Volksgeist edo Herri gogoa, Ilustraziotik Nazismora

  • Joxe Azurmendi ::Volksgeist, Herri gogoa

    Elkar

    orrialdeak ::333

    prezioa ::24€

Pilar Iparragirre
2007ko urriaren 28a
'Volksgeist, Herri gogoa'
Joxe Azurmendi EHUko Filosofia Modernoko katedradunaren Volksgeist, Herri gogoa. Ilustraziotik Nazismora lana trilogia baten parte da, Humboldt: hizkuntza eta pentsamendua-rekin, eta joan den urtean argitaratu zen Espainiaren arimaz obrarekin batera. Zerk eraman du Joxe Azurmendi hainbeste ahalegin eta ordu eskaini behar izan dizkion lan hau egitera? Politikan bizi dugun giro polemikoak –egunero kultura edo kultura eza zeharo nahasten dituena–. Azurmendiren esanetan, estatuaren “teologoek” diote abertzaleena pentsamendu esentzialista dela, herriaren arima batean, gogo batean edo esentzia batean sinesten duena; eta pentsamendu hori erromantikoa, irrazionalista eta arrazista ere badela, Herder edo Humboldt bezalako alemaniar pentsalarien tradiziokoa. Volksgeist liburuan gai horiek denak errepasatu ditu zegamarrak, herri gogo kontzeptua argitzeko; erromantizismotik zer duen eta zer ez; irrazionalismoak herri gogoarekin zerikusirik ez duela esateko; gainera, arrazismoaren historia filosofikoa eta politikoa ere berrikusten du, Frantzian hasi eta Alemanian jarraitzeko, volksgeist kontzeptuak Frantzian hasi eta Alemanian jarraipena izan zuen bezalaxe.
Joxe Azurmendi
«Liburu honek burla askoren erantzuna izan nahi luke»

Zer da, berez, volksgeist kontzeptua?


Berez ez da herri baten mentalitatea, izaera, edo nortasuna baino; herri baten kultura, jakinduria. Izatez, kasik gauza bera da folklorea. Herri bakoitzak bere jakinduria edo folklorearen arabera sortzen ditu kantak, dantzak, jendarteko harremanak, legeak, artea, mitologia... dena. Volksgeist hitza Hegel-ek (1770-1831) asmatua da, esan ohi denez, gazterik irakurritako Montesquieu alemanera itzuli beharrak horrela konposarazita. Gogoratu behar da, Herder, Hegel, Savigny, denak Montesquieuren irakurle artatsuak izan direla eta euren “herri gogoaren edo izpirituaren” kontzeptuetan haren testuetatik abiatu direla.

Zer uzten du agerian zure liburu honek?


Europar pentsamenduaren historia bat bakarra dela, “teologo” politikoek gustuko duten dikotomismo manikeo hori gabe –alegia, Ilustrazioa versus Erromantizismoa, kosmopolitismoa versus etnizismoa, Frantzia versus Alemania–. Lanean, berrehunen bat urteko garapen historikoa dago –ilustrazioa, erromantizismoa, filosofia idealista, positibismoa, bitalismoa, nazismoa–; eta bestetik, herri gogoa eta nazioa; herri gogoa monarkia absolutoaren kritiko gisa; herri gogoa eta Estatu nazionala; herri gogoa eta arraza... Eta baita ere Erromantizismoa eta literatura nordikoa... Horrelako gai nagusien inguruan Europako pentsamendu modernoaren historia errepasatzen da XVIII. mendetik XX. mendera arte

Polemika asmoz idatzitako liburua al da hau?


Ez, liburua ez da polemikoa. Baina polemika eta burla askoren erantzuna izan nahi luke.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2018-10-23 | ARGIA
Irueko sutean zauritutako emakumea hil da, pairatutako indarkeria matxistaren ondorioz

Orain astebete izandako sutean zauritu zen emakumea eta ordutik Zaragozako (Aragoi) Miguel Servet ospitalean egon da, asteartean hil den arte. Gizona atzo espetxeratu zuten behin-behinean.


2018-10-23 | ARGIA
Euskal presoen abokatuek PPren 2014ko amarru legala Europak ontzat ematea kritikatu dute

Iker Urbina eta Haizea Ziluaga abokatuek harrituta jaso dute Europako Giza Eskubideen Auzitegiaren epaia, besteak beste, Espainiako instantzia judizialetan ere iritzi desberdinak zeudelako.


2018-10-23 | Axier Lopez
Barakaldoko Udalak auzoetako jaientzat bideratzen duen diruaren bikoitza emango dio MTV multinazionalari

Azaroaren 4an Barakaldoko BECen ospatuko duten Europe Music Awards (EMA) ekitaldirako Barakaldoko Udalak 220.000 euroko diru-laguntza eman dio AEBetako MTV kateari.


2018-10-23 | Usurbilgo Noaua
GuraSOS: "Zubietan eraikitzen ari diren erraustegiak %110etik gorako gaindimentsioa du"

Berriki Espainiako Kontu Auzitegiak garai batean Zubietan eraiki nahi zen erraustegia gaindimentsionatua zegoela aitortu zuen. Egun eraikitzen ari direna ere hala dago. Zubietan eraikitzen ari diren erraustegiak %110etik gorako gaindimentsionamendua du. Hala adierazi du GuraSOSek astearte goiz honetan Donostian egin duen agerraldi bidez. Hitzartu prozesuaren baitan adituekin osaturiko mahai teknikoa Gipuzkoako Hiri Hondakinen Planaren erredakzio betean da.


2018-10-23 | ARGIA
Aurtengo egitaraua eta kartela aurkeztu ditu Durangoko Azokak, aniztasuna aldarrikatuz

“DA! asko dira” leloa aukeratu du Durangoko Azokak 53. edizio honetarako. Abenduko zitaren aniztasuna aldarrikatu nahi du Azokak eslogan horrekin. Txakur Gorria kolektiboak egin du aurtengo afixa, Landako gunean egon diren standen planoan oinarrituta.


2018-10-23 | Iigo Igartua
Frantzian beteriko zigorrak Espainiak ez zenbatzea ontzat jo du Estrasburgok

Epaimahaiko erabakiak, Frantzian beteriko zigorrak kontuan hartu behar ez direla zehaztu du, eta ondorioz, epaiaren zain zeuden hogei bat euskal presoren espetxetik irtetzeko epeak luzatuko dira.


2018-10-23 | Gorka Peagarikano
Egunean 84.500 euro irabazten dituzte Airbnb-rekin Bartzelonan hamar etxe-jabek

Xavier Triasen agintaldian etorri ziren turismo-legearen inguruko zenbait aldaketa. Nahikoa zen 230€ko lizentzia ordaintzea pisua etxebizitza-turistiko bilakatzeko. Behin lizentzia ordainduta, betirako zen; ez zuen iraungitze-datarik.


2018-10-23 | Estitxu Eizagirre
Maialen Lujanbiok jantzi du bigarrenez Zapia Zaldibian

Urriaren 19an jokatu zen Udazkeneko II. Zapi Janztea. Lehen bi edizio hauetan, beraz, Lujanbio da zapiduna. Sariketa honen ezaugarriak dira, sari nagusia zapia izateaz gain, zapia jantzi duenak hurrengo urtean ere kantatzen duela, eta entzuleen bozkek erabakitzen dutela nork merezi izan duen zapia.


ASTEKARIA
Azkenak
EGILEA
Eguneraketa berriak daude