Oihan Vega Belceblues taldeko kidea elkarrizketatu du Aldaketa Hamasei aldizkariak: "Konturatu gara Euskal Herrian arazo bat dagoela. Azken hogeita hamar urteetan geratuta egon da musika, ez da urratsik eman, eta ikusi dugu musika mota bakarra entzuten eta bultzatzen dela hemen, rock indartsua (...) Ez dugu ezer rockaren kontra, baina zerbait gertatzen da herri osoan musika estilo bat baino jorratzen ez denean. Hutsune bat ikusten dugu. Arazo kulturala, soziala, politikoa edo dena delakoa. Horregatik disko honetan [Infer izeneko diskoan] salatu egin nahi izan dugu egoera hori edo kezka hori plazaratu nolabait, musikaren munduak gaur egun dituen aukera guztiekin, Internet bitartez zabaltzen diren estilo guztiekin, zergatik jorratzen den estilo hori gurean. Jazza dago, musika latinoa, countrya…".