
Telefono eramangarriaren bateria hamar segundoan edo ibilgailu elektrikoarena bost minutuan kargatzea ametsa da oraindik, baina laster errealitatea bihur daiteke. MITeko (Massachusetts-eko Teknologia Institutua, AEB) Gerbrand Ceder eta Byoungwoo Kang ikerlariek lortutako sistemarekin bateriak 100 aldiz lasterrago karga daitezke, gaur egun ohikoa dena baino.

Egungo aparatu elektronikoetako bateria guztiak litiozkoak dira eta horren arrazoia masa unitateko pilatu dezaketen energia kantitate handian datza. Korronte elektrikoa bi elektrodoren arteko ioi-zirkulazioa baino ez da, hau da, anodoan pilatuta dauden ioiak katodoranzko bidea egitean sortzen da korronte elektrikoa. Beraz, bateria batek kargatzeko edo energia askatzeko duen azkartasuna ioien araberakoa izango da.

Ikerlariek, Nature aldizkarian azaldu dutenez, katodoaren egitura aldatu dute. Litiozkoaren ordez, burdinazko eta litio fosfatozko aleazioz egindako katodoa osatu dute, aipatutako emaitzak lortuz.

Eraikitako prototipoan, bateria hogei segundoan kargatzen da. Bateria berak, katodo klasikoarekin, sei minututik gora behar du kargatzeko. Esan gabe doa enpresa askok saiakera honenganako interesa agertu dutela, eta laster merkatuan emaitzak ikusi ahal izango direla seguruenik.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak

ASTEKARIA
2009ko martxoaren 29a
Azkenak
EGILEA
Argia buletina
Egunaren laburpena
zure e-postan
Eguneraketa berriak daude