Izenak
Barkoxeko herritarrek pasa den igandean eskaini zuten Maskaradaren lehenengo emanaldia, Barkoxen bertan. Azkena ere han egingo dute, apirilaren 12an. Tartean, beste hamar emanaldi eskainiko dituzte Zuberoako herrietan.
Luiz Azanza argazkilari iruindarraren irudiez osatutako erakusketa izango da ikusgai hilaren amaiera arte Iruñeko Contraluz galerian. Deia, El Diario Vasco, El País, Le Monde eta Publico Lisboa beste egunkari batzuentzako argazkiak egin ditu Azanzak.
Antonio Zavala jesulagun eta euskaltzain tolosarra hilaren 2an hil zen, 80 urterekin, Iruñeko San Miguel erietxean. Herri literaturaren arloan lan handia egin zuen Zavalak. Berak sortu zuen Auspoa bilduma 1961. urtean, eta 300 liburu baino gehiago argitaratu zituen, bertsolaritzari buruzkoak gehienak. Bertsolaritzaren eta herri literaturaren zein ahozko literaturaren izen esanguratsuenen lanak argitaratu ditu Auspoa bildumak, hala nola Txirrita, Pello Errota, Pedro Mari Otaño, Udarregi, Errikotxia, Xenpelar edota Bilintxenak.
Borja Ruiz Osarte aktore eta antzerki zuzendari bilbotarrak irabazi du Artez Blai Kultur Elkarteak eta Bizkaiko Foru Aldundiko Kultura Sailak aurrenekoz antolatu duten Arte Eszenikoen Ikerketarako Nazioarteko Saria. El arte del Actor en el Siglo XX. Un recorrido teórico y práctico por las vanguardias (Aktorearen artea XX. mendean. Ibilbide teoriko eta praktikoa abangoardietan zehar) lanari esker irabazi du saria Ruiz Osartek.
Jaurlaritzari koloreak atera dizkio Espainiako Gobernuak: Osakidetzak iragarri berri duenean jaioberriei egiten zaien orpo-proban hamalau gaitz antzeman ahalko direla aurrerantzean, gutxienez 22 gaitz behatu beharko ditu, Madrilen aginduz. Nafarroak dagoeneko 30 gaixotasunen... [+]
Gizonezko futbol profesionalaren gaitasun (im)mobilizatzaileari buruzko hausnarketa soziologikoa (artikulu hau EHUren Campusa aldizkariak argitaratu du)
Neskek gaitasun matematiko eta zientifikoekiko txikitatik duten pertzepzio, autopertzepzio eta bizipenen eraginez, zientzia arloko ikasketei muzin egin eta bestelako karrerak aukeratzen dituzte. Hala dio ikerketa berri batek.
“Azken egunetan” hainbat herrialderen ordezkariak Turkian izan direla salatu du nazioarteko ekimenak, Erdoganen gobernua presionatzeko ontzidia ez dadin itsasoratu. Askatasunaren Ontzidiak adierazi du ez duela “onartuko” debekurik, eta apirilaren 24an,... [+]