Otso basatia kokoteraino dago ipuin guztietan beti galtzaile ateratzen delako. Oraingoan ez da hala izango, dio Ibaizabal argitaletxeak etxeko txikienentzako ezuste txundigarriz beteta plazaratu duen liburu honetan. Kurrin, Murrin eta Hurrin txerrikumeak bere sabelean bukatzea nahi du otsoak, ez besterik. Kurrinekin gauzak ondo aterako zaizkio, paperezko etxea duelako. Murrinekin beste hainbeste, kartoizko etxea egin duelako. Baina Hurrin oso azkarra da, eta porlanezko etxea du, hiriaren erdian gainera!