Atzera eta aurrera
- Kolpetik zazpi jo, edo ale bakar bat jarri jokoan, galtzeko bada ere? Hordagoarekin mehatxu egin, edo enbidotxoa mahai gaineratu, arerioa nola dabilen ikusteko? Paso eginda jai dugula ohartu eta gero erabili beharreko estrategia zehaztea ez da lan erraza izango.
Negua oso luzea izan ohi da sokan dabiltzanentzat. Astean hiruzpalau entrenamendu eta, behin udaberrian sartuta, jatekoari begiratu behar pisuan sartzeko. Motibazioa topatzeko entrenamendu osteko berriketaldiak. Hango txapelketan lortutako garaipena, irlandarren aurkako tiraldia, japoniarren beroa, suitzarren presioa sartzeko ahalmena, holandar beteranoen pazientzia. Goma berrian edo lur gaineko lehiatan aurkaria zulotik ateratzeko erabilitako teknika. Eta hurrengo egunean berriro entrenamendua.
Orain hiru urte gure ordezkariek “herri bat gara eta herri bezala parte hartu nahi dugu txapelketa ofizialetan” aldarrikatu zuten. Eta parte hartu ahal izateko baldintzak erabat gogortu zituen TWIFek, Nazioarteko Federazioak, alegia. Espainiako edo Frantziako banderapean azaldu behar izatea gogorra da askorentzat. Txunda txunda edo Marseillatik etorritakoarena entzun beharra jasanezina gehienentzat. Ondorioz, bertako txapelketak soilik, bertako herrikideekin, bertako zelaietan indarrak neurtzeko eta urte amaieran ezin jakin gainontzekoak nola dabiltzan. Gutxitxo neguko hotzetan etxeko epela utzi eta entrenamendura azaltzeko.
Hamalau jo genituen eta Naziarteko Federazioko presidenteak, Ko Coren jaunak, inork uste ez zuela, dupleak zeuzkan.
Italian ikusi da egoera zertxobait aldatu dela. Coren holandarrak presidentzia utzi behar izan du gure egoera hobetotxo ezagutzen duen irlandar baten esku. Federazioko eta Jaurlaritzako ordezkariekin eginiko bileran egoera zuzentzen saiatu dira eta epaileak txistua jo duenean sokaren alde batean euskaldunak zeuden berriro. Ez, nahi bezala nazio mailako lehian, ez ikurriña edo Nafarroako Erresumako banderapean, baina han, nazioarteko klub mailako sokan. Enbido bat edukitzen asmatu eta “sikuelakoa” harrapatuta, hiru alerekin etxera: bi urrezkoak eta brontzezkoa hirugarrena.
Azken hiru urtetan eginiko okerra zuzentzen hasteko parada dugu. Ganbaran hautsak estalitako sokak astintzeko garaia da. Faenzakoa pausu txikia da eta segidakoak guk eman beharrekoak. Nazioarteko arduradunak ohartu dira lehiak asko galtzen duela euskaldunen kemenik gabe. Haiek ere jo zituzten elizako teila guztiak karta onegiak izan gabe. Alderik handiena jokoan dagoena da. Nazioarteko Federazioa kirolari buruz ari da, guk, garena, izaera, dugu jokoan. Hurrengo zita irailean, Suedian. Ganbaran gordetako sokei hautsak kentzeko bada denborarik.
Astelehenean jakinaraziko dituzte ordutegiak, eta hilaren 14an, igandean, jarriko dituzte salgai lehen egunetako sarrerak. 254 film egongo dira ikusgai, 56 herrialdetakoak.
Emmanuel Macron Frantziako lehendakariak adierazi du 26 herrialde prest direla gerra amaitu ondoren Ukrainan indar militarra zabaltzeko, “lurrez, airez edo itsasoz” parte hartuz. Vladimir Putin buruzagi errusiarrak erantzun die ez duela horrelakorik onartuko, ez... [+]
Caddo hizkuntza gorde eta biziberritzeko ahaleginean ari den ekintzailea da Alaina Tahlate. AEBetako jatorrizko caddo herriko hizkuntza hori jario oneko hiztun bakarrarekin gelditua zen: Edmond Johnson, 95 urteko hiztunarekin. Tahlate gazteak aitortu zion estutasunez bizi zuela... [+]
Izpegiko besten hirugarren edizioa ospatuko dute, Basaizea Baigorriko kultur elkarteak, Baztango Gazte Asanbladak eta Baigorriko zein Erratzuko gazteek elkarlanean prestaturik. Hitzaldiak, bazkaria, ibilaldia, kontzertuak... izanen dute zeregina.
Osasuna futbol taldeak bat egin du Nafarroako Abiadura Handiaren aldeko plataformarekin, azken honek ostegun honetan jakinarazi duenez. UGT sindikatuak eta Eraikuntzaren Industrializatzearen Aldeko Nafarroako Klusterrak ere bai.
Palestinarekin Elkartasunak manifestazio nazionala antolatu du urriaren 4rako. Ostiral honetan Euskal Herriko 130 udaletxeren aurrean protestatzera deitu du Gernika-Palestina ekimenak.
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Ikasleek pantailekin duten harremana aztertu eta "Heziketa digitala LH eta DBH" izeneko txostenean jaso dituzte ondorioak Macsonrisas-eko kideek.
Asteleheneko bileran helarazi zioten asmo hori enpresa batzordeari, eta irailaren 9rako deitu dute hurrengo bilera. Fabrikak 151 behargin ditu gaur egun, baina ez dute zehaztu zenbat kaleratuko lituzketen.
Emakumeak dantzara atera eta gizonezko dantzariek oztopatu egin dituzte, bultza egin diete eta haien dantza eragozten saiatu dira. Beste batzuetan musikariak geldiarazi dituzte eta ikusleetako batzuk bizkarra eman diete emakume dantzariei. Ez da Baztan, ez Hondarribia edo Irun;... [+]
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira... [+]