Izenak
Txirri, Mirri eta Txiribiton pailazoek Sudur gorria diskoa (Elkar) kaleratu dute. “Sudur gorria janzten denean barruak askatzen dira eta hori guztiok egin beharko genuke noiz edo noiz, haurrek zein helduok”, dio Jose Ignazio Ansorena Mirrik. Txirri, Mirri eta Txiribitonek hogeita hamabost urteko ibilbidea egin dute jada.
Edorta Jimenezek eta Joxe Arregik Jainkorik bai ala ez? Erlijioari buruz eztabaidan (Elkar) elkarrizketa-liburua kaleratu dute. Erlijioaz duten ikuspegiaz egin dute berba liburu horretan.
Bernardo Atxaga idazleak bloga (www.atxaga.org/blog) jarri du abian. Atxagak denboraldi luzea emango du Reno hirian (AEB), liburu bat idatzi nahi baitu han. Bertan izandako bizipenak, gogoetak eta poema zein narrazio laburrak bilduko ditu, besteak beste, blog horretan.
Deabruak Teilatuetan (taldeak abenduaren 29an ekingo dio 1973 disko kaleratu berriaren aurkezpen birari, Tolosako Bonberenean. 1998an behin behineko erretiroa hartu zuten taldeko kideek, eta orain datoz bueltan, azken hilabeteotan sortu dituzten kanta berriekin. 2008ko urtarrilaren 12an Iruñean joko dute.
Igor Otxoa eta Harkaitz Martinez txalapartarien Nomadak TX filmak bigarren saria irabazi du Herbehereetako IDFA zinemaldian.
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.
