Nafarroako Hezkuntza kontseilari Carlos Pérez Nievasek hala adierazi du, aurrekontua murriztu diotela Euskarabideari krisiagatik eta ez kudeaketa txarra egin delako. 2008rako aurreikusitako kopuruarekin alderatuta, aurrekontua %25 murriztuko dute datorren urterako. Hiru milioi euro jasoko ditu Xabier Azanzak zuzentzen duen erakundeak. Dena den, aurrekontuak behin betiko onartu arte balorazio sakonagorik eskainiko ez duela esan zuen Pérez Nievasek, hobetzeko aukerak daudelako.