‘Xalbador eta diaspora’ gaia izango da Urepelen ospatuko den Xalbador Egunaren ardatz. Goizean diasporari buruzko bideo emanaldia eta Xabier Euzkitzek aurkeztutako mahai-ingurua izango dira. 13:00etan aperitifa egingo da herriko plazan, Baigorriko Arrola taldeko dantzarien eta trikitilarien konpainian. Ondoren bazkaria egingo da, Xendarineko ahizpek eta Aire ahizpek alaiturik. 15:30ean Potxin eta Patxin pailazoen emanaldia eta bertso saioa izango dira. Johny Kurutxet (San Francisco, AEB), Jesus Goni (Reno, AEB), Andoni Egaña, Txomin Garmendia eta Sustrai Colina arituko dira kantuan.