Gabriel Aresti eta Manuel María poetak adiskide izaten hasi ziren 1970 urtean, Francoren erregimenarekin euskaldunek eta gurean bizi ziren galiziarrek elkar ikusi ezin zuten urteetan. Begikotasun eta atxikimendu hark ondorio oso onuragarriak ekarri zituen, Xurxo Martínez Crespok eta Raúl Río Díazek plazaratu duten Galegos en Bizkaia. Galiziarrak Bizkaian liburuak adierazten duen bezala. Makina bat lan euskaratu zituen Arestik galegotik. Eta makina bat bertso idatzi zizkion Terra Cha-ko poetak Arestiri. Adibidez, Edorta Jimenezek euskaratutako Kantigaren neurri zaharrean paraturiko bertsoak, holaxe esateko egungo egia samin osoak.